Дарқан дарын
| Қаралды: 4120
Достар! Назарларыңызға жаңа виртуалды кітап көрмесін ұсынамыз! Көрмеден қазақ ұлттық кәсіби театр өнерінің негізін қалаушысы, қазақ кәсіби сахна өнерінің абызы, жүз елуге жуық роль ойнап, өшпес ізін, ұмытылмас өнегесін қалдырған Қалибек Қуанышбаевтың шығармашылығымен таныс боласыздар. Жазғы демалыста балаларыңыз үшін кітап көрмемізге саяхат жасау КЕРЕМЕТ мүмкіндік! Көріңіздер, парақтаңыздар, ой-пікілеріңізді жазыңыздар
Зұлмат Жылдар Зобалаңы
| Қаралды: 4173
31 мамыр саяси қуғын-сүргін құрбандарын еске алу күні. ХХ ғасырдағы саяси қуғын-сүргін – мыңдаған жазықсыз адамдардың қаны мен көз жасына суарылған тарихымыздың шерлі беттерінің бірі болып саналады. Осыған орай Н.В.Гоголь атындағы Қарағанды облыстық әмбебап ғылыми кітапханасында «Өзекті өртер шындық» атты ақпараттық сағаты мен «Зұлмат Жылдар Зобалаңы» атты иллюстрациялық кітап көрмесінің таныстырылымы өтті.
Шараның мақсаты - оқырмандарға саяси қуғын-сүргін кезеңінің тарихи маңызын түсіндіру және азаттық жылдарында құрбан болған бабаларға тағзым ету.
Аталмыш шараға Ә.Сағынов атындағы Қарағанды техникалық университеті «Қазақстан тарихы» кафедрасының қауымдастырылған кафедрасының профессоры, тарих ғылымдарының кандидаты Касимова Сәуле Сүйіндікқызы, Қарағанды тамақтандыру және сервис колледжінің тарих пәнінің ұстазы Халелова Майдагүл Ерліковна және Қарағанды тамақтандыру және сервис колледжінің студенттері мен қатысты.
Шара барысында тарих ғылымдарының кандидаты Сауле Сүйіндікқызы «Саяси қуғын – сүргін, тоталитарлық, әкімшілік, әміршіл - жүйенің қылмысы» атты бейне презентация арқылы қуғын-сүргін кесірінен жазықсыз жапа шеккен мемлекет және қоғам қайраткерлері, ұлт зиялылардың есімдерін еске алып, не үшін қудаланғанын жан-жақты талқылап берді.
Мәдениет және өнер қызметкерлері күні
| Қаралды: 4820
21 мамыр елімізде Мәдениет және өнер қызметкерлерінің күні атап өтілді. Мерекеге орай, мәдениет және өнер саласының қызметкерлері Қарағанды облысының мәдениет, архивтер және құжаттама басқармасының ғимаратында құрметке бөленді. Қарағанды облысының мәдениет, архивтер және құжаттама басқармасының басшысы Е.Қ.Жұмакеновтың қатысуымен өткен салтанатты шараға еңбек сіңірген өнер және мәдениет қайраткерлері, ведомстволық бағынысты мекемелердің басшылары, сала қызметкерлері мен ардагерлер қатысты.
Салтанатты жиында Қарағанды облысының мәдениет, архивтер және құжаттама басқармасының басшысы Е. Қ. Жұмакенов жиын қатысушыларын өңіріміздің мәдениет және өнер саласының жетістіктерімен таныстырып, өз сөзінде қызметкерлерді кәсіби мерекемен құттықтап, жоғары нәтижелері мен адал еңбектері үшін алғыс білдірді. Сонымен бірге Қарағанды облысы әкімінің сыйлығын табыстау рәсімі күзге ауыстырылатыны туралы ақпарат берді.
