Қарағанды ОӘҒК

Білімге ұмтылған оқырманның табылар жері – кітапхана екені бәрімізге аян. Осыған орай, бүгін кітапханамыздың өлкетану әдебиеттері бөлімі жанынан құрылған «Ой-орда» пікірлесу клубының ашылу салтанаты өтті.

Білім іздеген жастар арасынан сапалы орта құрып, туған өлке туралы білімді терең меңгертуді, дамытуды, кітап оқу мәдениетін қалыптастыруды  және клуб мүшелерінің мәдени интеллектуалдық деңгейін жан-жақты дамытуға бағытталған ғылыми-әдеби, мәдени шаралар ұйымдастыруды мақсат еткен клубтың алғашқы отырысы ақын, Елін сүйген ерлер партиясының негізін қалаушысы Бүркіт Ысқақұлының 100 жылдығына арналды.

17 ақпан күні кітапханамызда «Бір ел – бір кітап» акциясы аясында қазақ прозасының деңгейін көтерген көркем сөз шебері, көрнекті жазушы, драматург, қоғам қайраткері Төлен Әбдіктің шығармашылығына арналған «Парасат майданы» кітабының бенефисі өтті.

Аталмыш шараның құрметті қонақтары Ә.Сағынов атындағы Қарағанды техникалық университетінің қазақ тілі және мәдениеті кафедрасының доценті, филология ғылымдарының кандидаты Қарлығаш Мәуенқызы Хамзина, Тәттімбет атындағы өнер колледжінің Кітапхана ісі бөлімінің оқытушысы Мухамбетчина Қызылгүл Советқызы, Абай атындағы мектеп гимназиясының кітапханашысы Избасарова Айсұлу Қапиятқызы келіп қалың оқырманмен кездесіп «Парасат майданы» кітабы туралы өз ойларымен бөлісті.

Құрметті оқырман!

Қазақтың тұңғыш кәсіби музыканты, музыка зерттеушісі, ұлағатты ұстаз, белгілі дирижер, кәсіби композитор, Қазақстан Ғылым академиясының өнер саласындағы академигі, Қазақстанның халық әртісі Ахмет Қуанұлы Жұбановтың 115-жылдығына арналған "Саз өнерінің сардары" атты бейне шолуды назарларыңызға ұсынамыз!

6-7 қазан күндері Қарағандыда «Сен неткен бақытты едің, келер ұрпақ...» атты Республикалық дәстүрлі ХІІ Қасым Аманжолов оқулары салтанат құрды. Қасым ақынның 100 жылдық мерейтойынан бастау алған бұл шара, жыл сайын Қарағанды шаһарында дауылпаз ақын жайлы сыр шертіп, ақын әлеміне, өлең атты құдіретті мұхитқа сапар шегіп келеді.

Қарағанды облысының мәдениет, архивтер және құжаттама басқармасының қолдауымен Н.В.Гоголь атындағы Қарағанды облыстықәмбебап ғылыми кітапханасының ұйымдастырып келе жатқан бұл жоба - жастардың бойындағы патриоттық сезімді нығайтып, жаңа есімдерді анықтайды, оларды жұртшылыққа таныстырады.

Жыл сайын  ұйымдастырылатын поэзия мерекесі 7 қазан күні С. Сейфуллин атындағы Қарағанды облыстық академиялық қазақ драма театрында жалғасын тапты.

Салтанатты кеш бүлдіршіндер Мүбарак Мұрат пен Әлихан Әміркен ақынның «Дүниеге жар», «Туған жер» өлеңдерін оқып, Қ.Байжанов атындағы КБ «Арай» тобының орындауында Қ.Аманжоловтың «Ақ сәулем» әніменашылды.