Қарағанды ОӘҒК

Ақын, жазушы, филилогия ғылымдарының кандидаты (2000) Қуантайұлы Нұржан 1971 жылы 22 қаңтарда бұрынғы Семей облысындағы Көкпекті ауданының Үлгілі ауылында туған. 1993 жылы әл-Фараби атындағы Қазақ мемлекеттік ұлттық университетінің журналистика факультетін бітірген.

1993–1994 жж. Қазақ радиосында аға редактор, шолушы, 1995–1996 жж. Қазақстан журналистер одағына қарасты Журналистерді қолдау қорының вице-президенті, 1996–2000 жж. әл-Фараби атындағы ҚазМҰУ-дың журналистика факультетінде аға оқытушы, доцент, 2000–2002 жж. республикалық «Жас Алаш» газетінің шолушысы, 2002–2004 жж. «Қазақ университеті» газетінің Бас редакторы, 2004–2005 жж. «Айқын» газетінің саяси шолушысы, 2005–2009 жж. «Алматы ақшамы» газеті бас редакторының бірінші орынбасары болып қызмет еткен. 2009 жылдан бастап Шығыс Қазақстан облысындағы «Шығыс ақпарат» Media орталығының директоры.

2000 жылы «Жүсіпбек Аймауытовтың көсемсөз мұрасы» деген тақырыпта кандидаттық диссертациясын қорғаған.

2001 жылы «Қаламгер» баспасынан «Адырна» атты өлеңдер кітабы шыққан. «Қараөзек» атты прозалық, «Күмбір» атты поэзиялық кітаптарының авторы.

Мемлекеттік «Дарын» сыйлығының, Қазақстан Жастар Одағы сыйлығының лауреаты.

Қазақ жырының есігін қоңыраулы жырымен, қоңыр үнімен ашқан Нұржан Қуантайұлы өлеңдері бөлек әсерге бөлейді.

Ақ қар, көк мұз, ақ боран,

Көңіл қайда хал неде?!

Күн туғанда ақтарам,

Алла! – де, – деп ақжарма көңілден ақтарылып, шұрайлы тілмен шырай енген көптеген жырлар туғызады.

Шығармалары:

1. Қуантайұлы Нұржан. Күмбір / Н.Қуантайұлы. - Алматы: Қазығұрт, 2005. - б.
2. Қуантайұлы Н. Бәтіңке: әңгіме / Н.Қуантайұлы // Жұлдыз. – 2001. - №11. – 59-63 б.
3. Қуантайұлы Н. Дыбыс қалғып, маң бозарып.../ Н.Қуантайұлы // Қазақ әдебиеті. – 2002. – 14 маусым (№24). – 7 б.
4. Қуантайұлы Н. Жүректегі күмбірлер....поэзия / Н.Қуантайұлы // Жас алаш. – 2005. – 8 шілде (№27). – 8 б. – («Қазақ әдебиеті» қосымшасы №5).
5. Қуантайұлы, Н. Бәтіңке [Мәтін] : әңгіме / Н. Қуантайұлы // Жұлдыз. - 2001. - №11. - 59-63  б.

Мақалалары:

• 1) Дүтпаева Н. Нұржан Қуантайұлы: «Желтоқсан оқиғасын жаңаша көрсетуге ұмтылдым» / Н.Дүтпаева // Жас алаш. – 2002. – 14 желтоқсан. – 11 б.
• 2) Қуантайұлы Н. Мағжаның белгісіз өлеңі: [М.Жұмабаев туралы] / Н.Қуантайұлы // Жас алаш. – 2000. – 28 қараша.
• 3) Қуантайұлы Н. Сәулетті менің Ордам қонған жер...: [Бөкей Ордасына 200 жыл] / Н.Қуантайұлы // Жас алаш. – 2001. – 17 сәуір. - (Рух. - №3).
• 4) Қуантайұлы Н. Халел мырзаның қилы тағдыры: [экономика қайраткері Халел Ғаббасов туралы] / Н.Қуантайұлы // Жас алаш. – 2001. – 6 наурыз.
• 5) Қуантайұлы Н. Алаш Орда Үкіметі болған ба? / Н.Қуантайұлы // Жас алаш. – 2001. – 2 маусым. – 4 б.
• 6) Қуантайұлы Н. Алаштың намысты азаматы: Мәшһүр-Жүсіп Көпеев туралы / Н.Қуантайұлы // Жас алаш. – 2001. – 1 желтосан. – 3-4 б.
• 7) Қуантайұлы Н. Ешқашан, ешуақытта ұмытуға болмайтын қасірет: [31-мамыр құғын-сүргін құрбандарын еске алу күні] / Н.Қуантайұлы // Жас алаш. – 2001. – 31 мамыр.
• 8) Қуантайұлы Н. Күшті режиссура болмаса, ұлт театры өспейді / Н.Қуантайұлы // Жас алаш. – 2002. – 21 наурыз (№34-35). – 5 б.
• 9) Қуантайұлы Н. Жүсіпбек Аймауытұлы. Жаңадан табылған шығармалар / Н.Қуантайұлы // Жұлдыз. – 2003. - №3. – 3 б.
• 10) Қуантайұлы, Н. Дөңгеленген дүние - ай... [Мәтін] / Н. Қуантайұлы // Егемен Қазақстан. - 2011. - 15 шілде (№ 299/300). - 5 б.
• 11) Тану мен талғампаздық [Мәтін] / Н. Қуантайұлы, О. Жәлелұлы, Ұ. Еркінбай ; дайындаған А. Ашанова // Қазақ әдебиеті. - 2012. - 9-15 қараша (№ 46). - 1, 6 б.

 Ол туралы:

• 1)    Қуантайұлы Нұржан // Қазақ әдебиеті. Энциклопедиялық анықтамалық / бас сарапшы Б.Әбдіғалиев. – Алматы, 2005. – 336 б.
• 2)    Қуантайұлы Нұржан // Қазақстан жазушылары: XX ғасыр. Анықтамалық. – Алматы: Ана тілі, 2004. – 191 б.
• 3)    Медетбек, Т. Алтынкөпірліктер [Мәтін] : (Қазіргі жастар поэзиясы хақында) / Т. Медетбек // Жұлдыз. - 2008. - №1. - 143-165 б ; №2. - 126-140 б.

Қазақстан Жазушылар одағы басқармасының әдеби кеңесшісі, ақын, «Серпер» жастар сыйлығының иегері Саят Қамшыгер 1978 жылы 1 мамырда Шығыс Қазақстан облысы, Жарма ауданы, Кезеңсу ауылында дүниеге келген.

Алматы мемлекеттік университетінің қазақ филологиясы факультетін 1999 жылы үздік аяқтаған. Әр жылдарда Алматы қаласындағы М.Базарбаев атындағы №138 гимназияда мұғалім, Қазақ тілі мен әдебиетін тереңдете оқытатын республикалық мектеп-интернатта оқытушы, «Қайнар» университетінде аға оқытушы, М.Әуезов атындағы Әдебиет және өнер институтында ғылыми қызметкер болып еңбек еткен. Қазір Қазақстан Жазушылар одағы басқармасының Проза, сатира жанрлары бойынша әдеби кеңесші.

1996 жылғы «Поэзия көктемі» жыр мүшәйрасының жеңімпазы, 1998 жылы «Жұлдыз» журналы ұйымдастырған Артығали Ыбыраев атындағы жас ақындар мүшәйрасының, Халықаралық «Шабыт» фестивалінің, Ауған соғысы ардагерлеріне арналған мүшәйраның, Астананың 10 жылдығына арналған республикалық мүшәйраның, «Алаш және рух» жыр мүшәйрасының жүлдегері.

1999 жылы «Білім» баспасынан шыққан «Өлеңге әркімнің-ақ бар таласы» атты студент ақындардың жыр жинағына, 2006 жылы «Жалын» баспасынан шыққан «Жас толқын» ұжымдық жинағына өлеңдері енген. 2001 жылы «Отырар кітапханасы» сериясымен «Сары гүл» атты тұңғыш кітабы «Жазушы» баспасынан жарық көрген. 2008 жылы «Жалын» баспасынан шыққан «Жүректегі ағыстар» атты жыр жинағының авторы. «Сәуір құрылтайы. 2002 жыл» (2007), «Алматының жүрегіндей Алмалы» (2006) кітаптарының құрастырушысы.

