Аманат арқалаған ана
| Қаралды: 2386
Міне, тағы бір рухани байлықтың есігі айқара ашылды. Қазақ әдебиеті мен мәдениетіне үлкен үлес қосқан публицист, аудармашы Марал Хасеннің 80 жылдығына және оның шығармашылық мұрасын насихаттаушы, аудармашы Рымбала Смайылованың 80 жасқа толуына арналған «Аманат арқалаған Ана» атты ерекше кеш ел жүрегінде ұзақ сақталары сөзсіз. Бұл кеш тек мерейтойлық жиын ғана емес, рухани мұраның мәңгілік екенін айғақтайтын ұлы сабақ болды.
Салтанатты шара шымылдығы «Молодежный» мәдениет үйінің әншісі Айнұр Әбдуалиеваның тебірентерлік «Ананың ақ жаулығы» әнімен түріліп, кешке жиналған көрерменнің жүрегіне жылы шуақ себілді. Рухани мұраны насихаттаған ардагер анамыздың еңбегін бағалап, «AMANAT» партиясы Қарағанды облыстық филиалының Төрағасы Бекзат Алтынбеков пен Қарағанды облысының мәдениет, архивтер және құжаттама басқармасының басшысы Еркебұлан Жұмакенов атынан құттықтау хаттар мен алғыс хаттар табыс етілді.
Кештің модераторы, айтыскер ақын, филология ғылымдарының кандидаты, доцент Айтбай Жұмағұлов бұл шараның қазақ руханияты үшін мән-маңызына тоқталып, қос тұлғаның әдебиетке сіңірген еңбегін ерекше атап өтті.
Кітапханалық-ақпараттық салаға ЖИ-технологияларды енгізу
| Қаралды: 2370
28 ақпан күні «Террикон алқабы» IT-хаб базасында «Кітапханалық-ақпараттық салаға ЖИ-технологияларды енгізу» атты өткізілген халықаралық семинар облыс кітапханаларының мамандары үшін маңызды оқиғалардың бірі болды.
Іс-шараға жасанды интеллект саласындағы жетекші мамандар қатысып, кітапхана саласында жасанды интеллектті интеграциялаудың озық идеялары мен практикалық шешімдерін ұсынды.
Семинарды KIBERone халықаралық цифрлық технологиялар мектебінің тәлімгері әрі аккаунт-менеджері Сергей Чиняев ашты. Ол өз баяндамасында қатысушыларға заманауи нейрожелілік технологияларға шолу ұсынып, әдебиет, кескіндеме, музыка, кинематография және анимация контекстінде қолдану мүмкіндіктерін көрсетті. Сондай-ақ, классикалық және генеративтік жасанды интеллект арасындағы айырмашылыққа талдау жасады.
Ассамблея – татулық пен бірліктің тұғыры
| Қаралды: 2293
Құрметті оқырмандар!
Биыл Қазақстан халқы Ассамблеясының құрылғанына 30 жыл! Осы уақыт ішінде Ассамблея еліміздің көпұлтты қоғамында татулық пен бірлікті нығайтып, 130-дан астам этнос өкілін біріктірді.
Осы айтулы датаға орай, сіздерге «Ассамблея – татулық пен бірліктің тұғыры» атты ақпараттық досьені ұсынамыз.
Бейнеролик арқылы Ассамблеяның құрылу тарихымен, оның мақсаты мен міндеті және қоғамдағы маңызды рөлімен жақынырақ таныса аласыздар.
Есімі қалды мәңгілік
| Қаралды: 2377
«Ой-орда» пікірлесу клубының кезекті отырысы академик Евней Арыстанұлы Бөкетовтің 100 жылдық мерейтойына арналды.
Іс-шара Е.А.Бөкетов атындағы мемориалдық мұражайда өтті.
Іс-шараға тарихшы ғалымдар, студенттер және музей қызметкерлері қатысты.
«Есімі қалды мәңгілік» атты кездесу шымылдығын ашқан «Тұлғатану» ғылыми зерттеу орталығының директоры, тарихшы-ғалым Нұрсахан Ахметқызы Бейсенбекова ғалымның адамгершілік қасиеттері, ұстаздық жолы және оның шәкірттеріне қалдырған өсиеттері жайлы қызықты естеліктерімен бөлісті.
Ел еркесі-ер Мәди
| Қаралды: 1906
25 ақпан күні Н.В.Гоголь атындағы әмбебап ғылыми кітапханасының ұйымдастырумен «Сарыжайлау» кинотеатрында қазақ халық композиторы, жерлесіміз, әнші Мәди Бәпиұлының туғанына 145 жыл қарсаңында «Ел еркесі-ер Мәди» концерттік кеші өткізілді.
Мәдени іс-шара белгілі әнші, өнертанушы һәм киногер Ерлан Төлеутай түсірген «Мәди» деректі телефильмімен бастау алды.
Мәди Бәпиұлының өмірі мен шығармашылығы туралы бірнеше еңбек жазған қаламгер, Қазақстанның Құрметті журналисті, ҚР Мәдениет қайраткері Ермек Балташұлы композитордың туып-өскен ортасына, талайлы тағдырына қатысты деректермен бөлісті.
Кешке келген оқырмандарға Қарқаралы ауданына қарасты Едірей ауылының тумалары Мақсұт Жұмашұлы мен Құсайын Өсенұлы Мәди жайлы қариялардан естіген естеліктерін айтты.
Халықаралық кітап сыйлау күні
| Қаралды: 1555
Жыл сайын 14 ақпанда барлық кітап сүйер қауым Халықаралық кітап сыйлау күнін атап өтеді. Бұл мереке адамдарды бір-біріне жақсы кітаптар сыйлауға шабыттандырады. Баспа кітабы өз құндылығын жоғалтпай, әлі де өзекті сыйлық болып қала береді.
