Қарағанды ОӘҒК

Кітап – адамзат баласының сан ғасырлық ақыл-ойының, оқу арқылы жетілуінің, кемелденуінің арқасында қол жеткен дамылсыз даму үрдісінің жемісі, өткен тарихы мен өмірлік тағылым-танымының алтын сандығы.

«Кітап дегеніміз – алдыңғы ұрпақтың кейінгі ұрпақа қалдырған рухани өсиеті. Кітап оқудан тыйылсақ, ой ойлаудан да тыйылар едік» ,–  деп жазушы Ғ.Мүсірепов айтқандай    білім мен күш  кітапта.

Кітапханамызда Дүниежүзілік кітап және авторлық құқықты қорғау күніне арналған «Кітапхана. Оқу. Жастар» тақырыбында  жастардың НеКонференциясы өтті.

Шараның мақсаты – кітап пен оқуды ілгерілету, жастардың кітап оқуға деген қызығушылықтарын арттыру және өскелең жас ұрпақтың рухани-зияткерлігін дамыту.

Аталмыш шараға көркем сөз бен маржан жырдың талантты иелері, «Орталық Қазақстан» газетінің тілшілері Ерқанат Кеңесбекұлы мен ақын Ерік Нарын, жастар саясаты орталығының қызметкері Ә.Б. Борашұлы сөз сөйлеп, кітапқа қатысты пікірлерін айтып, ізгі тілектерін білдірді. Жоғарғы оқу орындарынан ҚарУ, КЭУ, Болашақ, Қарағанды медициналық интер колледждерінің студенттері және «Білім-Инновация» лицей-интернатының оқушылары қатысы.

Мақсаты: қазақ ақын-жазушыларының және әлем әдебиеті шығармаларын талдауға, жастарды сөйлеу мәдениетіне, өз пікірін ашық айтып, өз көзқарасын дәлелдей білуге баулу, әдебиетке деген таным-біліктілігін шыңдау.

Аталмыш шараға Қарағанды жоғары гуманитарлық  колледжінің студенттері қатысты. Шара барысында қатысушылар Ә.Нұршайықовтың «Махаббат қызық мол жылдар» шығармасын талқылап, ойларын ортаға салды. Соғыстан кейінгі Ербол мен Меңтайдың махаббаты, тағдыры, тұрмыс-тіршілігі, туралы түсіндіре отырып, романның танымдық және тәрбиелік маңызын, көркемдік құндылығын атап көрсетті. Махаббаттың құндылығы және оның әрбір адам баласының өмірінде қаншалықты маңызға ие екендігі туралы өз ой-толғаныстарымен бөлісті. Оқырмандарға «Махаббат қызық мол жылдар» атты сериалдан  үзінді ұсынылды.

15 маусымда балалар маусымы ашылады. Маусым-тамыз айларында Н. В. Гоголь атындағы кітапханасында балалар мен жасөспірімдерге арналған «Кітапханадағы жаз» жазғы демалыс бағдарламасы жұмыс істейді. Қатысушыларды әр түрлі жастағы балаларға арналған және қызығушылықтарға байланысты 8 алаң күтеді. Бағдарламаны баланың жасына және қызығушылығына қарай таңдауға болады. Барлық ақпарат балалардың ақпараттық ресурсында (kounbgogolya.wixsite.com/jazkarlib).

Аңызға айналған есімдер мен киелі орындар

Кітапханадағы жаз күнделігі. 23 маусым

Балалар мен ата-аналар назарына!!!

Жаз мезгілі келді, әдеттегідей ата-аналардың алдында балалардың бос уақытын дұрыс ұйымдастыру, жаз мезгілін қызықты өткізу, көтеріңкі көңіл-күй сыйлап, білімдерін тереңдету сынды мәселелері туындайды. Осы уақытта Сіздерге Н.В. Гоголь атындағы Қарағанды облыстық кітапханасының қызметкерлері көмекке келеді.

Жаз мезгілінде бос уақытын қызықты да пайдалы өткізуге әр жастағы балаларды кітапханаға шақырамыз.

Жаз айларының дүйсенбі және сейсенбі күндері сағ. 10.00-ден 12.00-ге дейін балаларға араналған шығармашылық алаңдар тек Сіздер үшін жұмыс жасайды:

Достар! Кітапханамызда «Жазғы оқу қаласының» және «Кітапханадағы жаз» жобасының ашылу салтанатына шақырамыз!

Сіздерді 5 маусым күні сағат 11.00-де Ерубаев көшесі 44 мекен-жайында 2023 жылдың күтеміз!

Сіздер үшін Шығармашылық алаңдар:

       «Жазғы оқу қызық оқиғаға шақырады»: шеберлік сағаттар мен зейінді болу ойындары мен жаттығулар;

       «ITландия»: технология әлемін зерттеушілер үшін қызықты алаң, ойындар мен спортты үйлестіру арқылы денсаулық әлеміне саяхаттау;

       «Дамы! Ойна! Жаса! Арманда!»: танымдық және зияткерлік ойындар;

       «Кітап патшалығы»: жаңа кітаптармен танысу, «Үйрен де жирен» шеберханасы;

       «Көңілді арал»: суреттер байқауы, дидактикалық және дала ойындары;

       «Балдәурен»: ұлттық ойындар, АРТ сағаттар мен асық-party;

       «Полиглот»: тілдерді ойын арқылы үйрену сабақтары.

Бізге қосылыңыз! Жаңа мүмкіндіктер мен достар тауып, ой-өрісіңізді кеңейтіп, жазғы демалысыңызды «Кітапханадағы жазда» өткізіңіз!

Кіру тегін! Бірегей мүмкіндікті жіберіп алмаңыз!