Ауылға деген мәңгілік сағыныш Саят жырларының да үзілмес арқауы. «Досым келді» деген өлеңінде ауылдан бала кездегі досы келгендегі тебіреніске түскен көңіл күйін әдемі суреттеген. Досы оны ауылына ғана емес, алыстағы балалық шағына да бір мезгіл қайта оралтқандай болады:

Қимай-қимай досыма қол бұлғаймын,

Ұзап бара жатқандай балалығым.

Досына арнаған осы туындысы 2008 жылы «Жүректегі ағыстар» жыр жинағына енген. 2009 жылы «Жұлдыз» журналына шыққан. Ақын Дәулетбек Байтұрсынұлы «Бәріміздің жүрегімізде досымызға жазылмаған жүз өлең бар. Сенің өлеңің жаныма жылы көрінді. Жақсы шығарылған екен. Маған керемет ұнады» деп шығармашылығына ақ жол тілеген.

Ақын шығармашылығынан бүгінгі уақыт шындығы көрініс береді. «Жүректегі ағыстар» кітабында:

Жақсы жандар, келіңдерші бос тұр ғой,

Жүрегімнің бөлмелері қаңырап! - деп өзінің рухани әлеміне шақырады.

Ақынның жүрегі тазалыққа құштар, өзгелердің де бойынан тазалықты іздейді. «Тазалықты аңсаймын. Бірақ бар ма бұл күндері тазалық?» деп сұрақ тастап, жанайқайын жеткізетін «Жүректегі ағыстар» кітабында тың теңеулер мен әсерлі ой оралымдары жиі кездеседі.

Ақындық – ол ақын боп жүру емес,

Жеткен ойды түйсіну ғарыштан мың, – деп өзі айтқандай, асқақ рухпен суарылған жаңа жырлары оқырмандар көңілінен шығуда.

Шығармалары:

1. Қамшыгер С. Сары гүл: өлеңдер / С.Қамшыгер– Алматы: Жазушы. - 2001. – 40 б. - (Отырар кітапханасы).
2. Қамшыгер С. Сен бе екенсің?..:өлеңдер / С.Қамшыгер // Жұлдыз. – 2001. - №8. – 78-79 б.
3. Қамшыгер С. Жүруші ем сол әсерден шыға алмай...:өлең / С.Қамшыгер // Таң-Шолпан. – 2002. - №5. – 46-49 б.
4. Қамшыгер, С. Мен көктемнің өлеңі [Мәтін] : өлеңдер / С. Қамшыгер // Жұлдыз. - 2010. - № 5. - 134-136 б.
5. Қамшыгер, С. Жүректегі ағыстар [Мәтін] / С. Қамшыгер. - Алматы : Жалын, 2008. - 80 б. - (Жас толқын).
6. Қазақстан жазушылары [Мәтін]: анықтамалық : 75 жыл / құраст. С. Қамшыгер. - Алматы : Ан Арыс, 2009. - 480 б.
7. Қамшыгер, С. Мінезімді жырларымнан танырсың... [Мәтін] / С. Қамшыгер // Таң-Шолпан. - 2010. - № 3. - 92-103 б.
8. Қамшыгер, С. Көзімде – жас, Жүрегімде – сағыныш..:өлең / С.Қамшыгер // - Қазақ әдебиеті. – 2012. – 12-18 қазан (42). – 8б.

Мақалалары:

Қамшыгер С. Сабырбай Ақтайлақұлы (1775- 1865) / С.Қамшыгер // Абай. – 2005. - №3. – 61-66 б.

Ол туралы:

1) Қамшыгер Саят // Қазақстан жазушылары: XX ғасыр. Анықтамалық. – Алматы: Ана тілі, 2004. – 179 б.

2) Қамшыгер Саят // Қазақ әдебиеті. Энциклопедиялық анықтамалық / бас сарапшы Б.Әбдіғалиев. – Алматы, 2005. – 313 б.

3) Қ.Шағыр. Әуезе - Дала мен Қала.

