Қарағанды ОӘҒК

Оқырман қауымнан кітапты сыйлыққа алу ерекше құрмет. Кітапты үлкен жүректі кітапхананың тағдырына бейқам қарамайтын адам сыйлайды.

Кітапханамызға жергілікті жазушы Сүйіндік Жанысбай қазақтың біртуар ұлы, Алаш көсемі Әлихан Бөкейханның өмірі мен қызметі туралы көптеген деректі оқиғаларға толы «Әлемге әйгілі Әлихан» атты өзінің кітабын сыйға тартты. Бұл кітап кітапхананың кітап сөресінен ерекше орын алып қана қоймай, оқырмандарға ерекше қуаныш сыйлайтыны сөзсіз.

Ағымдағы жылдың 12 тамызында Н.В. Гоголь атындағы Қарағанды облыстық әмбебап ғылыми кітапханасы «HackTheBookshelf» атты жаңа жобасы ұйымдастыратынын хабарлайды.

«HackTheBookshelf» Хакатоны аймақтың орталық кітапханасының 90 жылдық мерейтойы аясында Қарағанды облысының мәдениет, архивтер және құжаттама басқармасының қолдауымен және Қарағанды облысының ақпараттандыру, мемлекеттік қызметтер көрсету және архивтер басқармасымен бірлесіп өткізіледі.

Хакатонға төмендегі тапсырмаларды орындау үшін командаларға біріккен Қазақстан Республикасының азаматтары қатыса алады:

• 1-кейс. Онлайн платформаны әзірлеу
• 2-кейс. Мобильді қосымшаны әзірлеу

Тіркелу үшін сілтеме бойынша өтіңіз

Кітапханаға жастарды тарту бойынша іске асырылған ашық байқау өз мәресіне жетті.

Бұл шара Қарағанды облысының мәдениет, архивтер және құжаттама басқармасының қолдауымен Қарағанды облыстық әмбебап ғылыми кітапханасының 90-жылдық мерейтой аясында  жүзеге асты.

Байқаудың мақсаты - кітапханаға жастарды тарту бойынша үздік тәжірибелерді анықтау және танымал ету.

Байқауға Қазақстанның 11 облысынан 43 шығармашылық жобалар ұсынылды. Атап айтсақ, Ақмола, Ақтөбе, Атырау, Шығыс Қазақстан, Батыс Қазақстан, Қостанай, Маңғыстау, Павлодар, Ұлытау, Солтүстік Қазақстан және Қарағандыдан қатысып, қазылар алқасының бірінші отырысының шешімі бойынша 22 қатысушы финалға жолдама алған болатын.

Оның ішінде облыстық, қалалық, аудандық және ауылдық кітапханашылармен қатар, Ұлытау облысының оқырманы, әдебиет жанашыры қатысты.

«Қара алтынымен жаһанды жылытып отырған Қарағанды қара сөз, қара өлеңімен де ел жүрегінің етегіне шырақ жағып, жылыта алады...»   
С. Сағынтай.

Екі күнге созылған кітапханамыздың 90 жылдық мерейтойына арналған халықаралық іс-шара алыс-жақын шетелден, еліміздің түпкір-түпкірінен келген кітапхана ісі мамандарын Қарағандыға тоғыстырды. Кітапхана төрінде адамзаттың рухани тыныс-тіршілігінің көзі - кітапхана ісін жандандыруға бағытталған іс-шараның жалғасы ретінде қазақ әдебиетінің, аймақтың шығармашылық шыңдалуына өзіндік үлес қосып жүрген жергілікті ақын-жазушылардың дөңгелек үстел басындағы әңгімемен жалғасты.

Қарағанды өңірі қай заманда да дарынды қаламгерге кенде болмаған өңір. Қарағандының әдеби ортасының  талғам биіктігін бүгінгі «Жаңа дәуір әдебиеті: дәстүр және жалғастық» тақырыбында өткен отырыс дәлелдей түсті.

Өмірдегі ең жақсы сыйлық – кітап. Бұл дәстүр кітапханамызда жақсы жалғасын тауып келеді.

КСРО білім саласының үздігі, 105 жасаған қарт ұстаз Шәукей Жұқановтың балалары кітапханаға «Тәбәрік», «Аманат» кітаптарын сыйға тартты.

Адамға деген мейірімге толы жүрегінде тұнған сыр естеліктерімен, ой-толғамдарымен бөліскен ұлағатты ұстаздың «Тәбәрік» кітабы көпшілік қауымға арналған.

«Әке аманатына деген адалдығымыз, парызымыз, борышымыз болып саналады деген оймен «Аманат» кітабын шығардық, бұл кітапта әкеміздің азаматтық ұстанымын, парасат-пайымын көрсететін көз тірісінде республикалық, облыстық, аудандық баспасөз беттерінде жарияланған жас ұрпаққа берер тәлімі мол мақалалары мен бата-тілектері жинақталған» - дейді қызы Гүлшара.

Құрметті оқырман қауым, өлкетану әдебиеттері бөлімінен алып оқуларыңызға болады.