Облысының 2025 жылғы өлкетану әдебиеттерін насихаттауға арналған көмек құралы
| Қаралды: 14
"Өлкетану әдебиеттерін насихаттауға арналған көмек құралы" атты библиографиялық әдебиеттер көрсеткіші 1971 жылдан бастап жыл сайын қазақ және орыс тілдерінде шығарылады.
Бұл библиографиялық әдебиеттер көрсеткішіне Қарағанды облысының тарихы, рухани және маңызы бар оқиғалар, еліміздің экономикалық және мәдени дамуына ерекше үлес қосқан жекелеген ұйымдардың, еліміздің қалыптасуы мен нығайюына зор үлес қосқан, халыққа танымал қайраткерлердің, ғылым мен өнердің көрнекті қайраткерлердің, батырлар, ақын-жазушылардың т.б. мерейтойлары енгізуі дәстүрге айналған.
Қазыналы Қарағанды өңіріндегі маңызды және айтулы оқиғалар туралы ақпарат беруді, елімізде қолға алынып жатқан жаңа жобаларды жүзеге асыруды және өлкетану білімін кеңінен таратуын мақсат етіп отыр. Құралдың мазмұны қоғамдағы адамгершілік және рухани құндылықтардың нығаюына, Отанға және туған жерге деген сүйіспеншілік рухында тәрбиелеуге бағытталған.
Күнтізбеге қажетті мағлұматтар әр түрлі дерек көздерінен жиналды, оның ішінде электрондық және дәстүрлі каталогтар, анықтамалық және библиографиялық баспалар қоры, интернет – ресурстары. Тарихи оқиғалармен жеке тұлғалар туралы мәліметтерді анықтап, іздестіруде көптеген анықтамалық басылымдар пайдаланылды: "Қазақстан" Ұлттық энциклопедиясы, "Қазақ өнері" энциклопедиясы, "Қазақстан жазушылары", "Қазақстан жазушылары: ХХ ғасыр" анықтамалықтары, "Қарағанды. Қарағанды облысы" энциклопедиясы, облыстық мерзімді басылымдар және т.б.
Күнтізбе жылдың әрбір айы бойынша хронологиялық ретпен жүйеленген. Белгіленген күндерге қысқаша анықтама жазылып, тақырыпқа қатысты әдебиеттер тізімі қоса берілді. Әдебиеттер тізімінде, негізінен, соңғы жылдары жарық көрген кітаптар мен мақалалар ұсынылды. Көрсеткіш қазақ және орыс тілдерінде құрастырылды. Әдебиеттер тізімі арнайы бір жүйемен орналасқан: алдымен кітаптар кейін мерзімді басылымдар берілді. Барлық тізімдер алфавит бойынша орналасқан. Кейбір әдебиеттер тізімінде мүмкіндігінше электронды толық мәтінді онлайн-ресурстарға сілтемелер көрсетіледі. Көмекші құрал ретінде есімдердің көрсеткіші де берілді. Айы мен күні белгісіз даталарды кітапханаларда жыл бойында қашанда болса атап өтуге болады. Сондықтан көрсіткіштің соңында "Анықтамасыз және әдебиеттер тізімісіз қосымша даталар" тізімі берілді.
Алдарыңызға ұсынылып отырған библиографиялық әдебиеттер көрсеткіш кітапханалар мен мәдени мекемелерге, бұқаралық ақпарат құралдары қызметкерлеріне және көпшілік оқырмандарға арналады. Әсіресе білім беру мекемелерінде "Өлкетану" бағдарламасы үшін ерекше құнды.
Сонымен бірге кітапханашыларға әдеби кештердің өткізуіне, кітап көрмелерін ұйымдастыруға, библиографиялық анықтамаларды орындауға көмектеседі деген ойдамыз.
