2021 жылдың 17 наурызы күні академик, заң ғылымдарының докторы, профессор Салық Зимановтың 100-жылдығына арналған «Зиманов дәрісі» атты кездесу кеші өтті.
ҚР ҰҒА корреспондент-мүшесі, заң ғылымының докторы, профессор, Е.А.Бөкетов атындағы Қарағанды университетінің ректоры, академик С. Зимановтың шәкірті Нұрлан Орынбасарұлы Дулатбеков кездесу кешінің құрметті қонағы болды.
Кештің мақсаты – жас ұрпақты ұлы ғалым Салық Зиманов туралы мәліметтермен таныстыру. Оның тұлғалық өмірін үлгі және өнеге ету арқылы жастарды білім мен ғылымға тәрбиелеу.
Іс-шара аясында кешіміздің қонағы Н. Дулатбеков мырза ғалым С. Зимановтың еңбектеріне талдау жасай отыра, жас ұрпақты өнегелі өмірді насихаттау арқылы ғылым саласындағы білім мен жетістіктерге жетуге бағыт-бағдар берді. Ұстазы жайлы қызықты да танымды естеліктерімен бөлісіп, жас өренді парасатты, білімді, ұлтжанды болуға үндеді.
Бүгін 1 наурыз – «Алғыс айту» күніне орай кітапхана ұжымының жас қызметкерлері Теміртау қаласының «Қысқы бақ» көрінісін тамашалауға барды. Бақтан түрлі құстар мен әр түрлі экзотикалық ағаштарды, қояндардың ерекше түрлерін көрдік, бұл бақта еліміздің тұңғыш ғарышкері Т.Әубәкіров отырғызған кипарис, Т.Мұсабаев отырғызған олеандр, тағы басқа да белгілі тұлғалар еккен бірнеше өсімдіктер түрлері бар екен. Қазіргі кезде бақтан планетаның шөлді аумақтары мен тропикалық және субтропикалық елдерінде ғана өсетін 120 өсімдікті кездестіруге болады.
Қатысуға асығыңыздар!
Егер Сіз кез-келген материалдан әртүрлі техникада авторлық қуыршақ жасай алсаңыз - бұл МАРАФОН СІЗ үшін!
7 ақпаннан 12 наурызға дейін өтетін сайыстың шарттары төмендегідей:
- Сүйікті әлеуметтік желіңізде немесе Youtube сервисінде #mirkukol_krg#quirshaq_krg#karlib_kz хэштегтерімен жасаған бұйымның (қуыршақтың) әр түрлі қырынан түсірген фотосын және дайындау процесінің бейнетүсірілімін жариялау;
- Бұйымның (қуыршақтың) және пайдаланылған материалдардың қысқаша сипаттамасын жазу;
- Аты-жөніңіз бен жасыңызды көрсетіңіз.
АРТ-МАРАФОННЫҢ қорытындысы 2022 жылдың 16 наурызында шығарылады.
Марафон нәтижелері кітапхананың сайтында және Instagram, Facebook әлеуметтік желілерінде жарияланады.
Қуыршақтар әлеміне бірге сапар шегейік!
Достар! Бізде жаңа АРТ-МАРАФОН! Баршаңызды «Шығармашылықтың сиқырлы әлемі» атты сәндік-қолданбалы өнер марафонына қатысуға шақырамыз.
Егер сіз кез-келген техникада, әртүрлі материалдардан авторлық бұйымдар жасасаңыз, онда бұл МАРАФОН тек Сізге арналған!
АРТ-марафон 2023 жылдың ақпан айынан бастап қыркүйек айына дейін өткізіледі! АРТ-марафон шарттарымен Шеберлер Клубының 10 жылдық мерейтойына арналған «Шығармашылықтың сиқырлы әлемі» атты облыстық сәндік-қолданбалы өнер АРТ-МАРАФОНЫН өткізу ережесімен танысуға болады.
Шеберлер Клубтың 10 жылдық мерейтойына арналған «Шығармашылықтың сиқырлы әлемі» атты облыстық сәндік-қолданбалы өнер
облыстық Арт-марафоны
Қарағанды облысының мәдениет, архивтер және құжаттама басқармасының қолдауымен Н.В. Гоголь атындағы Қарағанды облыстық әмбебап ғылыми кітапханасының ұйымдастыруымен 2023 жылдың 1 ақпан күні Шеберлер Клубының 10 жылдығына арналған «Шығармашылықтың сиқырлы әлемі» облыстық сәндік-қолданбалы өнер Арт-марафоны жарияланды.
Арт-марафонның мақсаты мен міндеттері: Кітапхананың рөлін Қарағанды облысы тұрғындары буынының сұхбаттық әрі танымдық, шығармашылық қарым-қатынасы алаңы ретінде арттыру және ұлттық сәндік-қолданбалы өнерге деген қызығушылықтарын арттыру.
Арт-марафонға 16 жастан бастап және одан жоғары Қарағанды облысының тұрғындары: мектеп, колледж оқушылары, ЖОО студенттері, мәдениет және білім беру мекемелерінің қызметкерлері, әуесқой бірлестіктер мен клубтар, кітапхана пайдаланушылары шақырылды.
