«Парасат жолы» орталығы ашылғалы бері кітапхана оқырмандары мен қызметкерлері қызықты кездесулердің куәсі болуда. Соның бірі – С.Сейфуллин атындағы облыстық қазақ драма театрының актеры, режиссёрі Киекбаев Бекмұхамед Мұқатайұлымен өткен кездесу. Әсерлі кездесу көптеген жанның ойындағы сұрақтарына жауап беріп қана қоймай, өмірге деген көзқарастарының өзгеруіне де септігін тигізе алды деп ойлаймыз.
Қаламыздағы қазақ театрының көрерменіне Бекмұхамед Мұқатайұлының есімі етене таныс. Көптеген жастардың қонағымызды Бек ағай деп атайтыны да осы тұста белгілі болды.
Ойлы оқырман!
Қазыналы кенді өлкенің басты газеті «Ortalyq Qazaqstan» газетіне 2025 жылға жазылдыңыздар ма?
Жазылмаған болсаңыздар бүгіннен қалмай жазылуға шақырамыз!
Газет оқу – зиялылықтың белгісі. Қазіргі күні ақпарат алмасудың заманауи тәсілі көп болғанымен, газеттің де өз ерекшелігі, артықшылығы бар. Шынайы ақпарат. Байыпты сараптама. Нақты тұжырым. Таңбаланған тарих.
Жалпы, біздің кітапхана мен облыстың бас басылымы «Ortalyq Qazaqstan» арасында сонау алыс жылдардан бері үзілмей келе жатқан тығыз іскерлік байланыс бар. Кітапхана қорында 1949 жылдардан бергі «Советтік Қарағанды» атауымен шыққан кезінен бергі газет тігінділері сақтаулы. Өлкенің тыныс-тіршілігі, қоғамдық-саяси, рухани-мәдени саладағы оң өзгерістер мен жарқын жетістіктерді осы басылымды оқу нәтижесінде дәйекті деректерге негізделген ақпаратқа қол жеткіземіз.
Газетке шыққан жерлестеріміздің әр жетістігін кітапхананың мұрағатына және электронды каталогына мұқият сақтаймыз. Бұл - ертеден қалыптасқан дәстүр. Қазыналы аймағымыздың шежіресі, жүрек соғысы бар газетті оқу арқылы ана тілімізге деген құрметті көрсетеміз. Ана тілімізде шығатын газеттің беделін көтеру, кеңінен насихаттау – біздің міндет болса, сол газеттің құндылығын сақтап қалу – көзі ашық, көкірегі ояу әр азаматтың міндеті.
Достар, халықаралық жыршы, термеші және айтыс ақындары одағының төрағасы, ҚР еңбек сіңірген қайраткері, ақын Жүрсін Ерманның 70-жылдығына арналған бейне презентацияны тамашалауға шақырамыз!
Биыл, ақын, журналист Базар Мамырдың туғанына 70 жыл толып отыр. Осыған орай сіздердің назарларыңызға «Аласұрдым арыстандай жүрекпен» атты поэзия-көрмесін ұсынамыз.
Алаш қозғалысы, Алаш мұрасы, Тәуелсіздік идеясы ұғымдары сабақтас, өзара егіз ұғымдар. Қазақтың өзгелермен терезесі тең мемлекет болуын көксеген Алаш қайраткерлерінің өмірі мен қызметін бүгінгі ұрпақ бағалап, ұлт жолындағы қызметін өмірлік маңызды бағыты етіп түйсіне алуы қажет. Осы бағытта Қарағанды облысының мәдениет, архивтер және құжаттама басқармасының қолдауымен Елін сүйген ерлер партиясының негізін қалаушыларының бірі, ақын, ұлағатты ұстаз, қоғам қайраткері, жерлесіміз Махмет Темірұлының 100 жылдық мерейтойына арналған «Алаш идеясы және кеңестік кезеңдегі жастардың астыртын саяси ұйымдары: тарихи сабақтастық, тұлғалар тағылымы» атты аймақтық ғылыми-практикалық конференциясы өтті.
