Тарихы мол білім ордасы
| Қаралды: 17811
2021 жылы 17 ақпан күні Н. В. Гоголь атындағы облыстық әмбебап ғылыми кітапханасы Жетісу өңіріне ғана емес бүкіл қазаққа аты мәшһүр жыр жампозы Жамбыл Жабаевтың туғанына 175 жыл толуына орай, "Тарихы мол білім ордасы" тақырыбында мектеп – интернаттың тыныс тіршілігі жайлы Жамбыл атындағы мамандандырылған мектеп – интернатының тәрбие ісі жөніндегі орынбасары Шәрипа Қапашевамен тікелей эфирде сұхбат өтті.
Парасат жолы
| Қаралды: 15407
2021 жылы «ADALDYQ ALANY» жобасы аясында облыстық, аудандық және ауылдық кітапханалар жанынан «Парасат жолы» өңірлік орталықтары ашылды. Орталықтарды ашудың мақсаты - ғылыми және шығармашылық зиялы қауым өкілдерімен бірлесіп қоғамда парасаттылық идеологиясын ілгерілету.
Н.В.Гоголь атындағы облыстық әмбебап ғылыми кітапханасында «Парасат жолы» орталығында мәдениет, әдебиет және руханиятты негізге ала отырып, келелі әңгімелер арқылы қоғамда парасаттылық, адалдық идеологиясын насихаттау мақсатында мағынасы кең, мазмұны бай, тақырыбы терең сұхбат арқылы ел көңілінен шығатын көкейтесті мәселелер талқыланады. Зиялы қауым өкілдерімен кездесулер, сұхбаттар мен тікелей эфирлер ұйымдастырылады.
Жүрсіннің жезкиік жырлары
| Қаралды: 17506
Жамбылдың жыр жиһаны
| Қаралды: 18190
Биылғы жылы ұлы ақын, жыршы Жамбыл Жабаевтың туғанына 175 жыл толып отыр. Ж. Жабаев 1846 жылы 28 ақпанда Жамбыл облысындағы Жамбыл тауының етегінде дүниеге келді. Жыршы көзі тірісінде 1936 жылы Еңбек Қызыл ту орденімен марапатталып, КСРО Мемлекеттік сыйлығының лауреаты, 1938 жылы Қазақ КСР Жоғарғы Кеңесінің депутаты атанған. Мерейлі мейрамның қарсаңында кітапхана төрімізде "Жамбылдың жыр жиһаны" атты кітап көрмесі ұйымдастырылды. Көрмеге абыз жыраудың сирек және құнды кітаптары топтастырылып, шығармашылығы мен өміріне негізделген еңбектер қойылды.
Жыр-Жауһар
| Қаралды: 17832
2006 жылдың 8 ақпанында кітапхана жанынан "Жыр-Жауһар" поэзия клубы құрылған болатын. Клубтың ашылуы ақиық ақын М.Мақатаевтың 75 жылдық мерейтойымен тұспа-тұс келген еді.
Клубтың мақсаты – жыр жазуға құлшынысы бар, талабы биік таланттарды қолдау, Алаштың атын аспандатқан қазақтың ақындарының өлең-жырларын дәріптеу, жастарды кеңге құлаш жайған қазақ поэзиясына баулу болып табылады.
"Жыр-Жауһар" поэзия клубының бүгінгі қарқыны көңіл марқайтып, көз қуантады. Клуб мүшелері республикалық, облыстық деңгейдегі мүшәйраларда жүлделі орындарды иеленіп жүр. Жас ақындардың өлеңдері республикалық, облыстық басылым беттерінде жиі жарияланып, алғашқы жыр жинақтары да жарық көруде. Аймақта өткізілетін барлық әдеби, мәдени шараларға белсене ат салысып, өңірдің рухани өміріне өз үлестерін қосуда.
2016 жылдың қазан айында Жыр – Жауһар клубы 10 жылдық мерейтойын атап өтті. Бүгінде Арқа еліне ғана емес, Республика көлеміне танымал аталмыш клубтың ашылғанына 15 жыл толып отыр. Шығармашылық орталықтың жеткен жетістіктері мен алған асуларын насихаттау, жастарды қазақтың әдеби әлемімен таныстырып, кітап оқуға тарту мақсатымен биылғы жылға кешенді жұмыстар қолға алынды.
