Қарағанды ОӘҒК

2022 жылы өлкетану әдебиеттерін насихаттауға арналған көмек құралы / Н.В.Гоголь атындағы Қарағанды облыстық әмбебап ғылыми кітапханасы; құраст. С.О.Телпекбаева. – Қарағанды, 2021. – 86 б.

Сіздердің назарларыңызға Н.В.Гоголь атындағы облыстық әмбебап - ғылыми кітапханасы 1971 жылдан шығарып келе жатқан Қарағанды облысының атаулы күндер мен айтулы оқиғалар күнтізбесінің кезекті шығарылымын ұсынады.

Күнтізбеде облысымыздың тарихи-мәдени, саяси, шаруашылық-экономикалық ақпараттары қамтылған, облыстың тарихи оқиғаларының, кәсіпорындардың, ұйымдардың, даңқты жерлестердің және Қарағанды облысының дамуына елеулі үлес қосқан азаматтардың мерейтойлық күндерінің тізбесі келтірілген. Күнтізбенің мазмұны қоғамдағы адамгершілік және рухани құндылықтардың нығаюына, Отанға және туған жерге деген сүйіспеншілік рухында тәрбиелеуге бағытталған.

Өлкетану бөлімі құрастырып отырған бұл басылым республикалық «Рухани жаңғыру» бағдарламасын жүзеге асыруды және өлкетану білімін кеңінен таратуын мақсат етіп отыр.

Күнтізбеге қажетті мағлұматтар әр түрлі дерек көздерінен жиналды, яғни кітапхананың электрондық және дәстүрлі каталогтарынан, анықтамалық және библиографиялық басылымдар қорынан, интернет – ресурстарынан.

Күнтізбе материалдарын күнделікті жұмыста БАҚ, кітапхана және клуб мекемелері, мұғалімдер, тарих мұғалімдері және қоғамдық ұйымдар қолдана алады.

Күнтізбе материалдары республикалық «Рухани жаңғыру» бағдарламасы аясында «Тәрбие және білім», «Өлкетану» кіші бағдарламасының базалық жобасын іске асыру міндеттері жүктелген білім беру мекемелері үшін ерекше құнды.

2023 жылы өлкетану әдебиеттерін насихаттауға арналған көмек құралы / Н.В. Гоголь атындағы Қарағанды облыстық әмбебап ғылыми кітапханасы; құраст. С.О.Телпекбаева. – Қарағанды, 2022. – 102 б.

Н.В. Гоголь атындағы Қарағанды облыстық әмбебап - ғылыми кітапханасы жыл сайын Қарағанды облысы бойынша аталып өтетін және еске алынатын атаулы күндер тізбегін шығарып, оқырмандарға ұсынып келеді.

Қарағанды облысы бойынша бұл атаулы күндер мен айтулы оқиғалар күнтізбесі1971 жылдан шығарып келе жатыр.

Күнтізбеде облысымыздың тарихи-мәдени, саяси, шаруашылық-экономикалық ақпараттары қамтылған, облыстың тарихи оқиғаларының, кәсіпорындардың, ұйымдардың, даңқты жерлестердің және Қарағанды облысының дамуына елеулі үлес қосқан азаматтардың мерейтойлық күндерінің тізбесі келтірілген. Күнтізбенің мазмұны қоғамдағы адамгершілік және рухани құндылықтардың нығаюына, Отанға және туған жерге деген сүйіспеншілік рухында тәрбиелеуге бағытталған.

