Қарағанды ОӘҒК

Өзіне тән философиялық ойлары бар, өзіндік жазу стиліне ие жас қаламгер, прозаик, журналист Лира Қоныс Бөкейханқызы 1981 жылы Ордабасы өңірінде дүниеге келген.

Қ.А.Йассауи атындағы Халықаралық Қазақ Түрік университетінің Шығыстану факультетін бітірген.

Халықаралық «Шабыт» фестивалінің екі дүркін жеңімпазы.

Тәуелсіз «Үміт-Тарлан» сыйлығының иегері. Қазақстан Республикасы Президентінің "Болашақ" стипендиясының иегері. Республикалық «Дала мен Қала» газетінде қызмет атқарған.

«Сізге ғашық қыз», «Мәңгілік сағыныш», «Құлпынай қосылған балмұздақ» атты прозалық жинақтардың авторы.

Л.Қоныс шығармашылығы әдеби ортада көп пікір тудырып келеді, туындыларының философиялық астары бар Жазу стилі ерекше Лираның әңгімелерін жапон жазушыларының будда ағымымен жазу сарынын еске түсіреді деуге болады.. Кербез, махаббатқа адал, қиялдары жүйрік, сезімдері сұлу келген кейіпкерлері кез-келгеннің көңілінен шыға бермейді.

Оқиғаның өрбуі де, шарықтау шегі де өз деңгейінде жазылған қысқа әрі тартымды новеллалар жазған. Новеллалары бірде түсініксіз аяқталса, бірде қызық аяқталады. Бірде күлкілі аяқталса, бірде оқырманын ойға батырып аяқталады. Қыз сезімінен сыр шертетін: «Менің Аяным», «Мумуния кафесінде», «Қоштасу», «Сәтсіздіктегі сезімдер» новеллаларын оқыған жанның жүрегіне жол табатын соны туындылар деуге болады.

Мистикалық таным желісімен жазылып шыққан «Құлпынай қосылған балмұздақ» атты роман кітаптың авторы.Бұл шығарма жайлы оқырмандар әр түрлі пікір білдіруде. Жалпы тілі жеңіл, оралымы оңай, оқиғасы ойға жетелейтін кітап «Келіншектал», «Алма ағашының құдайы», «Әже», «Құлпынай қосылған балмұздақ», «Жаңбырлы күні», «Ажал екінші рет қашан қайта айналып соғар екен?..», «Қош, Күнекей!», «Құлпынай қосылған балмұздақ 2», «Уақыт», «Уақыт 2», «Су перісінің зираты», «Махаббат туралы роман», «Сәкө, су және Андерсеннің ертегісі», «Отыз үш тал раушан», «Мамыр айының тоғызы» деген бірнеше шағын тақырыптардан тұрады.

Жас қаламгердің «Ізгілікті іздеу теориясы» атты кітабын Әкім Ысқақ шығармашылығына арналған әдеби зерттеуге жатқызуға болады. Ә.Ысқақтың Ата Заңымыздың аяғынан тік тұруына, қазақы жолмен қадам басуына жасаған ықпалдарына, психологиялық-пәлсапалық саладағы туындылары мен балалар әдебиетіне қатысты дүниелеріне жеке-жеке тоқталып, талдау жасалған. Оған ғылыми тұрғыдан баға беріп, әдеби зерттеу жүргізген. Әкім Ысқақтың пәлсапалық-психологиялық туындыларына талдау жасалып, жазушының сатирасы сарапталған. «Жусан иісті жыр» деген тарауда қаламгердің ақындық қырын шебер суреттеп, биік баға берген. Сондай-ақ «Гүл қауызындағы тамшы», «Жан жаңбыры» сияқты кітаптарына талдау жасалған.

