Қарағанды ОӘҒК

Подсадник Николай Георгиевич

(1922-1975)

Подсадник Николай Георгиевич 1922 жылы Витебск облысында туған. Әскерге дейін Балқаш қаласындағы №1 Горкий атындағы мектепте оқыған. Әскерге 1940 жылы Балқаш қаласынан шақырылды. Шені - гвардия лейтенанты. 165-ші әуе ұшқыштар полкінің командирі. 1943 жылы II дәрежелі Отан соғысының орденімен, 1944 жылы көрсеткен ерлігі үшін екі мәрте Қызыл ту орденімен марапатталды. Киев, Львов, Кишинев, Румыния, Югославия, Австрияны неміс-фашист басқыншыларынан азат етуге қатысты. 1945 жылы 101-ші әуе операциясын ИЛ-2 ұшағымен ойдағыдай орындағаны үшін КСРО Жоғарғы Кеңесі Президиумының Жарлығымен Н.Г. Подсадникке 1945 жылы 18 тамызда Кеңес Одағының Батыры атағы берілді.

Паньков Иван Кириллович

(1925)

Паньков Иван Кириллович 1925 жылы Донецк облысы Карповка селосында туған. 8 класты аяқтағаннан кейін Артемьевк қаласынан, Қарағанды облысы Осакаровка ауданының Батпақ кентіне көшіп келді. Әскерге Тельман ауданынан шақырылды. Свирь өзенінен өтудегі көрсеткен ерлігі үшін И.К. Паньковқа КСРО Жоғарғы Кеңесі Президиумының Жарлығымен 1944 жылы 21 маусымда Кеңес Одағының Батыры атағы алды.

Соғыстан кейін Львовск пединститутын бітірді. Кейінгі жылдары Мәскеуде тұрып, КСРО Геология министірлігінде жұмыс істеді.

Павлов Юрий Николаевич

(1922)

Павлов Юрий Николаевич 1922 жылы Урумчи қаласында туған. Соғысқа дейін Қарағанды Орталық жылу электро - станциясында электромеханик болып жұмыс жасады. 1941 жылы әскерге шақырылды. Соғыс кезінде Алматыдағы жаяу әскер училищесін бітірді. Шені - гвардия лейтенанты. Соғыста көрсеткен ерлігі үшін 1944 жылы гвардия аға сержанты, 52-ші армия құрамындағы 254 атқыштар дивизиясы, 929 атқыштар полкінің рота командирі Ю.Н.Павловқа КСРО Жоғарғы Кеңесі Президиумының Жарлығымен 1944 жылы 13 қыркүйекте Кеңес Одағының Батыры атағы берілді.

Соғыстан кейін Павлов Алматы қаласында тұрып, Гипрониихиммаш институтының директоры қызметің атқарды.

Нұржанов Қазбек Бейсенұлы

1919-1945

Қазбек Бейсенұлы Нұржанов 1919 жылы Қарағанды (Жезқазған) облысы Ақтоғай ауылында туған. Әскерге 1939 жылы шақырылған. Шені - аға сержант. Қызыл Жұлдыз, III дәрежелі Даңқ ордендерімен, "Ерлігі үшін" медалімен марапатталған. 5-ші атқыштар дивизиясы 61-ші истребитель дивизионының барлаушылар взводы командирі аға сержант Нұржанов Ұлы Отан соғысына 1942 жылы қатысты. Волга мен Орел түбінде соғысып, Зуш, Десна, Сож, Днепр, Друть, Березин өзендерінен ұрыспен өтті. Ержүрек шабуылдаушы Қазбек жаяу әскерді өзімен ерте Волковскіге бірінші болып кірді.

Мороз Арсентий Игнатович

(1914-1962)

Мороз Арсентий Игнатович 1914 жылы туған. Соғысқа дейін Свердлов совхозында еңбек етті. Әскер қатарына 1941 жылы Қарағанды қалалық әскери комиссариатымен шақырылды. Днепр үшін шайқастағы ерлігі үшін 1943 жылы 26- шы қазанда КСРО Жоғарғы Кеңесі Президиумының Жарлығымен Арсентий Игнатович Морозға Кеңес Одағының Батыры атағы берілді. Соғыстағы ерлігі үшін Қызыл Жұлдыз орденімен, медальдармен марапатталған.