Қарағанды ОӘҒК

5 желтоқсан күні Н.В.Гоголь атындағы Қарағанды облыстық әмбебап ғылыми кітапханасы, Ж.Бектұров атындағы Қарағанды облыстық жасөспірімдер кітапханасы және Абай атындағы облыстық балалар кітапханасының ұйымдастыруымен «Кітапхана қорын жинақтау және автоматтандырудың өзекті мәселелері» атты облыстық практикалық семинар өтті.

Семинардың мақсаты – облысымыздың кітапхана мамандарының кәсіби  құзыреттілігін дамыту. Қарағанды облысының орталықтандырылған кітапханалар жүйесінің кітапхана қорын жинақтау және автоматтандыру бөлімдерінің 50 астаммамандары семинарға қатысып, қызығушылықтарын танытты. Семинарды Қарағанды облыстық кітапханаларының басшылары ашып, қатысушыларға сәттілік тіледі. Қарағанды облыстық әмбебап ғылыми кітапханасының басшысы Шаймуханбетова А. С. іс шараның модераторы ретінде сөз сөйледі.

25 қарашада Н.В. Гоголь атындағы Қарағанды облыстық әмбебап ғылыми кітапханасында «Кітапханалық менеджмент және кадрлық ресурс» атты VІI облыстық кеңейтілген семинар өтті.

Отырысқа орталықтандырылған кітапхана жүйелерінің директорлары шақырылып, кітапхана саласын кадрлармен қамтамасыз ету мәселелері талқыланды.

Семинар модераторы Н.В. Гоголь атындағы Қарағанды ОӘҒК басшысы Д.Б.Аманжолова болды.

Семинар спикерлері Н.В. Гоголь Қарағанды ОӘҒК басшысы, Д.Б. Аманжолова, ҚР Ұлттық Академиялық кітапханасының директоры Ғ.К. Нұрғалиева, ҚР Ұлттық кітапханасының директоры Б.К. Оспанова, ҚР Ұлттық кітапхана директорының кітапхана жұмысы жөніндегі орынбасары А. Х. Юсупова, Қазақ мемлекеттік қыздар педагогикалық университетінің Кітапханатану және библиография кафедрасының меңгерушісі Г.И. Нұржанова, Қ.С. Мухамбетчина Тәттімбет атындағы Қарағанды өнер колледжінің «Кітапхана ісі» оқытушысы, К.С. Каренов Қарағанды облысының еңбек инспекциясы жөніндегі басқармасының қызмет көрсету саласындағы бақылау бөлімінің бас маманы.

Отырысты Қарағанды облысының архивтер және құжаттама басқармасының басшысы Е.Қ. Жұмакенов ашты.

Сөзі абызға, өмірі аңызға айналған, бір басына қазақтың бар өнерін сыйғызып, сегіз қырымен танылған Ақселеу Сейдімбектің 80 жылдық мерейтойына арналған  «Арқа даласы - Ақселеу әлемінде» өлкетанулық әдеби-марафоны аясында  «Мен оқыдым, Сізге де оқуға кеңес беремін» атты Қарағанды облысының кітапханашылары арасындағы буктрейлер байқауы өз мәресіне жетті. Бұл шара Қарағанды облысының мәдениет, архивтер және құжаттама басқармасының қолдауымен жүзеге асты.

Байқауға Қазақстан Республикасы Мәдениет және спорт министрлігінің Қарағанды облысының кітапханалар жүйесінің қызметкерлері қатысты. Жас ерекшеліктері шектелмеді.

Ақселеу Сейдімбектің өмірі мен шығармашылығын  инновациялық нысандар арқылы насихаттауды, кітапхана қызметкерлерінің шығармашылық потенциалдарын ашып көрсетуді, кітап оқуды алға жылжытудағы жұмыстың дәстүрлі емес әдістерін жүзеге асыру болып табылатын байқаудың Ережесі 2022 жылдың 10 сәуір күні жарияланған болатын.

Назарларыңызға Серік Тұрғынбеков жайлы бейнешолуды ұсынамыз.

Қымбатты достар!

ҚР Тәуелсіздігінің 30 жылдығын мерекелеу аясында өнер туралы әдебиеттер бөлімі 7 қазан мен 10 қараша аралығында «Менің Отаным – Тәуелсіз Қазақстан» атты арт-челлендж ұйымдастырып, өткізді. Аталмыш шараға Қарағанды, Қаражал, Балқаш қалаларынан, Қарқаралы ауданы мен Топар, Осакаровка кенттерінен өнерпаздар қатысты. Жұмыстарды сараптай келе тек қырыққа жуық қолөнерші мен суретшінің жұмыстары тақырыпқа сай болды.

Аталмыш шараға қатысушылар жүннен киіз басу, тоқыма тоқу, ағаш ою арқылы жасаған бұйымдарын, бисерден, модельдеу арқылы, оригами өнері, авторлық қуыршақтар, табиғи материалдардан жасалған қолөнер бұйымдарымен қатар, сәндік-қолданбалы өнер бұйымдарын ұсынды.

Бұл игі бастамаға қатысушылардың барлығы жас ерекшеліктеріне қарамастан шығармашылыққа құштар жандар екенін өз өнерлерімен дәлелдеді.

Қатысушылар шығармашылық жұмыстарын Instagram және Facebook әлеуметтік желілерінде #qazart30 және #karlib хэштегтерімен жариялады.