Шығармалары:

1. Қоныс Л. Бала ғашық: әңгіме / Л.Қоныс // Жас толқын. Жинақ. Проза. 1-кітап / құраст. Н.Байсақалова. – Алматы, 2005. - 170-179 б.
2. Қоныс Л. Құрқылтайдың ұясы: проза / Л.Қоныс // Жалын. – 2004. - №10. – 111-117 б.
3. Қоныс Л. №11 бөлме...:[әңгіме] / Л.Қоныс // Қазақ әдебиеті. – 2006. – 27 қаңтар (№4). – 8 б. – (Жас қалам,№1).
4. Қоныс Л. Тиын: әңгіме / Л.Қоныс // Қазақ әдебиеті. – 2006. – 13 қаңтар (№2) – 9б.
5. Қоныс, Л. Мәңгілік сағыныш [Мәтін] / Л. Қоныс. - Алматы : Жалын, 2009. - 157 б. - (Жас толқын).
6. Қоныс, Л. Ізгілікті іздеу теориясы [Мәтін] : әдеби зерттеу / Л. Қоныс. - Астана : Фолиант, 2010. - 174 б. –
7. Қоныс, Л. Б. Тәуелсіздік кезеңіндегі қазақ балалар лирикасы (1991-2005) [Мәтін] : автореферат / Л. Б. Қоныс. - 2010. - 29 б.
8. Қоныс, Л. №11-бөлме... [Мәтін] : [әңгіме] / Л. Қоныс // Қазақ әдебиеті. - 2006. - 27 қаңтар(№4). - 8  б.
9. Қоныс, Л. Тиын [Мәтін] : әңгіме / Л. Қоныс // Қазақ әдебиеті. - 2006. - 13 қаңтар(№2). - 9  б.
10.  Л.Қоныс. Өлеңдері. «Менің Аяным». Your Vision – блоги в Казахстане
11.  Л.Қоныс. Келіншектал | ҚалайсыңҚалайсың. 
12.  Л.Қрныс. Ертегі - Қазақ прозасы - Мәссаған! 
13.  Л.Қоныс. Тиын. Әңгіме. Жаңа әдебиет - AinaLife - өмір айнасы.

Мақалалары:

• 1) Қоныс Л. Қазақ ауыз әдебиеті – қазақ әйелдерінің көз жасынан құралған / Л.Қоныс // Қазақ әдебиеті. – 2002. – 6 қыркүйек. – 9 б.
• 2) Қоныс, Л. Құрқылтайдың ұясы [Мәтін] / Л. Қоныс // Жалын. - 2004. - №10. - 111-117  б.
• 3) Қоныс Л. Бейбарыс боп орал сен...[жетім балалар туралы] / Л.Қоныс // Дала мен қала. – 2006. – 6 қазан (№36). – 15 б.
• 4) Қоныс Л. Ванга / Л.Қоныс // Дала мен қала. – 2006. – №7. - 24 ақпан. – 13 б.
• 5) Қоныс Л. Қытайдағы демография / Л.Қоныс // Дала мен қала. – 2006. - №6. – 17 ақпан. – 11 б.
• 6) Қоныс Л. Он диктатордың қатарындағы есім / Л.Қоныс // Дала мен қала. – 2006. - №11. – 24 наурыз. – 9 б.
• 7) Қоныс Л. Өлең-өмір...Бүгінгі қазақ поэзиясы жайлы үзік сыр / Л.Қоныс // Дала мен қала. – 2006. – 10 ақпан (№5). – 8 б.
• 8) Қоныс Л. Сағыныш саздары / Л.Қоныс // Дала мен қала. – 2006. – 13 қазан (№37). – 14 б.
• 9) Қоныс Л. Сахнада намазды өтірік ойнауға дәтім бармады: [әртіс С.Мерекенұлымен сұхбат] / Л.Қоныс // сұхбаттасқан Л.Қоныс // Дала мен қала. – 2006. – 27 қазан (№41). – 12-13 б.
• 10) Қоныс Л. «Сахна мөлдірлікті қалайды» / Л.Қоныс // Дала мен қала. – 2006. - №6. – 17 ақпан. – 16 б.
• 11) Қоныс Л. «Аңсағандай иісін көптен сүр еттің...» немесе талант пен талантты оқырманды қалай ажыратамыз?/ Л.Қоныс // Қазақ әдебиеті. – 2007. – 9-15 наурыз (№10). –9б.
• 12) Қоныс Л. Балқан тауға бардың ба? / Л.Қоныс // Дала мен қала. – 2007. – 9 ақпан (№6). – 9 б.
• 13) Қоныс, Л. Бай, бақытты өмірге "оңай жету" ережесі [Мәтін] / Л. Қоныс // Дала мен қала. - 2008. - 30 мамыр (№ 21). - 15 б.
• 14) Қоныс, Л. Имани жыр [Мәтін] :  Балалар ақындары дін тақырыбына қалам тарта ала ма? / Л. Қоныс // Дала мен қала. - 2012. - 30 қаңтар (№ 5). - 11 б.
• 15) Қаныкейұлы, Е. Қазақ прозасының болашағы [Мәтін] / Е. Қаныкейұлы // Қазақ әдебиеті. - 2012. - 9-15 қараша (№ 46). - 7, 14 б.
• 16) Л.Қоныс. Детектив жанрының «жаназасы»-Дала мен Қала

