Қарағанды ОӘҒК

2021 жылдың 28 қазан күні біздің кітапханада кәсіптік оқыту Мектебі аясындағы жүйе техниктар секциясында «Кітап оқуды ілгерілетуде онлайн қызметтерді пайдалану» атты облыстық семинар өтті.

Семинар бағдарламасы инновациялық кітапханалық қызметтің барлық бағыттары бойынша өзекті мәселелерді қамтыды және өңірлердегі әріптестермен тәжірибе алмасуға мүмкіндік берді.

2021 жылдың 19 сәуір күні біздің кітапханада ZOOM платформасында кәсіби оқыту Мектебі аясында толықтырушылар секциясында «Сандық дәуірдегі кітапхана қорлары: дәстүрлі және электронды ресурстар, толықтыру, пайдалану» атты облыстық онлайн – семинар өтті.

Семинар жұмысына ҚР Ұлттық кітапханасының маманы, ҚР АҚДМ Дін істері комитетінің Дінтану сараптамасы басқармасының басшысы және облыстық, қалалық және аудандық кітапханалардың кітап қорын толықтыру бөлімінің мамандары қатысты.

Семинардың модераторы Н. В. Гоголь атындағы ОӘҒК басшысының орынбасары Г.Н.Умбединова болды.

Қарағанды облысының 2025 жылғы өлкетану әдебиеттерін насихаттауға арналған көмек құралы: Библиографиялық әдебиеттер көрсеткіші / Н. В. Гоголь атындағы Қарағанды облыстық әмбебап ғылыми кітапханасы; құраст. С.О.Телпекбаева. – Қарағанды, 2024 – 58 б.

"Өлкетану әдебиеттерін насихаттауға арналған көмек құралы" атты библиографиялық әдебиеттер көрсеткіші 1971 жылдан бастап жыл сайын қазақ және орыс тілдерінде шығарылады.

Бұл библиографиялық әдебиеттер көрсеткішіне Қарағанды облысының тарихы, рухани және маңызы бар оқиғалар, еліміздің экономикалық және мәдени дамуына ерекше үлес қосқан жекелеген ұйымдардың, еліміздің қалыптасуы мен нығайюына зор үлес қосқан, халыққа танымал қайраткерлердің, ғылым мен өнердің көрнекті қайраткерлердің, батырлар, ақын-жазушылардың т.б. мерейтойлары енгізуі дәстүрге айналған.

Қазыналы Қарағанды өңіріндегі маңызды және айтулы оқиғалар туралы ақпарат беруді, елімізде қолға алынып жатқан жаңа жобаларды жүзеге асыруды және өлкетану білімін кеңінен таратуын мақсат етіп отыр. Құралдың мазмұны қоғамдағы адамгершілік және рухани құндылықтардың нығаюына, Отанға және туған жерге деген сүйіспеншілік рухында тәрбиелеуге бағытталған.

Күнтізбеге қажетті мағлұматтар әр түрлі дерек көздерінен жиналды, оның ішінде электрондық және дәстүрлі каталогтар, анықтамалық және библиографиялық баспалар қоры, интернет – ресурстары. Тарихи оқиғалармен жеке тұлғалар туралы мәліметтерді анықтап, іздестіруде көптеген анықтамалық басылымдар пайдаланылды: "Қазақстан" Ұлттық энциклопедиясы, "Қазақ өнері" энциклопедиясы, "Қазақстан жазушылары", "Қазақстан жазушылары: ХХ ғасыр" анықтамалықтары, "Қарағанды. Қарағанды облысы" энциклопедиясы, облыстық мерзімді басылымдар және т.б.

Ұлт руханиятына өлшеусіз үлес қосқан "Орталық Қазақстан" және "Индустриальная Караганда" газеттеріне биыл 90 жыл толып отыр. Осыған орай, құрметті оқырмандар Сіздерді газеттердің шежіресінен сыр шертетін "Жаңалықтың жаршысы" атты фотокөрмеге шақырамыз.

Құрметті оқырмандар! Назарларыңызға ғалымдар Е.Тоқтарбай мен Н.Бейсенбекованың құрастыруымен шыққан «Орталық Қазақстанның тарихи тұлғасы: Мұстақым Малдыбаев» кітабына буктрейлер ұсынамыз.