Тіл – «менің» және әлемнің қосылатын тұсы.
Х.Г. Гадамер
Сүйінші оқырман! Әдебиетіміз тағы бір құнды дүниемен толықты. Қарағанды облысының тілдерді оқыту орталығы «Әлемдік әдебиетті қазақ тіліне аудару» арнайы жоба аясында әйгілі италияндық жазушы Марио Пьюзоның «Өкіл әке» кітабын (Қарағанды, 2022 ж.) жарыққа шығарды. Аударманы Қазақстан Жазушылар Одағының мүшесі, аудармашы, журналист және жазушы Сүйіндік Жанысбай жасады. Кітап 200 данамен басылып шықты.
Әлемдік деңгейде бестселлер аталған Марио Пьюзоның «Өкіл әке» атты кітабы 1969 жылы жарыққа шыққан. Итальяндық мафияның заңдары, жемқорлық, намыс жайлы жазылған бұл кітап 70-ші жылдары-ақ бестселлер болған және көп тілге аударылған. Енді ана тілімізде оқуға мүмкіндік туды.
Құрметті оқырман қауым! Назарларыңызға қазақтың ойшыл ақыны Абай Құнанбайұлының 1939 жылы Латын қарпінде жарық көрген "Өлеңдер" жинағын ұсынамыз.
Құрметті оқырмандар! Дана да, дара туған қазақ халқының Ұлы ақыны, қара сөздің хас шебері, философ, классик, қазақ әдебиетінің негізін қалаушы, әдеби тілінің негізін салушы – Абай (Ибрахим) Құнанбайұлының туған күніне орай Абай әлемін жан-жақты таныстыру мақсатында «Абай мұрасы – асыл қазына» атты бейне шолуды назарларыңызға ұсынамыз.
Қазақ халқының ұлы ақыны, данышпан ойшылы, композиторы, өз халқынан ұлт қалыптастыруға жанын салған дана тұлға – Абай Құнанбайұлының тарихи мұрасынан сыр шертетін кітаптарды дәріптеу мақсатында «Абайтану тарихы-халық тарихы» атты бейнешолуды назарларыңызға ұсынамыз!
Кең байтақ қазақ жерінің бөлігін алып жатқан Сарыарқа даласы - көненің көзі асылдардың мекені. Сол мекеннің бір бөлігін алып жатқан тарихы ғажайып құпиялы сырға тұнған жерлердің бірі – Ақтоғай ауданы.
Осы киелі мекеннің тарихынан сыр шертетін жаңа «Абыз дала, аңыз дала – Ақтоғай» атты кітап жарыққа шықты.
Жаңа кітапты оқырман қауымға таныстыру мақсатында2021 жылдың шілде айының 8 күні кітап авторымен тікелей эфирде жүздесу өтті.
