Қарағанды ОӘҒК

Токмаков Евгений Петрович

(1916)

Токмаков Евгений Петрович 1916 жылы Чита қаласында туған. Соғысқа дейін ұшқыштар авиаотрядында Қарағандыда болған. 1941 жылы армия қатарына шақырылды, осы жерде әскери ұшқыш мамандығын алды. 1942 жылы соғысқа аттанды. Шені - капитан. 1943 жылы Қызыл жұлдыз орденімен және Александр Невский орденімен, I дәрежелі Отан соғысы орденімен және медальдармен марапатталды. 1944 жылы 13 сәуірде КСРО Жоғарғы Кеңесі Президиумының Жарлығымен майор, әуе барлаушы Е.П.Токмаковқа Ұлы Отан соғысы майданындағы ерлігі үшін Кеңес Одағының Батыры атағы берілді.

Теряев Петр Иосифович

(1922-1945)

Теряев Петр Иосифович 1922 жылы Қарқаралы ауданының Ақжол селосында туған. 1940 жылдың желтоқсанында Армия қатарына шақырылып, Орынбор әскери ұшқыштар училищесіне қабылданды. Шені - гвардия майоры. 1943 жылы және 1944 жылы 2 мәрте Қызыл ту орденімен марапатталды. ИЛ-2 ұшағымен 154 рет тапсырманы орындады. 1945 жылы 15 ақпанда Теряев Кенигсберг жерінде, Н.Гастелло мен жерлесі Н.Әбдіровтың ерлігін қайталап қаза тапты. КСРО Жоғарғы Кеңесі Президиумының Жарлығымен 1945 жылы 19 сәуірде П.И.Теряевқа Кеңес Одағының Батыры атағы берілді. Батырдың есімімен Қарқаралының бір көшесі аталады.

Сыртланов Моллаяр Исламгарейұлы

(1923-1944)

Сыртланов Моллаяр Исламгарейұлы 1923 жылы Башкирияда туған. 1941 жылы Қарағандыда №2 Федоров көмір разрезінде жұмыс істеді. 1942 жылы соғысқа аттанды. 161-ші дивизияның, 569-шы атқыштар полкінің құрамында шайқасты. 1943 жылы 23 қыркүйекте Днепр жағалауында үлкен ерлік көрсетті, алдыңғы саптағы отряд құрамында өзеннің оң жағалауына өтіп (Букринск плацдармы), жаудың қарсы шабуылына тойтарыс бергеннен кейін ортядымен Киев облысы Зарубенцы селосын жаудан азат етті.

Ленин орденімен және медальдармен марапатталған. Көрсеткен ерлігі үшін 1943 жылы КСРО Жоғарғы Кеңесі Президиумының Жарлығымен Кеңес Одағының Батыры атағы берілді. 1944 жылы Винница маңында болған ұрыста қаза тапты.

Сидорков Семен Матвеевич

(1908-1950)

Сидорков Семен Матвеевич 1908 жылы туған. 1942 жылы №1 Қарағанды шахтасынан өз еркімен соғысқа аттанды. Гвардия кіші сержанті Сидорков 76мм зеңбірек батареясын басқарды. 61-ші Орталық майданының 37-ші атқыштар полкінің, 12-ші атқыштар дивизиясының гвардия кіші сержанты. «Ерлігі үшін» медалімен екі мәрте марапатталды. Сидорков Днепрден өтудегі ерлік көрсеткендердің бірі. Днепр өзенінің жағалауындағы плацдармға ие болып, дивизионның шабуыл жасауын қамтамасыз етті. Осы ерлігі үшін С.М.Сидорковқа КСРО Жоғарғы Кеңесі Президиумының Жарлығымен 1944 жылы 15 ақпанда Кеңес Одағының Батыры атағы берілді.

Пономарев Михаил Сергеевич

(1920)

Пономарев Михаил Сергеевич 1920 жылы 15 желтоқсанда Ақмола облысының Вишневск ауданының Алексеевка селосында туған. Мектепті бітіргенен кейін Қарағандыға келді. Қарағанды аэроклубында ұшқыштар маманына оқыды. Әскерге 1940 жылы шақырылды, одан кейін Әуе Қарулы Күштері мектебінде оқыды. 1943 жылы соғысқа аттанды. 1944 жылдан 1947 жылға дейін Пономарев Польша әскері, кейін Кеңес Әуе Қарулы Күштері құрамында болды.

Өзіне тапсырылған жұмысты американ-корей соғысында жанқиярлығымен орындағаны үшін КСРО Жоғарғы Кеңесі Президиумының Жарлығымен 1951 жылы 13 қарашада М.С.Пономаревқа Кеңес Одағының Батыры атағы берілді.