2022 жылы 16 наурызда Мемлекет басшысы Қ.Тоқаев «Жаңа Қазақстан: Жаңару мен жаңғыру жолы» атты халыққа арнаған Жолдауында Қарағанды облысының бөлігінен Ұлытау облысының құрылатынын айтқан болатын. «Қазақстан Республикасының әкімшілік-аумақтық құрылысы туралы» Қазақстан Республикасы Заңының 9-бабына сәйкес 2022 жылдың 8 маусым айынан бастап ресми түрде Ұлытау облысы құрылды. Әкімшілік орталығы – Жезқазған қаласы болды. Ұлытау облысы құрамына бұрынғы Қарағанды облысы аумағында болған Жезқазған, Сәтбаев, Қаражал қалалары, Ұлытау, Жаңаарқа аудандары енді. Бұл күнтізбеге Ұлытау облысы құрамына енген елді мекендердің тарихы, белгілі ақын-жазушылары, ғалымдары, өнер қайраткерлері т.б. туралы мәліметтерді алып тастамадық, қысқаша анықтамалар мен әдебиеттер тізімін беруді жөн көрдік.

10 қантар күні Н.В. Гоголь атындағы облыстық кітапхана базасында Қарағанды облысы кітапханаларының 2023 жылғы жұмыс қорытындысы және кітапханалық мәселелерді талқылау мақсатында Қарағанды облысының мәдениет, архивтер және құжаттама басқармасының мәдениет және өнер бөлімінің басшысы Қ.Т. Ашкеев, облыстық кітапханалардың және қалалық, аудандық ОКЖ басшыларының қатысуымен дөңгелек үстел ұйымдастырылды.

Отырыс барысында  тұрғындарды кітапханалық қызметпен қамтамасыз ету, кітап қорын толықтыру, кітапханалардың ғимарат жағдайы, сайт мәселесі, ОКЖ-дың кәсіби біліктілігін көтеру, қаражат бөлу мәселелері және оны тиімді жұмсау сұрақтары, сонымен қатар 2024 ж. арналған жылдық жоспарлары талқыланды.

Құрметті оқырмандар! Өңіріміздің оқиғалары мен тамаша адамдары туралы қысқаша ақпарат беретін, біз «Қарағанды хронографы: «Оқиғалар мен есімдер» атты жобасын жалғастырамыз. 2024 жылдан бастап Хронограф қазақ тілінде жарияланатын болады. Хронографта ұсынылған ақпарат арқылы ғаламдық желіде өлкетанулық контент толықтырылады. 2024 ж. хронографында өңіріміздің әйгілі тұлғалардың қысқаша өмірбаяндары мен атаулы оқиғалары ұсынылады. Біздің күнтізбеміз бұрынғыдай ай сайын жарияланады және бірінші шығарылым қаңтар айының оқиғалары мен есімдеріне арналған.

Америкалық бұрыштар — бұл Қазақстандағы АҚШ Елшілігінің қолдауымен облыстық әмбебап кітапханалар базасында ашылған ақпараттық-ресурстық орталықтар. ОӘҒК Н. В. Гоголь атындағы Америка бұрышы жоғары сапалы ағылшын тіліндегі ресурстарға, зерттеу базасына, американдық кітаптарға, фильмдерге, ойындарға және басқа да қызығушылықтарға қол жеткізуге мүмкіндік береді. Американдық бұрышқа келушілер жаңа достар таба алады, ағылшын тілін үйреніп, АҚШ мәдениеті туралы мағлұмат ала алады.

2020 жылдың наурыз айынан бастап пандемияға байланысты Қарағандыдағы Америка бұрышы онлайн-форматта жұмыс жасай бастады. Әр ай сайын Қазақстандағы америкалық бұрыштардың белгілі бір тақырыпқа сайбағдарламалар арнайды, атап айтқанда халықаралық мерекелерге және АҚШ тарихындағы маңызды күндерге арналады. Instagram және Facebook әлеуметтік желілерінде апта сайын Қарағанды қаласының Америка бұрышы әр түрлі іс-шаралармен апталық кестені жариялайды. Американдық бұрыштарда пікірталас және сөйлесу клубтары, семинарлар және шеберлік сағаттар және т.бшаралар өткізіледі. Сонымен қатар, америка бұрышының танымал бағыттардың бірі ол -STEAM (ғылым, технология, инженерия, өнер, математика). STEAM бағдарламалары аталмыш салаларда «жұмсақ дағдылардың» дамуына көмектеседі.