Қазіргі қазақ поэзиясында өткен ғасырдың 90-жылдарының басында келген буынның белді өкілдерінің бірі, ақын Бақыт Беделханұлы Әлдибеков 1975 жылы Алматы облысы Шонжы ауылында дүниеге келген. 1992-96 жж Абай атындағы ҰПУ де филология факультетін тамамдаған. 1996-98 жж өнер мен өлеңді қатар алып жүрген дарын АлМУ-дың Абай атындағы философия кафедрасының аспирантурасын тамамдаған. Сонымен қатар 1996-99 жж Т.Жүргенов атындағы Өнер академиясының театр факультетінде «театр режиссері» мамандығы бойынша білім алған.

Әр жылдары театр, телевизия саласында еңбек еткен. Астанадағы «Елорда» баспасында редактор, Қ.Қуанышбаев атындағы драма театрда «әдебиет бөлімінің меңгерушісі», «Қазақстан» ҰТРК да журналист-жүргізуші қызметтерін атқарған. Қазір Қазақстан Жазушылар Одағы «Әдебиетшілер үйінің» директоры.

Халықаралық «Алаш» әдеби сыйлығының иегері. Халықаралық«Шабыт» фестивалiнiң лауреаты. Халық қаһарманы туралы түсірілген деректі фильмде батыр Бауыржан бейнесін сәтті сомдап, Ауған соғысының шындығын бейнелеген туындылар жазғаны үшін Бауыржан Момышұлы атындағы «Қызыл жұлдыз» орденімен марапатталған. Сондай-ақ Алматы облысы Ұйғыр ауданының Құрметті азаматы атағының иегері.

Өлеңдері «Толқыннан толқын туады», «Қарлығаш», «Қос ішек» атты ұжымдық жинақтарға енген. «Кең дүние», «Көкемарал», «Уақыттың жүрегi» атты жыр жинақтарының авторы. Ақынның «Махамбет» поэтикалық драмасы мен «Қанталапай» атты киносценарийі көрермен көзайымына айналған.

Мектеп кезінен бастап өлең жазып, өнерге ұмтылған. Ақындығы да, батылдығы да, қоғамшылдығы да, ұлтшылдығы да басым азамат. Оның:

Мәңгіліктер...

Мәнгі өлмейтін жаныма жаңғырып кел!

Шомылдырып сүтіне әппақ таңның,

Білегіңді анамдай талдырып көр – деп өзінің жылы ағыстарымен өз тылсымына тартатын сыршыл поэзиясын сүйсінбей қуанбай, өртенбей, сілкінбей, серпілмей оқу мүмкін емес.

«Ақын ажалы» мұң-толғағында бүкiл адам баласына, адам қоғамына тән ақ пен қараның айқасы, пендешiлiктен туындайтын озбырлық, мешкейлiк, мешеулiк атауымен мәңгi тайталасып, табандасып өтетiн нағыз ақынның өлмес, өшпес өр үнi бар. Мұң-толғаудың өн бойынан мүләйiм мұңның емес, кескiр кектiң ашу-ызасы аңқып тұрғандай.

Жан бейбақты жалықтырып жалған – боқ,

Ынтықтырды, зарықтырды заңғар көк.

Жұмыр жердей жүрегiме жүк артып,

Адассам да, алған беттен танған жоқ.

Отқа түстiм, еш күдiксiз, күмәнсiз,

Ақыр түбi қарсы алатын Аллам деп, –

деген жалын жүрек кейiпкердiң толғанысты сәтi осыны дәлелдей түседi.