Менің өмірімдегі кітапхана
| Қаралды: 4923
Бүгін 21 мамыр Қазақстанның мәдениет және өнер өкілдерінің кәсіби мерекесі аясында кітапханамыздың 90 жылдық мерейтойына «Менің өмірімдегі кітапхана» атты кездесу кеші өтті.
Мерекелік кештің қадірменді қонақтары: Қаламыздың шығармашылық интеллигенциясы: қылқалам шебері, суретші Айбек Каленұлы Бегалин, Тәттімбет атындағы өнер колледжінің оқытушысы, әнші Гүлмира Тапай, Қ. Байжанов атындағы концерттік бірлестіктің дәстүрлі әншісі Сержан Таранұлы Мұсайын, С. Сейфуллин атындағы академиялық қазақ драма театрының артисі Талғат Амангелдіұлы Садықов қатысып, әңгіме өрбіте отырып, кешімізге арнайы шығармашылық тартуларын ұсынды.
Балалар әдебиетінің классигі
| Қаралды: 5095
Бүгін Қарағанды облыстық әмбебап ғылыми кітапханасында көрнекті қазақ жазушысы Бердібек Соқпақбаевтың 100 жылдығына арналған Қарағанды қаласының колледж студенттері арасында «Балалар әдебиетінің классигі» атты әдеби ринг ойыны өтті.
Шараның мақсаты-қазақ әдебиетін насихаттау, қоғамның кітап оқуға деген қызығушылығын арттыру, Қазақстанның әдеби мұрасын зерттеуге мүмкіндік туғызу, өскелең ұрпақтың зияткерлік-рухани дамуы мен ана тіліне деген құрметін көтеру. Ұлттық әдебиеттің үздік шығармаларын оқу арқылы кітап оқуға баулу.
Күміс кісе
| Қаралды: 6234
Кітап сүйер қауым, бізде жаңа кітап! «Күміс кісе». Авторы Абзал Бөкен.
Бұл кітаптың тұсауы ақынның 75 жас мерейтойына арналған «Күн астынан күміс жамбы жаудырған» атты шығармашылық кешінде кесілген болатын. Сол кеште осы кітапқа қолымыз жетпей қалып еді. Абзал аға өзім кітапханаға әкеп берем деген уәдесінде тұрып, кітапханамызға сыйға тартты. Оқырманын қуантты.
Жалынды жырларымен оқыр¬мандарының жүрегіне елдік пен ерліктің дәнін еккен, қазақ поэ¬зиясында айшықты қолтаңбасы бар ақын Абзал Бөкеннің бұл кітабы Алматыдағы «Ар» баспасынан басылып шықты.
«Ой орда» пікірлесу клубы ашылды
| Қаралды: 12161
Білімге ұмтылған оқырманның табылар жері – кітапхана екені бәрімізге аян. Осыған орай, бүгін кітапханамыздың өлкетану әдебиеттері бөлімі жанынан құрылған «Ой-орда» пікірлесу клубының ашылу салтанаты өтті.
Білім іздеген жастар арасынан сапалы орта құрып, туған өлке туралы білімді терең меңгертуді, дамытуды, кітап оқу мәдениетін қалыптастыруды және клуб мүшелерінің мәдени интеллектуалдық деңгейін жан-жақты дамытуға бағытталған ғылыми-әдеби, мәдени шаралар ұйымдастыруды мақсат еткен клубтың алғашқы отырысы ақын, Елін сүйген ерлер партиясының негізін қалаушысы Бүркіт Ысқақұлының 100 жылдығына арналды.
Қазақтың Қанышы
| Қаралды: 6059
Қазақтың Қанышы. Дәл осындай атаумен Қарағанды өңірінің колледж студенттерінің арасында облыстық зияткерлік ойыны өтті.Қарағанды облысының мәдениет, архивтер және құжаттама басқармасының ұйытқы болған сайысзаңғар ғалым, дара дарын, бірегей құбылыс, қазақ халқының маңдайына біткен асыл перзенттерінің бірі Қаныш Имантайұлы Сәтбаевтың 125 жылдығына орай ұйымдастырылды.Ондағы мақсат – жастарды ғылым-білімге ынталандыра отырып, академик Қ. И. Сәтбаевтың өмір жолы және қайраткерлік қызметімен жақынырақ таныстыру, насихаттау, дәріптеу, жастардың шығармашылық потенциалдарын ашып көрсету және өз отанының тарихына деген танымдық қызығушылығын арттыру, кітап оқуды алға жылжыту.