Белгілі ақын, аудармашы, журналист Исәділ Алмат Мұратұлы 1976 жылы 20 желтоқсанда Алматы қаласында дүниеге келген. Алматы облысы Райымбек ауданы, Кеген ауылындағы орыс орта мектебінде, аудандық Музыка мектебінің домбыра сыныбында оқыған. ҚазМУҰ-дың журналистика факультетін сырттай бітірген.

Еңбек жолын №2 Кеген орта мектебінде музыка пәні мұғалімі ретінде бастаған. Республикалық оқушылар Сарайында қызметкер, «Алматы ақшамы» газетінде бөлім меңгеруші, жауапты хатшы, «Елорда» баспасында әдеби редактор, «Қазақ әдебиеті» газетінде бөлім меңгеруші, Қазақ-Британ университетінің редакциялық-баспа бөлімінің бас менеджері, «Қазақ радиосы» бағдарламалар бөлімінің шеф-редакторы, «Әдебиет айдыны» газеті бас редакторының бірінші орынбасары, «Қазақ университеті» газеті бас редакторының орынбасары, «Жас қазақ үні» газеті бас редакторының бірінші орынбасары, «Қазақстан» ұлттық телеарнасының жүргізуші-редакторы қызметтерін атқарған. Қазіргі уақытта республикалық «Алаш айнасы» газетіде Мәдениет бөлімінің редакторы.

Қазақстан Жазушылар одағы Басқармасының мүшесі, Халықаралық «Шабыт» фестивалінің дипломанты, бірнеше жыр мүшайраларының жүлдегері, Сайын Мұратбеков атындағы арнайы сыйлықтың иегері.

Әдеби аудармамен айналысады. Түрік классиктері мен, А.Пушкин, С.Есенин, М.Лермонтов, И.Северянин, И.Анненскии сынды орыс ақындарының шығармаларын қазақшалаған. Орыс тілінде жазатын қазақтың көрнекті ақыны О.Сүлейменовтің бірқатар шығармаларын ана тілінде сөйлетті. Ақын балалар әдебиетіне де үлес қосуда, балалар мен жасөспірімдерге арнап шығармалар жазып жүр.

Алғаш «Жолдар, жолдар», «Жалғыз» деген өлеңдері «Жас алаш» газетінде басылып, ақын атануыма жол ашқан. Өлеңдері «ХХІ ғасыр поэзиясының антологиясы» сынды бірнеше ұжымдық жинақтарға енген. «Отырар кітапханасының» тұңғыш сериясымен жарық көрген «Жолдар, жолдар...» және «Көңілалаң» кітаптарының авторы.

Шығармалары:

Исәділ, А. Жолдар, жолдар [Мәтін] : өлеңдер / А. Исәділ. - Алматы : Жазушы, 2001. - 40 б.

Исәділ, А.Көңіл алаң...[Мәтін] : өлеңдер / А. Исәділ. - Алматы : Жалын, 2008. - 80 б. - (Жас толқын).

Эмре, Ю. Өтер бұл күн... [Мәтін] / Ю. Эмре ; аударған А. Исәділ // Әлем әдебиеті. - 2012. - № 5. - 7-28 б.

А.Исәділ. Жас қаламгерлердің әлемтордағы туындылары. Қазақстаным! Өлеңдері.

Мақалалары:

1. Исәділ, А. Ажалын да күліп қарсы алған ақын [Мәтін] :  Төлеужан Ысмайылұлы-70 жаста / А.Исәділ // Қазақ әдебиеті. - 2002. - 16 тамыз(N33). - 14  б.
2. Исәділ, А. "Ертегі-өмір! Өтіріксің, жалғансың, жылап тұрсын... бірақ маған күлкілі... [Мәтін] / А. Исәділ // Жас Алаш. - 2002. - 27 сәуір. - 7  б.
3. Исәділ, А. Өлеңді құлша жұмсамай, оған қызмет ету керек [Мәтін] / А.Исәділ // Қазақ әдебиеті. - 2002. - 4 қазан.-(Жас қалам, N4.-9 б.).
4. Исәділ, А.  Бұл қалай "жиендік?" [Мәтін] / А. Исәділ // Қазақ әдебиеті. - 2004. - №31. - 4-5  б.
5. Исәділ, А. "Бірде түнек, бірде нұр... өмір сен де, Ауа райы секілді алдамшысың" [Мәтін] : өлең / А.Исәділ // Жас Алаш. - 2004. - 22 мамыр. - 11 б.
6. Исәділ, А. 50 жылдың бейнесі жоғалып барады [Мәтін] / А. Исәділ // Қазақ әдебиеті. - 2004. - №3. - 14  б.
7. Исәділ, А. Туған тілдің бастауы... [Мәтін] / А. Исәділ // Қазақ әдебиеті. - 2010. - 28 мамыр - 3 маусым (№ 21). - 8 б.
8. Исәділ, А. Аймауытовтың "Ақбілегін" ел болып оқимыз [Мәтін] / А. Исәділ // Алаш айнасы. - 2011. - 11 наурыз (№ 42). - 5 б.
9. Исәділ, А. Қазақ елі Қасым жырымен рухтанды [Мәтін] / А. Исәділ, С. Сағынтай // Алаш айнасы. - 2011. - 15 қыркүйек (№ 162). - 5 б.
10. Исәділ, А. Мүдделес жастар Мәскеуде тоғысты [Мәтін] / А. Исәділ // Алаш айнасы. - 2011. - 27 желт. (№ 229). - 5 б.
11. Исәділ, А. Тойға тарту [Мәтін] / А. Исәділ // Алаш айнасы. - 2011. - 15 қыркүйек (№ 162). - 8 б.
12. Исәділ, А. "Әдебиет пен махаббат жасқа қарамайды" [Мәтін] : ақын, аудармашы А. Исәділмен сұхбат / сұхбаттасқан А. Ашанова // Мұқағали. - 2012. - № 9/10. - 78-83 б.
13. Қараева, Ш. "Ұрпағыңа медет бер, Ұлы бабам!" [Мәтін] / Ш.Қараева, Б. Нұржекеұлы, Х. Әбжанов, А. Исәділ // Алаш айнасы. - 2012. - 8 желт. (№ 218). - 5 б.
14. Исәділ, А. Әдебиеттің алыбынан қалған мәдениеттің марқасқасы [Мәтін] / А. Исәділ // Алаш айнасы. - 2013. - 19 қаңтар (№ 5). - 3 б.
15. Исәділ, А. Бояумен көмкерілген поэзия [Мәтін] / А. Исәділ // Алаш айнасы. - 2013. - 9 ақпан (№ 20). - 5 б.

А.Исаділ. Ұлт әдебиетіне ғаламтор төрінен орын бар ма? «Алаш айнасы» газеті.

Ол туралы:

Исәділ, А. Әдебиет пен махаббат жасқа қарамайды [Мәтін]: белгілі ақын, аудармашы А. Исәділмен сұхбат / сұхбаттасқан А. Ашанова // Қазақ әдебиеті. - 2012. - 5-11 қазан (№ 41). - 12 б.

Кесілген шыршаны көтеріп келе жатып... [Мәтін] / Ы. Дәбей [және т. б.] ; дайындаған Г. Бектас // Түркістан. - 2012. - 27 желт. (№ 52). - 8 б.

Ақын Қазыбек Иса Жарылқасынұлы 1962 жылы Оңтүстік Қазақстан облысы, бұрынғы Мақтаарал ауданы, Бірінші май ауылында туған. 1969 жылы Шардара ауданындағы «Восход» орта мектебіне барып, 1979 жылы «Қызылқұм» орта мектебін бітіреді.

1979-1984 жылы Абай атындағы Қазақ педагогикалық институтының көркемсурет-графика факультетін бітіріп, 1984-1990жж. Қызылқұм орта мектебінде мұғалім, 1991 жылы Алматыдағы республикалық «Жас қазақ» газетінің бөлім меңгерушісі, 1993 жылы «Өркен» газетінің бөлім редакторы, 1999 жылы «Қазақпарат» баспа корпорациасының вице-президенті, 2000 жылғы мамырдан «Жас қазақ үні» газетінің бас редакторы, «Жас қазақ» ТГР ЖШС бас директоры. Сонымен қатар «Жұлдыздар құпиясы» журналы бас редакторы және «Тұран» баспасының директоры.