Екi бөлiмнен тұратын кiтабының бiрiншi бөлiмiн құраған өлеңдер бiрiне-бiрi табиғи байланыста толықтырып тұрады, ал екiншi бөлiмдегi поэма, балладалар, арнау, толғаулар ақын шабытының көсiле түскенiн көрсетеді.

«Бақыт Беделханұлы – тынық ауаны ысқыртып тіліп түсетін өлең жолдарының жылан бауыр бишігін сілтей алатын ызалы ақын. Туа бітті табиғаты солай ма, жоқ, әлде, мына өмірдегі аттаған сайын андағайлап шыға келетін келеңсіздіктер мен оспадарлықтарды көре-көре солай болған ба, білмедім. Көп ақын күйініп сөйлесе болды күйреп шыға келеді ғой, ал Бақыт олай емес, күйініп сөйлесе-ақ қақпанға түскен қасқырдай өз аяғын өзі шайнап, ызаға толып, өршеленіп, аласұрып кетеді екен» дейді ақын Темірхан Медетбек.

Шығармалары:

1. Беделханұлы, Б. Сен он алты жасыңда: өлеңдер [Мәтін] / Б Беделханұлы // Қазақ әдебиеті. - 2001. - 16 ақпан(N7). - 7  б.
2. Беделханұлы, Б. "Жұлдыздар-төмен, ой-көкке лапылдап ұшар..." [Мәтін] : өлең / Б. Беделханұлы // Қазақ әдебиеті. - 2005. - 15 шілде(N28). - 14  б.
3. Б.Беделханұлы. Өлеңдер.
4. Б.Беделханұлы.Өлеңдер. Қазақ поэзиясы - Мәссаған!
5. Б.Беделханұлы. Жүрегiме кiр жасырғым келмейдi: өлеңдер – Жас алаш- zhasalash.kz ...

Мақалалары:

1. Беделханұлы, Б. Құдай қойған драмадай [Мәтін] / Б.Беделханұлы // Қазақ әдебиеті. - 2006. - 17 қараша (№ 46). - 8-9  б.
2. Беделханұлы, Б. Адамдардың кеудесінде екен ғой, уақыттың жүрегі [Мәтін] / Б. Беделханұлы // Дала мен қала. - 2012. - 2 қаңтар (№ 1). - 10 б.

Ол туралы:

1. Медетбек, Т. Алтынкөпірліктер [Мәтін] : (Қазіргі жастар поэзиясы хақында) / Т. Медетбек // Жұлдыз. - 2008. - №1. - 143-165 б ; №2. - 126-140 б.
2. Б.Беделхан. Жарты өмірімді қысқартып өлең жазам"
3. Ә.Қайран. Өлең өзегiндегi тылсым - Қазақ әдебиетi
4. Бақыт Беделхан: Қиындықты өлеңмен жеңген екенбіз: ақын Б.Беделханмен сұхбат / сұхбаттасқан. Г.Бектасова - Түркістан газеті 
5. Бақыт Беделханұлы Әлдибеков - Уикипедия - Wikipedia.

Өлең өлкесінде өзіндік қолтаңбасымен танылып жүрген жас ақын Асылзат Арыстанбек 1978 жылы 26 ақпанда Қызылорда облысы Жалағаш ауданы Аққұм ауылында дүниеге келген. Мектепте оқып жүрген кезінен бастап өлеңдері аудандық, облыстық, республикалық басылымдарда жарияланып келеді. Алғаш рет Қызылорда қаласындағы Дарынды балалар мектеп-интернатында оқып жүргенде 16 жасында «Талаптың мініп тұлпарын» деген атпен шығармашылық кешін өткізген.

1996-2000 жылдар аралығында Ш. Уәлиханов атындағы Көкшетау университетінің филология факультетінде білім алған.

2000 жылы Бұланды ауданының мектебінде қазақ тілі мен әдебиеті пәнінен ұстаздық еткен. 2000-2001 жыл аралығында Бұланды аудандық әкімшілігінде іс жүргізуші-аудармашы қызметін атқарған. 2001-2005 жылдар аралығында Көкшетаудан шығатын «Бұқпа!» газетінде тілші, 2005-2006 жылдар аралығында республикалық «Алаш үні» газетінде жауапты хатшы» 2006-2007 жылдар аралығында «Бұқпа!» газетінде Бас редактордың орынбасары. 2007 жылдың қараша айынан бастап Астана қаласынан шығатын республикалық «Мырза» ер-азаматтар басылымында Бас редактордың орынбасары.

