Қарағанды ОӘҒК

Өлкетану ақпараттық ресурстарының негізгі бөлігі библиографиялық басылымдардан тұрады.  Атаулы даталар күнтізбесі: библиографиялық тізімдерімен, библиографиялық жеке жаднамалар, ретроспективті ұсыныс көрсеткіштері, жаңа түсілімдер туралы жедел ақпараттар, жергілікті басылымдар репертуарлары т.б.

Өлкетану библиографиясы 70-80 жылдары жақсы қарқынмен бастау алды. Жаднамалар топтамалары – басылымдары шығарылды. "Шахтерлер – Социалистік Еңбек Ерлері", "Қарағанды құрылысшылары – ҚазССР Мемлекеттік сыйлығының лауреаттары", "Металлургтер  - Социалистік Еңбек Ерлері", "Қарағанды: 1934 - 1984" ұсыныс көрсеткіштері, "Қарағанды облысы туралы не оқу керек?", "Қарағанды қаласының құрметті азаматтары", "Олардың есімдерімен Қарағандының көшелері аталады" т.б.

Ағымдағы талдамалы библиографиялық "Қарағанды облысы туралы жаңа әдебиеттер" тізімі оқырмандар сұранысына ие. Біраз үзілістен кейін әдебиет, тарих, экологияға байланысты көкейкесті өлкетану ақпараттарына бірқатар көрсеткіштер әзірленді: "Өлке топонимі", "Өлке экологиясы", "Қайтарылған есімдер","Қайғылы тағдырлар беттері", "Сарыарқа батырлары" т.б.

Өлкетану туралы ақпарат дереккөзі – бұл "Атаулы даталар күнтізбесі", кітапхана күнтізбені 1971 жылдан шығарып тұрады. Бұл жылдарда талғампаз оқырмандар үшін күнтізбе өлкенің жүздеген атақты азаматтары туралы, облыстағы айтулы оқиғалар туралы деректер берді. Күнтізбені даярлау барысында үлкен зерттеу және іздестіру жұмыстары жүргізіледі. Жыл сайын ақпараттар көлемі артып, персоналдар тізімі өсуде.

Үдемелі индустриялық-инновациялық даму бағдарламасы бойынша Қарағанды облысының іске асырылатын жобалар картасы: Библиографиялық әдебиеттер көрсеткіші / Қарағанды обл. ғылыми-әмбебап кітапханасы; Құраст.: С.О.Телпекбаева.- Қарағанды: б.ж., 2013. - 42 б. – (Облыстық кітапхана - өлкетану орталығы).

Қазақстан Республикасы Президентінің 2010 жылғы 19 наурыздағы № 958 Жарлығымен бекітілген Қазақстан Республикасының үдемелі индустриялық-инновациялық дамуының 2010-2014 жылдарға арналған мемлекеттік бағдарламасын табысты іске асыру оны әртараптандыру және ұзақ мерзімге Қазақстан экономикасының бәсекеге қабілеттілігін арттыру арқылы орнықты және теңгерімді өсуді қамтамасыз ету жолында Қарағанды облысы бірқатар көрсеткіштер бойынша көшбасшы болып табылады.

Үдемелі индустриализация бүгінде Қазақстан үшін нақты қажеттілік болып отыр. Экономикалық қуатты тиімді аумақтық ұйымдастыру есебінен – Индустрияландыру картасы – бағдарлама экономикалық өсімнің жаңа орталықтарын құруға, басым салаларды тиімді арттыруға мүмкіндік береді.

Бағдарламаның мақсаты – Қазақстанның экономикасын әртараптандыру және оның бәсекеге қабілеттілігін әлемдік нарықта арттыру.

Қарағанды облысы - индустриялық бағдарламалары бойынша үлкен әлеуеті бар қуатты аймақтардың бірі. Облыста көлік құрылысы, тау-металлургиялық кешен, метал өңдеу, агроөнеркәсіп кешені, құрылыс индустриясы, химиялық және фармецевтикалық өнеркәсіп және басқа да салалар бойынша жоспарлы түрде дамып келеді.