Алғашқы өлеңдер топтамасы 1984 жылы «Аудитория» студент ақындар кітабында, 1988 жылы «Тоғыз перне» ұжымдық жинағында жарияланған.

Тұңғыш жеке кітабы 1995 жылы «Керімсал» деген атпен жарық көрді. 2002 жылы «Қызыл жыңғыл» кітабы шыққан. 2008 жылы «Тәтті шөл» жыр кітабы жарық көрді.

1998 жылғы Қазақстан Республикасы Президенті степендиясының иегері. 1999 жылғы Қ.Сәтпаевтың 100 жылдығына арналған республикалық мүшәйраның, Түркістанның 1500 жылдығына орай өткен халықаралық мүшәйраның үшінші жүлдегері.

2008 жылы "Тәтті шөл" кітабы үшін Халықаралық Алаш сыйлығының лауреаты атанды. 2009 жылы Қазақстанның Мәдениет қайраткері  атағына ие болды.

Қазақстан Жазушылар одағының мүшесі. Алматы қаласында тұрады.

Табанды жырларымен оқырмандарын тәнті етіп келе жатқан Қазыбек Иса туған жерге, Қызылқұмына қалам тербеген. "Тартылыс" деген өлеңінде туған жерге деген тартылыс күшін жеңу мүмкін емес дейді:

Табаныңда тартылғанда үзеңгі,

Тағдыр салса, басарсың- ау жүз елді.

Қаншама кең болғанменен қара жер

Бір- ақ жерге бүгесің ғой тізеңді.

Еріп кетіп өмір деген көшкінге,

Кешеді елің,

Келсең де сен кеш мүлде...

Кіндік кесіп,

Жүрегіңе жалғаған

Тартылысты жеңе алмайды ешкім де.

Екпінді тегеуірінімен ерекше естілетін тарихи тұлғаларға арнаған өлеңдері жетерлік. Өлеңдері тарихты танып білу үшін ғана емес, ең алдымен одан тағылым алу үшін жазылған. Махамбетке "Қызғыш құс" өлеңін арнаған. Абайға арналған өлеңдері, тұнып тұрған драма, тіпті қасіретті трагедия деуге болатын "Сәкеннің соңғы суретін көргенде" деген өлеңі бар.

Ақын жайлы Т.Медетбек «Қазыбек Исаның құлашы кең, қарымы мол. Бір тақырыптан соң екінші тақырып табалдырығын емін- еркін аттап өте береді. Жалпы, қазақ поэзиясында өз үні мен жолын белгілеп алған ақынның азаматтық болмыс-бітімі де айқын. Оның ел мен жер туралы, уақыт пен қоғам жайлы ақтарыла сөйлеп келе жатқанына, тегеурінді ұстанымдарына, сөз жоқ, бәріміз де тәнтіміз» дейді.

Мақалалары:

1. Иса, Қ. Жыңғыл гүлі [Мәтін] / Қ. Иса // Жұлдыз. - 2001. - №11. - 31-33  б.
2. Иса, Қ. Қасыммен сырласу [Мәтін] : өлең / Иса, Қ. // Орталық Қазақстан. - 2001. - 13 қазан.
3. Иса, Қ. Мұхтар аға Шахановқа [Мәтін] : қ.Иса / Қ. Иса // Жас қазақ үні. - 2002. - 12 шілде. - 3 б.
4. Иса, Қ. Азаттықтың аңырап адырнасы [Мәтін] / Қ.Иса // Жалын. - 2004.- №6. - 84-86 б.
5. Иса, Қ. Қоштасып ап...күтуменен өтер күн... [Мәтін] : поэзия / Қ. Иса // Қазақ әдебиеті. - 2004. - 5 қараша. - 13 б.
6. Иса, Қ. Шығып дім Шындық іздеп [Мәтін] / Қ. Иса // Жұлдыз. - 2005. - №1. - 97-101 б.
7. Иса, Қ. Бақыт деген - бақыт жайлы ойламау... [Мәтін] / Қ. Иса // Қазақ әдебиеті. - 2007. - 22-28 маусым (№25). - 9 б.
8. Иса, Қ. Қар астында қалқып жүрді бір ақын... [Мәтін] / Қ. Иса // Қазақ әдебиеті. - 2008. - 27 желт. (№ 52(2). - 33 б.
9. Иса, Қ. Бақыт деген - бақыт жайлы ойламау  [Мәтін] / Қ. Иса // Егемен Қазақстан. - 2012. - 30 мамыр (№ 279/282). - 12 б.

