Қарағанды ОӘҒК

Біздің кітапханаға Каренова Хизат Ахметқызы белгілі Е.А.Бөкетов атындағы  ҚарУ-нің профессоры, экономика ғылымдарының докторы, академик, ҚР Білім беру ісінің Құрметті қызметкері Әл-Карени Рашит Саттарұлының   42 кітабын сыйға тартты.

Сіздерді экономика ғылымдарының докторы, профессор Рашит Саттарұлы Кареновтың көрнекті еңбектерімен танысу үшін біздің кітапханамыздың өлкетану әдебиеттері бөліміне шақырамыз.

Рашит Саттарұлының қазақ ру-тайпаларының және ұлтымыздың негізін қалаған ірі тайпаларының бірі «Арғынның тарихы мен  шежіресі» туралы үш томдық жинағында бүгінгі күнге жеткен шежіре-тарихы баяндалады және қазақ генеалогиясын тануға қосылған үлес ретінде оқырмандар жүрегінен жол табары сөзсіз.

Ал, «Жоңғарлардан елін, жерін қорғаған арқа өңірінің қаһарман батырлары» кітабында қазақтың ары мен абыройын қорғаған ерлік дәуірінің үш батырының өмір тарихы сөз болады. Сонымен бірге оқырман қауым бұл еңбектен  қазақ тарихының небір құпия сырларына, даулы мәселелеріне жауап табады деп сенеміз.

Рашит Каренов - туған еліне қызмет ету мен ғылымға деген адалдықтың нышанына айналған есім. Оның жұмыстары менеджмент пен маркетингтен бастап экономикалық-математикалық моделдеуге дейінгі кең ауқымды тақырыптарды қамтиды және құнды экономикалық зерттеулер ғана емес, сонымен қатар Қазақстан тарихына, еліміздің көрнекті қайраткерлеріне арналған жарқын шығармалар болып табылады.

Қазақстандық ғалымдардың өмірі мен жетістіктері туралы қызықты очерктерге сүңгіп, ғылымдағы еңбек пен таланттың маңыздылығын көрсететін монографияларды ашыңыз. Әрбір бет - біздің мұрамыз туралы көбірек білуге және көрнекті тұлғалардың мысалдарынан шабыт алуға мүмкіндік береді.

Келіңіздер! Көріңіздер! Оқыңыздар!