2006 жылы Көкшетау қаласында «Шын жүректен...» деп аталатын шығармашылық кеші өткен. Өлеңдері Зерде қоғамдық қоры шығарған ақын қыздардың жыр жинағы «Жыр десте» кітабына енген. «Бесінші маусым» атты жеке жыр жинағы жарық көрген.

Облыстық деңгейде өткен мүшәйралардың бірнеше дүркін жеңімпазы. Жас ақынның өзі републикалық деңгейдегі, жалпы жыр додаларына қатысқысы келмейді.

Жырларында қазақ әйел ақындарының шеңберін бұзған «тентектік» бар. Эротикалық жанрда жазған өлеңдеріне оқырмандар әр түрлі пікірлерін білдіруде, «қазақ әйелдерінің бұған шейін «жабық» келген жан-дүниесін ашқан ақын» деген пікір де айтылуда. Асылзат шығармашылығыңызда эротика бар, ақынның өзі «Поэзия – тұтасымен эротика ..өлең бір ғашық адамың сияқты еліктіріп, елітіп, ақыр аяғында қолым жетті-ау дегенде, бұрыла қашып, ұстатпай, сонан кейін махаббат күндерін бастан кешіретін тәтті күйге бөлейтін кезеңдер арқылы жазылады...ешкімнен жасыра алмайтын ғашықтың күйі сияқты жарқ етіп жұртшылықтың назарына ілігеді. Одан шамалы өткен соң, өзің сүйіп, сүйінген өлеңіңнен жеритін кез де келеді. Осыдан кейін тек менің жазып жүргендерімді эротика деп, ал өздерінікін керемет тәрбиелік туындылар деп есептейтін ақындарға таң қалам» дейді.

Оқырман ықыласына бөленген жырлары өзегін өртеген шындықты, өмірдің шынайы келбетін жыр етеді.

Шығармалары:

1. Арыстанбек, А. Бесінші маусым [Мәтін] : [өлеңдер жинағы] / А. Арыстанбек. - Астана : Profi MEDIA. - 2011. - 140 б.
2. Арыстанбек, А. Өмір-кітап [Мәтін] / А. Арыстанбек // Кітап патшалығы. - 2012. - № 3. - 76 б.
3. А.Арыстанбек. Өлеңдері. Күрең атың шөлдесе... Қазақ поэзиясы
4. А.Арыстанбек. Күрең атың шөлдесе…:өлең | Тіл Майдан
5. А.Арыстанбек. Құжат: әңгіме - Қазақ прозасы - Мәссаған!
6. А.Арыстанбек. Кеттік Қарқаралыға!:өлеңдер - Қазақ поэзиясы 
7. Арыстанбек, А. Бесінші маусым [Мәтін] : [өлеңдер жинағы] / А. Арыстанбек. - Астана : Profi MEDIA. - 2011. - 140 б.
8. Арыстанбек, А. Өмір-кітап [Мәтін] / А. Арыстанбек // Кітап патшалығы. - 2012. - № 3. - 76 б.

Мақалалары:

1. Асылзат Арыстанбек: «Мен көп пәтериант қазақтардың бірімін»: ақын А.Арыстанбекпен сұхбат / сұхбаттасқан  ...

2.  Асылзат Арыстанбек: Күндіз сап-сау адаммын, қас қарайса, қағаз жеген жындымын: ақын А.Арыстанбекпен сұхбат / сұхбаттасқан Т.Абаилдаев.

Жас ақын Ақберен Елгезек 1980 жылы, Алматы қаласында дүниеге келген. Семей облысы Шұбартау ауданы, Мәдениет ауылының Е.Рахмадиев атындағы орта мектепті бітірген. Әл-Фараби атындағы ҚазМҰУ тарих факультетінің түлегі. 2001–2005 жж. Алматы қаласы әкімшілігінде ішкі саясат саласында әр түрлі қызметтер атқарған. 2005–2008 жылдар аралығында Алматы қаласының «Ақпараттықталдау орталығының» директоры болған.

