18 наурыз күні Н. В. Гоголь атындағы Қарағанды облыстық әмбебап ғылыми кітапханасында Ұлт құндылықтарын сақтау мен насихаттауға бағытталған қазақ күнтізбесіне сәйкес, қоғам және мемлекет қайраткері Ж. Тәшенев күніне орай «Тау Тұлға – Тәшенев!» атты дебат ойыны өтті.
Дебат ойындарына Ж. Тәшенев атындағы мектеп және Н. Нұрмақов атындағы мамандырылған мектеп – лицей – интернатының оқушылары қатысты. Аталмыш шараның шымылдығын «Шабыт» эстрадалық ән үйрету студиясының әншісі Жаннұр Санай «Самға» әнімен ашты.
Ойын барысында оқушылар «Үкімет» және «Оппозиция» екі командаға бөлініп өздерінің позициялары бойынша пікірталас сайысына түсті.
Биыл Қарағанды облысының мәдени өмірінде айтулы оқиға – Н.В. Гоголь атындағы Қарағанды облыстық әмбебап ғылыми кітапханасының 90-жылдық мерейтойын атап өтеді.
Мерейтойлық іс-шаралар аясында Қарағанды облысының мәдениет, архивтер және құжаттама басқармасының қолдауымен жыл басынан бері кітапхананың мерейтойына арналған ғылыми және шығармашылық зиялы қауыммен, оқырмандарымен, әдебиетшілермен, жас ақындар мен жазушылармен, бір сөзбен айтқанда, көптен бері ынтымақтастықта жүрген достары мен серіктестерімен кездесулер циклі өткізіп келеді.
«Сыбайлас жемқорлыққа қарсы іс-қимыл туралы» Қазақстан Республикасының 2015 жылғы 18 қарашадағы Заңының 5-бабының 5-тармағына, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы № 12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларына сәйкес 2024 жылғы 23 сәуірден бастап 22 мамырға дейінгі кезеңде Н.В.Гоголь атындағы Қарағанды облыстық әмбебап ғылыми кітапханасының қызметіндегі сыбайлас жемқорлық тәуекелдеріне ішкі талдау жұмысы жүргізіледі.
Анықтама:
Сыбайлас жемқорлық тәуекелдіктеріне ішкі талдаудың негізгі мақсаты мемлекеттік органдар мен квазимемлекеттік сектор ұйымдарының сыбайлас жемқорлықтың алдын алу бойынша жұмыстың сапасын арттыру арқылы, сыбайлас жемқорлыққа қарсы саясатты іске асырудың тиімділігін қамтамасыз ету болып табылады. Ішкі талдаулар халық пен бизнестің сезімтал меселесіндегі тәуекелдерді анықтап, оны шешуге бағытталған. Аталған мемлекеттік мекемеге қатысты проблемалық мәселелер және ұсыныстарыңыз болса 8-771-982-35-23 (WhatsApp мессенджер) ұялы телефон нөміріне хабарласыңыздар немесе Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс. электрондық поштасына жолдаңыздар.
Қазақ халқының бір туар перзенті Қаныш Имантайұлы Сәтбаев ғұлама ғалым ғана емес, бүкіл дүние жүзіне танылған оқымысты, әрі ірі қоғам және мемлекет қайраткері болған ұлтымыздың мақтанышына биыл 125 жыл.
Қазақ даласының осындай алыпты дүниеге әкелуі, ғалымның соңында қаншама игі істердің қалуы жайдан-жай емес. Иә, Қазақстандағы тұңғыш геология ғылымдары институтын ашуы, Ұлттық Ғылым академиясының құрылуы, Қазақстан ғылымын сол кезде шоқтығы биік деңгейге көтеруі - Қазақ елінің мәнгі өшпес мұрасы.
ЮНЕСКО-ның шешімімен 1999 жыл – қазақ халқының ұлы перзенті Қаныш Имантайұлы Сәтбаев жылы деп жарияланды. Ендеше бұл - Қанекеңнің мәңгі өлмес есімі мен ешқашан өшпес ғұлама ғалымдығы барша әлем көгінде жарық жұлдыздай жарқырап, егеменді еліне нұрын шашада береді .
Библиографиялық жадынамаға ғалымның өмірбаяны және ол туралы жазылған әдебиеттер мен мақалалар тізімі енгізілді.
Библиографиялық жадынама студенттерге, зерттеушілерге, өлкетанушыларға, әдебиетті сүйетін көпшілік оқырманға арналған.
11 сәуір күні облыстық кітапханада «ZERDE» әдеби-мәдени клубының аясында ақын, облыстық, республикалық жыр мүшайраларының жүлдегері,
Жұмабек Тәшенов атындағы сыйлықтың иегері поэзия әлеміне өзіндік үн қосқан Хасен Кәмшаттың шығармашылығына арналған «Мөлдір сезім» атты кездесу кеші өтті.
Кештің мақсаты: рухани және интеллектуалдық дамытудың көзі ретінде кітапқа деген қызығушылықты ояту, кітап оқуды насихаттау. Отандық және әлем әдебиеттерін оқуға тарту, өсіп келе жатқан ұрпақтың әдеби талғамын арттырып, шығармашылығын дамыту.