Тағдыр тəлкегіне түскен тарихи тұлғалар. История трагических судеб: қарағандылық саяси-қуғын сүргін құрбандары: Библиографиялық анықтамалық / Қарағанды обл. əмбебап ғылыми кітапханасы.- Қарағанды: б.ж., 2008. 136 б.: сурет.

Политические репрессии — это целая эпоха в жизни нашей страны, горькая и страшная. На открытии музейного комплекса "Алжир" Президент страны Н.А.Назарбаев сказал "Сохранить память о  предыдущих поколениях, их трагедии - наш нравственный долг, залог того, что мы не позволим никогда повториться этому ужасу. Это важнейший исторический урок, который мы извлекли и о котором всегда должны помнить".

Қасым Аманжолов: 1911-1955 = Касым Аманжолов: 1911-1955 : библиографиялық көрсеткіш / Қарағанды обл. әмбебап ғылыми кітапханасы; құраст.: С.О.Телпекбаева, Г.П.Долженко.- Қарағанды: б.ж., 2011. - 58 б. + CD

Уақыт сынында сынбаған, қайта жыл өткен сайын өмірлі өлеңдері жаңа бір қырынан көрінген үлкен жүректі ақындарымыздың бірі Қасым Рақымжанұлы Аманжоловтың туғанына биыл 100 жыл.

Қасым Рақымжанұлы Аманжоловтың өмірі мен туындылары жəне шығармашылығы жайлы мəліметтерді жинау жəне жүйелеу жұмыстары өлкетану бөлімінің алғашқы қадамы ақынның туғанына 80 жылдығына арналған "Қ.Аманжоловтың шығармашылығы" атты жаднама 1991 жылы құрастырылған. "Өлеңнің қаптатармын отты селін" библиографиялық көрсеткіш ақынның 85 жылдығына 1996 жылы құрастырылса, 1997 жылы "Əдеби Қарағанды" библиографиялық көрсеткіште əдебиеттер тізімі ұсынылды.

Бұл көрсеткіш Қ.Аманжоловтың 100 жылдық мерейтойына арналған, көрсеткіште келтірілген библиография ақынның өмірін жаңаша көзқараспен жазған материалдармен толықтырылды. Бұл баспада ақынның мерзімдік баспаға шыққан жəне жеке шыққан көркем шығармалары қарастырылды.

Қарағанды тарихындағы есімдер = Имена в истории города : Библиографиялық көрсеткіш / Қарағанды обл. ғылыми-әмбебап кітапханасы; Құраст.: С.О.Телпекбаева, Г.П.Долженко.- Қарағанды: б.ж., 2009. - 122 б.

Мемориалдық тақталар – республиканың, Қарағанды облысының қалалары мен селоларының тарихындағы маңызды оқиғаларды, айтулы даталарды; мемлекет, ғылым, мəдениет пен экономика қайраткерлерін есте қалдыруға арналған металдан, мəрмерден, граниттен жасалып, бетіне жазу жазылған немесе белгі салынған плиталар.

Халық депутаттары Кеңесінің шешімімен орнатылған. Қазіргі таңда Қарағанды қаласы əкімінің жанындағы ономастикалық комиссиясының шешімі бойынша даңқты адамдардың өміріне, қызметіне байланысы бар үйлердің қабырғасына орнатылады.

Ұлы Отан соғысы жылдарында эвакогоспитальдар орналасқан үйлерде (Ерубаев к.,16; Сəкен даңғ., 13; Бұқар жырау даңғылы, 20; Мəметова көшесі, 111), ғарышкерлер А.Г.Николаевтің, В.В.Терешкованың, П.Р.Поповичтің қалалық аэропорт үйінде, басқа да ғарышкерлердің "Чайка" қонақ үйінің қабырғаларына мемориалдық тақталар орнатылған.