«Қазақ әдебиетін қолдау» қоғамдық қорының жетекшісі. «Кентавр» ұлттық әдеби апталығының негізін қалаушы. Қазақстан Жазушылар Одағының мүшесі. Мемлекеттік «Дарын» жастар сыйлығының иегері. «Серпер» сыйлығының лауреаты, Т.Айбергенов атындағы сыйлықтың иегері.

Ақынның “Көлеңкелер күбірі” атты өлеңдер жинағы жарық көрген. «Көк бөрінің рухы» атты жыр жинағының авторы. Өмірді ақындық көркем оймен, өзіндік өрнекпен өрнектей алатын ақын ой коллизиясы, сұлулық үйлесімі мол ақын. «Автопортрет» деген өлеңіндегі «Қарашықтың түбінен оқта-текте, оқылады дыбыссыз жыр-иманым» деген өлең жолдарынан биік рухы, оның ішкі сырының бір иірімі қатесіз көрінеді.

«Өлең жазу қасіретін ақынның, Жүрегі жоқ түсінбейді кей пендем» деп өлең жазуды өзіндік ой толғамымен бере біледі.

Буын мен ырғақ заңдылығын бағындыра, жазу техникасын меңгере, туған жерге, оның топырағына деген сағынышқа толы көптеген өлеңдер ұсынады.

Тасы да мұңлы салар ән,

Тауы да тірі әулие,

Туған жерге оралам,

Топырағында бар кие – деген «Атамекен» өлеңі туған жердің әр бұтасын жырлап, қымбат мекенге деген іңкәр сезімді оятады.

«Дала трагедиясы» өлеңдер циклы «Көлеңкелер күбірі» кітабына енген. Бұл жырда табиғат экологиясы, табиғат көріністері, оның бейнелері керемет кейіпте суреттелген. Өзен-көлдер мөлдірлігі, тұңғиық тереңдігі романтикалық шындықпен астаса бейнеленген. Атом бомбасы жайлы терең жырлап, дала табиғатын аянышты поэтикалық-экологиялық қасіретті көрсеткен.

Сыршыл ақын шебер аудармашы да. Иван Бунин, Дмитрий Мережковский, Варлам Шаламов, Владимир Высоцкий, Гийом Аполлинер шығармаларын аударған.

Төл тіліміздің иірімдерін толық меңгерген жас ақынның әр өлеңі тұшымды, нәрлі. Қазақы қалыбымыздың құнарлы тілін өлең жолдарына мейілінше дарытқан.

Шығармалары:

1. Елгезек, А. Ауа ғана талықсиды... [Мәтін] / А. Елгезек // Дала мен қала. - 2007. - 5 қаңтар (№1). - 16  б.
2. Елгезек, А. Ғайыптан тылсым сырғанап түскен ақ моншақ...[Мәтін] / А. Елгезек // Жұлдыз. - 2007. - №5. - 112-114  б.
3. Елгезек, А. Тәңір маған сыйлап тұрар күлкіні [Мәтін] / А. Елгезек // Жалын. - 2008. - №5. - 17-18 б.
4. Елгезек, А. Көз жасымның түкпірінде бұлдырап, көк пейіштің көбелегі жүр неге?. [Мәтін] / А. Елгезек // Қазақ әдебиеті. - 2008. - 13-19 маусым (№ 24 ). - 10 б.
5. Елгезек, А. Менің тәнім - мұң құйылған құмыра... [Мәтін] / А. Елгезек // Қазақ әдебиеті. - 2013. - 19-25 сәуір (№ 16). - 8 б.
6. А.Елгезек өлеңдері. Қазақ поэзиясы-Мәссаған!
7. А.Елгезек шығармашылығы - Сен үшін.
8. Ақберен Елгезек: Әкем – Тәңір, өзің – Ұмайсың, мама | Қамшы.
9. Ақберен Елгезек. Сәлем, көктем! | ҚалайсыңҚалайсың.

Мақалалары:

1. Ақберен Елгезек: Дүние – тәңірдің өлеңі | Abai.kz ...

2. Ақберен Елгезек: «Ауқат» деген немене?

3. Ақберен Елгезек. Алтынға күйе жағылған күн.

Ол туралы:

Айгүл Кемелбаева. Ақынның ақберені - Ақын Ақберен Елгезектің сайты ...

Ақын Ақберен Елгезектің сайты.  

