Қарағанды ОӘҒК

2023 жылдың 24 қаңтар күні «Дарын» мамандандырылған мектеп-интернат-лицейінің 10 «А» сынып оқушыларымен Мемлекет басшысы Қ-Ж.К. Тоқаевтың Қазақстан халқына кезекті жолдауына байланысты «Қуатты ұлттың деңгейі – халық» атты ақпараттық сағат өтіп, оқушылар өз ойларымен, өз пікірлерімен бөлісті.

Оқушылардың ойынша, экономикасы дамыған әділетті елде тұру халыққа ыңғайлы. Сол жағдайды жасау – мемлекеттің басты міндеті. Әрбір жұмыс жасаған азаматтың еңбегі елеулі болуы қажет және ертеңгі күнге деген сенім болуы тиіс.

Достар! Бұған дейін көп қаламгер бара қоймаған тың тақырыпқа арналған, халқымыздың салт-дәстүрі мен ұлттық ойындарының психологиялық астарына ғылыми тұрғыда талдау жасалған еңбек - «Қазақтың жазылмаған психологиясы» кітабына арналған бейне ақпаратты назарларыңызға ұсынамыз!

Достар! Бізде жаңа АРТ-МАРАФОН! Баршаңызды «Шығармашылықтың сиқырлы әлемі» атты сәндік-қолданбалы өнер марафонына қатысуға шақырамыз.

Егер сіз кез-келген техникада, әртүрлі материалдардан авторлық бұйымдар жасасаңыз, онда бұл МАРАФОН тек Сізге арналған!

АРТ-марафон 2023 жылдың ақпан айынан бастап қыркүйек айына дейін өткізіледі! АРТ-марафон шарттарымен Шеберлер Клубының 10 жылдық мерейтойына арналған «Шығармашылықтың сиқырлы әлемі» атты облыстық сәндік-қолданбалы өнер АРТ-МАРАФОНЫН өткізу ережесімен танысуға болады.

Биыл Мысырда Мәмлүк мемлекетінің негізін қалаған, төртінші сұлтаны Дешті Қыпшақ даласының атақты перзенті Бейбарыс сұлтанның 800 жылдық мерейтойы аталып өтеді.

Сұлтан Бейбарыс - тек қазақ емес бүкіл түркі халықтарының мақтанышына айналған, мәмлүктер арасынан ер жүректілігімен, ақылымен, дарынымен көзге түсіп, құлдықтан таққа дейін көтерілген ұлы бабамыз.

Бейбарыс сұлтанның 800 жылдық мерейтойы аясында Каир қаласында күрделі жөндеуден өткен Сұлтан әз-Захир Бейбарыс мешіті салтанатты түрде ашылу, Әл-Азһар университетінде халықаралық ғылыми конференциясын өткізу, Каир халықаралық қазіргі заманғы эксперименталды театр фестивалі шеңберінде Р.Отарбаевтың «Сұлтан Бейбарыс» спектаклін сахналау, Мысыр тарихының мәмлүктер дәуіріне арналған араб және қазақ тілдеріндегі энциклопедиясын жарыққа шығару және т.б. халықаралық іс-шаралар жоспарланған.

6 ақпан күні кітапханамызда «Жыр-Жауһар» шығармашылық орталығының мүшесі, ақын, туған жерге деген кіршіксіз махаббат өлеңдерімен өрнектей жеткізе білген талант иесі Еркебұлан Елеусізұлымен «Қайыңды көл» атты шығармашылық кеші өтті.

Ақын поэзия жанрына ең алғаш 16 жасында  қалам тербеген  өзіндік өмірлік жолын, өз өлеңдерінің шығу тарихын, жырға деген шабытын, адамгершілік туралы ақындық ойларын ортаға салып, «Қайыңды көл», «Ақжол деген ауыл бар..», «Анама», «Қарқаралы қазағым», «Тілек» атты тағы да басқа жауһар жырларын оқыды.