Халықаралық кітап сыйлау күні – жас мереке. Оны 2012 жылы ағылшын жазушысы, екі баланың анасы Эмма Перри ойлап тапқан. Ол Халықаралық кітап сыйлау күнінің ұйымдастырушысы әрі үйлестірушісі болды. Перридің бастамасы тек Англияда ғана емес, сонымен қатар әлемнің әртүрлі елдеріндегі жазушылар, баспагерлер, мәдени және қайырымдылық ұйымдары тарапынан қолдау тапқан.
Жасанды интеллект
| Қаралды: 2279
"Кітапханалық-ақпараттық салаға ЖИ-технологияларды енгізу"
Атты гибрид форматта халықаралық семинар
28 ақпанда "Террикон алқабы" IT-hub базасында гибрид форматта "Кітапханалық-ақпараттық салаға ЖИ-технологияларды енгізу" атты халықаралық семинар өтеді.
Семинарды Н.В. Гоголь атындағы Қарағанды облыстық әмбебап ғылыми кітапханасы ұйымдастырады.
Семинардың мақсаты:
- жасанды интеллект арқылы кітапхананы заманауи үлгіде дамыту мәселелері қарастырылып, жасанды интеллектті қолданудың тәсілдері мен қолданыстағы практикалық тәжірибелермен бөлісу,
- халықаралық және өңіраралық кітапханалық ынтымақтастықты дамыту.
Семинар спикерлері жасанды интеллект саласындағы жетекші мамандар және Maqsut Narikbayev University, Жастарға арналған Ресей мемлекеттік кітапханасы (Мәскеу қ.), А.С. Пушкин атындағы облыстық кітапхана және Өскемен қ. Оралхан Бөкей атындағы орталық қалалық кітапханасы (ШҚО) өкілдері.
Семинарға облыс кітапханаларының мамандары қатысады.
Менің сүйікті кітабым
| Қаралды: 2708
23 қаңтар күні кітапханамызда «ZERDE» әдеби клубының кезекті отырысы өтті. Аталмыш шараға Е.А.Бөкетов атындағы ҚарУ-дің «Кітап Life» клубының мүшелері мен @qjptk_krg Қарағанды жоғары политехникалық колледж, Қарағанды жоғары гуманитарлық колледжінің студенттері қатысты.
Іс-шара барысында клуб мүшелері «Менің сүйікті кітабым» атты пікірлесу алаңында ғалым, академик Е.Бөкетовтің «Жас Қаныш» деректі хикаятын талқылап, шығармадағы жас кейіпкер Қаныштың жастық шағы, өскен ортасы, үлкендерден алған үлгі өнегесі, тәлім-тәрбие ерекшеліктеріне кеңірек тоқталып өз ойларын ортаға салды.
Жаңа кітап – жаңа әлем
| Қаралды: 2729
Кітапханада белгілі жазушы Серік Сағынтайдың «Жауырыншы» өлеңдер жинағы мен «ТМД елдерінің архивтеріндегі қазақстандық жазушылардың зерттеу жұмыстары» бағыты бойынша стратегиялық әріптестікті іске асыруға арналған мемлекеттік тапсырыс аясында жарық көрген «Қазақия… Сиберия…» атты зерттеу кітаптарының таныстырылымы өтті.
Ашық диалог бағытында өткен әдеби жиынның тізгінін ұстаған прозаик, қазақ тілі мен әдебиеті пәнінің мұғалімі Ерзат Ермағанбет өткізіліп отырған әдеби шараның маңыздылығын ортаға салып, С. Сағынтайдың шығармашылығына қысқаша жасап, ақын жырларының өзіндік ерекшеліктері жайлы сөз қозғады.
Таныстырылым ҚР Мәдениет және ақпарат министрлігінің Архив, құжаттама және кітап ісі комитетінің Кітап ісі басқармасының басшысы Алмаз Мырзахметтің С. Сағынтайдың шығармашылығына табыс тілеп,Архив құжаттама және кітап ісі комитетінің төрағасы Р.Әлидің құттықтау хатын табыстады. Сонымен бірге Қарағанды облысының мәдениет, архивтер және құжаттама басқармасының Өнер және мәдениет бөлімінің басшысы М. Қаратай Серік Сағынтайға Қарағанды облысы әкімінің алғыс хатын табыстады.
Сөз кезегін алған жазушы Серік Сағынтай өзінің зерттеу кітабының мазмұны мен зерттеудің негізгі бағыттары жайлы ойын ортаға салып, оқырман сауалына жауап берді.
АлашTime
| Қаралды: 3022
Құрметті оқырман қауым!
ҚР Президенті Қасым-Жомарт Тоқаевтың «Тәуелсіздік бәрінен қымбат» мақаласы аясында айтылған «Алаш қайраткерлерін еске алып, олардың мұрасын жастарымызға және бүкіл әлемге паш ету» тапсырмасын орындау мақсатында Қарағанды облысының мәдениет, архивтер және құжаттама басқармасының қолдауымен Н.В. Гоголь атындағы Қарағанды облыстық әмбебап ғылыми кітапханасы көрнекті қоғам және мемлекет қайраткері, «Алаш» партиясы мен «Алашорда» қозғалысы жетекшілерінің бірі, қазақтың тұңғыш математигі, профессор Әлімхан Ермековтың мұрасына арналған «АлашTime» форумын ұйымдастырады.
Халық тарихты жасаса, ұлы тұлғалар бастамашысы болады. Тарихымыздың тар жол, тайғақ кешулерінде әр кезеңде мемлекетшілдік сана биіктігіндегі зиялы қауым ұлттық мүдде – тәуелсіздік идеясы үшін жандарын берді.
2 бет. Барлығы: 4