В составе Осакаровской ЦБС семь модельных библиотек:

Центральная районная библиотека п.Осакаровка
Центральная детская библиотека п.Осакаровка
Кустовая библиотека п.Молодежный
Детская библиотека п.Молодежный
Библиотека с.Батпак
Библиотека с.Озерное
Библиотека с.Садовое

Ежегодно модельные библиотеки обслуживают около 9 тыс. читателей. Пользователей электронными ресурсами 1194 человек. Книжный фонд модельных библиотек составляет 129726 экз., в т.ч. на казахском языке 18424 экз. Электронные издания в фондах представлены в количестве 128 экз. В библиотеках имеется 32 компьютера, из них 2 ноутбука, 1 планшет; 32 принтера, 11 сканеров, 6 копировальных аппаратов, 5 МФУ, проектор, телевизоры, музыкальные центры, цифровые фотоаппараты.

Все библиотеки телефонизированы.
ЦРБ п.Осакаровка – 8-72149-43270
ЦДБ п.Осакаровка – 8-72149-43082
Кустовая библиотека п.Молодежный – 8-72148-22005
ДБ п.Молодежный – 8-72148-22620
Библиотека с.Батпак – 8-72149-33963
Библиотека с.Садовое – 8-72148-51887
Библиотека с.Озерное – 8-72148-37312

Во всех библиотеках есть высокоскоростной доступ в Интернет.
В модельных библиотеках две локальные сети. Объединены в единую сеть компьютеры ЦДБ и ЦРБ, а также три компьютера Кустовой библиотеки п.Молодежный.
Во всех библиотеках есть программа РАБИС, представленная двумя АРМами «Каталогизатор» и «Поиск и заказ». Электронные каталоги «Книги», «Периодика», «СД», «Периодика» ведутся в ЦРБ.  Библиотекари Кустовой библиотеки и библиотеки  с.Батпак занимаются сканированием и оцифровкой краеведческих документов и вводят записи в ЭК «Краеведение» и «Статьи». Библиотекари с.Озерное, Садовое, ДБ ведут ЭК «Статьи».
В рамках работы по созданию страхового фонда по краеведению оцифровано 419 документов.
Во всех модельных библиотеках есть Электронная библиотека Комиссии по правам человека при Президенте РК, электронный учебник СИН. Библиотекари организуют для пользователей занятия по овладению компьютерной грамотностью. Привлекают к этой работе волонтеров из числа жителей села, детей и подростков.
Библиотекари занимаются пропагандой среди населения портала Электронное правительство, проводят дни информации, готовят информационные буклеты.
В библиотеках имеется фонд электронных изданий в количестве 128 экземпляров. Это электронные учебники по английскому и казахскому языку, методические пособия по бухгалтерскому учету, художественные произведения Абая, М.Ауэзова, Г.Мусрепова, Б.Майлина, детские издания и др.

Библиотеки работают по Программам и Проектам, активно сотрудничая с педагогами школ, работниками клубов и организациями сел:

Программа «Мой отчий дом ни в чем не повторим» (с.Озерное)Программа «Библиотека – информационный центр правовой культуры» (ЦРБ)Программа «Библиотека – информационно-образовательный центр изучения государственного языка» (ЦРБ)Проект «Здоровое поколение – сила общества» (Кустовая библиотека п.Молодежный)Программа «Библиотека. Молодежь. Образование» (ЦРБ)

Среди населения сел пользуются популярностью Клубы и кружки по интересам,организованные в модельных библиотеках:

женский клуб «Веста» в с.Озерное,клуб выходного дня с.Садовое;изостудия «Сүретші» в с.Садовое;клуб любителей поэзии «Лира» в ДБ п.Молодежный;«КЛЮЧ» - детский КЛуб Юных Читателей в с.Садовое;краеведческий клуб «Мирас» в ЦРБ,кружок «Книжкина больница» в с. Озерное.

Библиотеки с.Батпак, с.Озерное, с.Садовое и Кустовая библиотека п.Молодежный находятся в зданиях СДК. Детская библиотека удобно расположилась на первом этаже жилого многоквартирного дома.  ЦРБ и ЦДБ расположены вместе в отдельном здании.
Библиотеки укомплектованы новой современной мебелью и оборудованием.