Шығармалары:

Иса, Қ. Қызыл жыңғыл [Мәтін]: жыр кітабы / Қ. Иса. - Астана: Фолиант, 2002. - 132 б. - (Отырар кітапханасы).

Иса Қ. Тәтті шөл [Текст] : жыр кітабі / Қ. Иса. - Алматы : Жазушы, 2007 -1-том. - 240 б.

Қ.Иса. Керімсал. Өлеңдері. "Адырна" ұлттық-этнографиялық сайты.

Ол туралы:

1) Иса Қазыбек // Қазақ әдебиеті. Энциклопедиялық анықтамалық / бас сарапшы Б.Әбдіғалиев. – Алматы, 2005. – 251 б.

2) Иса Қазыбек // Қазақстан жазушылары: XX ғасыр. Анықтамалық. – Алматы: Ана тілі, 2004. – 150 б.

3) Медетбек, Т. "Әлі талай азаптайды алда сын"...[Мәтін]: немесе бүгінгі заманның ғашықтық ғазалдары / Т. Медетбек // Дәстүр. - 2012. - № 5. - 18-21 б.

Қазыбек Исаның блогы.

Имашева Ләзиза 1974 жылы Алматы облысы, Кербұлақ ауданы, Жоламан ауылында дүниеге келген. 1991-жылы Жоламан орта мектебін, 1994-1999-жылдары Алматы Халықаралық Журналистика институтын журналист мамандығы бойынша аяқтаған.

2002 жылғы V Халықаралық "Шабыт " фестивалінің лауреаты, 2003-жылы жазушы Ғ.Мұстафиннің 100 жылдық мерейтойына жарияланған жас прозашылар конкурсының 2-жүлдегері.

2001-жылы "Алтын Орда» газетінде ең алғаш басылып, содан бері әңгімелері "Қазақ әдебиеті", "Астана ақшамы", "Жетісу", "Қазақстан әйелдері' басылымдарында жарық көріп келеді.

Әңгімелері 2004 жылы жас жазушылардың "Көк күмбез", 2005 жылы "Жалын" баспасынан жарық көрген "Жас толқын" жинақтарына енген. 2002—2004 жылдары республикалық "Қазақстан әйелдері" журналында қызмет етті. 2004 жылдан Астана қаласында"Аударма " баспасының редакторы.

Шығармалары:

1) Л.Имашева. Бәрі өткінші. Асудағы арпалыс. Сағыныш. Мөлтек әңгімелер: проза // Жас толқын. Жинақ. Проза. 1-кітап / құраст. Н.Байсақалова. – Алматы, 2005. - 104-169 б.

2) Горький, М. Артамоновтардың ісі. Әңгімелер [Мәтін] / М.Горький; ред. Л.Имашева. - Астана : Аударма, 2007. - 485 б. - (Әлем әдебиеті кітапханасы).

3) Гюго, В.          Аласталғандар [Мәтін] : роман / В. Гюго; ред. Л. Имашева ; ауд. З. Әбдешев. - Астана : Аударма, 2007. - 688 б. - (Мәдени мұра : әлем әдебиеті кітапханасы).

Мақалалары:

1. Имашева Л. Қазақ әлемі / Л.Имашева // Қазақстан әйелдері. – 2004. - №7. – 24-25 б.
2. Имашева, Л. Навстречу солнцу! [Текст] / Л.Имашева // Казахстанская правда. - 2008. - 1 мая. - С. 6.

Ол туралы:

"Қазақстан баспагерлері мен полиграфистері. Анықтамалық", Алматы,"Білім" баспасы, 2005 жыл - 576 бет.