Дәстүрлі медиа тарихы. Қазақстанның 2021 жылғы мерейтойлық мерзімді басылымдары: библиографиялық жадынама / Карагандинская областная универсальная научная библиотека им. Н. В. Гоголя; сост. У. Жамауова. – Караганда, 2021
Н. В. Гоголь атындағы кітапхана Қазақстанның мерзімді басылымдарына арналған библиографиялық басылымдар сериясын жалғастыруда.
2021 жылы «Жас Алаш» газеті және «Ақиқат» журналы ғасырлық мерейтойын атап өтеді.
Біздің қарағандылық «Орталық Қазақстан» және «Индустриальная Караганда» газеттеріміз тоқсан жылдығын атап өтуде.
Сондай-ақ, өзінің отыз жылдық мерейтой күнін -Тәуелсіз Қазақстанның алғашқы «Ақ босаға» әйелдер газеті атап өтеді.
Сіздерге осы газеттер мен журналдардың тарихымен танысуды ұсынамыз.
Библиографиялық жадынама студент – журналистерге және осы тақырыпқа қызығушылық танытқандарға пайдалы болады.
22 қыркүйек күні кітапханамызда мерейтойы ЮНЕСКО көлемінде тойланып жатқан алаштың арысы, ақын, аудармашы, қоғам қайраткері, ұлтымыздың рухани көсемі Ахмет Байтұрсынұлының туғанына 150 жыл толуына арналған "Дәуірдің жарық жұлдызы" атты әдеби-тарихи кеш өтті.
Әдеби-тарихи кешке Е.А. Бөкетов атындағы Қарағанды университетінің "Тұлғатану" пәнаралық ғылыми-зерттеу орталығының басшысы, т.ғ.к., доцент, профессор Н.А. Бейсембекова, т.ғ.к., доцент, профессор Л.Қ. Шотбакова, тарих ғылымының доценті, профессор Г.М. Смагулова, тарих ғылымының, доценті, профессор Б.Т. Төлеуова және де тарих факультетінің аға оқытушысы, доцент Н.Б.Смағұловтар сөз сөйлеп, Ахмет Байтұрсынұлының саяси қызмет жолы мен қазақ тіліне қосқан үлесі жайында, шығармашылық мұрасы туралы тың мәліметтермен бөлісті.
Бүгін кітапханамызда «Ел еркесі - Роза» атты әсерлі, танымды, керемет кеш өтті. Қазақстанның және КСРО-ның халық әртісі, Қазақстанның Халық қаһарманы Роза Тәжібайқызы Бағланованың 100 жылдық мерейтойына арналған бұл кеш жиылған жұрттың есінде сақталып қалары сөзсіз.Тарқата айтсақ...
Биыл аңыз-әнші Роза Бағланованың 100 жылдық мерейтойы ЮНЕСКО көлемінде тойланып, әншінің есімі Алматы қаласында Республикалық «Қазақконцерт» мемлекеттік ұйымына берілді сонымен қоса, Жамбыл атындағы Қазақ мемлекеттік филармониясы ғимаратының алдында ескерткіш орнатылды. Көзі тірісінде аты аңызға айналған Роза Тәжібайқызы майдан даласында ән салып, әсем дауысымен бүкіл әлемді тамсандырды.
2020 жылдан бастап, Мемлекет басшысы Қасым-Жомарт Тоқаевтың тапсырмасы аясында ҚР Білім және ғылым министрлігі орта білім саласында «Оқуға құштар мектеп», «Оқитын колледж« жобалары іске асырылуда. Осы жоба аясында кітапханамыздың өнер туралы әдебиеттер бөлімінің кітапханашылары Қарағанды жоғары политехникалық колледжінде «Ел еркесі - Роза» атты ақпараттық сағат ұйымдастырды.
Кітапханамызда ұлық мерекеміздің аясында, тәуелсіздік жолында еліміздің жүріп өткен қадамдарына шолу жасау мақсатында оқырмандар назарына «Ел тәуелсіздігі: кеше және бүгін» атты кітап көрмесі ұйымдастырылды. Кітап көрмесінде 1986 жылғы желтоқсандағы оқиғалардан бастап, бүгінгі күнге дейін Тәуелсіз Қазақстанның қалыптасу жолы туралы материалдар ұсынылды.