Ойынға 4 қатысушыдан құралған барлығы 5 команда қатысып, өзара бәсекеге түсті. Олар Қарағанды жоғары политехникалық колледжінің «Жалын» тобы, Қарағанды жоғары гуманитарлық колледжінің «Форт» тобы, А. Құнанбаев атындағы Саран жоғары гуманитарлық-техникалық колледжінің «Ер Едіге» тобы, Қарағанды жоғары медициналық интерколледжінің «Алау» тобы, Қарағанды «Bolashaq» жоғары колледжінің «Bolashaqqa qadam» тобы.
Игі шара кітапхана басшысы А.С.Шаймуханбетованың құттықтау сөзімен басталды.
Кітапхана. Оқу. Жастар
| Қаралды: 6005
Кітап – адамзат баласының сан ғасырлық ақыл-ойының, оқу арқылы жетілуінің, кемелденуінің арқасында қол жеткен дамылсыз даму үрдісінің жемісі, өткен тарихы мен өмірлік тағылым-танымының алтын сандығы.
«Кітап дегеніміз – алдыңғы ұрпақтың кейінгі ұрпақа қалдырған рухани өсиеті. Кітап оқудан тыйылсақ, ой ойлаудан да тыйылар едік» ,– деп жазушы Ғ.Мүсірепов айтқандай білім мен күш кітапта.
Кітапханамызда Дүниежүзілік кітап және авторлық құқықты қорғау күніне арналған «Кітапхана. Оқу. Жастар» тақырыбында жастардың НеКонференциясы өтті.
Шараның мақсаты – кітап пен оқуды ілгерілету, жастардың кітап оқуға деген қызығушылықтарын арттыру және өскелең жас ұрпақтың рухани-зияткерлігін дамыту.
Аталмыш шараға көркем сөз бен маржан жырдың талантты иелері, «Орталық Қазақстан» газетінің тілшілері Ерқанат Кеңесбекұлы мен ақын Ерік Нарын, жастар саясаты орталығының қызметкері Ә.Б. Борашұлы сөз сөйлеп, кітапқа қатысты пікірлерін айтып, ізгі тілектерін білдірді. Жоғарғы оқу орындарынан ҚарУ, КЭУ, Болашақ, Қарағанды медициналық интер колледждерінің студенттері және «Білім-Инновация» лицей-интернатының оқушылары қатысы.
"Кітапханалардың қызметін жаңғырту" облыстық семинар
| Қаралды: 5538
22 сәуірде кітапханада «Кітапханалардың қызметін жаңғырту» атты облыстық семинар гибрид форматта өтті.
Отырысқа Қарағанды облыстық мәдениет, архивтер және құжаттама басқармасының облыстық мәдениет және өнер бөлімінің маманы Е. Теплюк, онлайн форматында Астана қ. орталықтандырылған кітапханалар жүйесінің басшысы Г. Мадибаева (Яндекс. Телемост платформасында) және облыстық кітапханалардың басшылары, қалалық, аудандық орталықтандырылған кітапханалар жүйелерінің басшыларымен әдіскерлері қатысты.
Семинар барысында Мемлекет басшысы Қ.-Ж. Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында кітапханаларды заман талабына сай жаңғырту, тәулік бойы жұмыс істейтін заманауи кітапхана салу, кітап оқу мәдениетін қалыптастыру, Ұлттық кітап күнін белгілеу туралы атап өткен мәселелері қарастырылып, талқыланды.
