Қарағанды ОӘҒК

Достар! Бұған дейін көп қаламгер бара қоймаған тың тақырыпқа арналған, халқымыздың салт-дәстүрі мен ұлттық ойындарының психологиялық астарына ғылыми тұрғыда талдау жасалған еңбек - «Қазақтың жазылмаған психологиясы» кітабына арналған бейне ақпаратты назарларыңызға ұсынамыз!

Құрметті өнер сүйер қауым! Биыл, еліміздегі тұңғыш кәсіби кинорежиссер, қазақ киносына айрықша еңбек сіңірген дара тұлға, Ұлы Отан соғысының қатысушысы Мәжит Сапарғалиұлы Бегалиннің туғанына 100 жыл. Осыған орай, сіздердің назарларыңызға “Қазақтың Мәжиті” атты бейнешолуды ұсынамыз!

Алаш зиялысы, заңгер, қоғам қайраткері, құқық магистрі Жақып Ақбаевтың 145 жылдығына арналған «Қазақтың тұңғыш заңгері» атты әдеби бейне шолуын ұсынамыз. Тарихи тұлғаларымыз жайлы білуге асығыңыздар!

Қазақтың қаламгері Бельгер деген...: жазушы, сыншы, аудармашы, публицист, әдебиет зерттеушісі және қоғам қайраткері Герольд Карлович Бельгердің 90 жылдығына арналған библиографиялық жадынама / Н.В. Гоголь атындағы Қарағанды облыстық әмбебап ғылыми кітапханасы; құраст. Г.С. Мухамбетчина. – Қарағанды, 2024. – 14 б.

«Герольд Бельгер – қазақ әдебиетіндегі теңдессіз құбылыс».

Шыңғыс Айтматов

Ұлты неміс болса да, халқымыздың әдебиеті мен мәдениетін, тарихын жетік меңгерген көрнекті жазушы, публицист, зерттеуші, сыншы, аудармашы Герольд Карлович Бельгердің туғанына биыл 90 жыл. Саналы ғұмырында «Қазақтың қуанышы – менің қуанышым, қазақтың тойы – менің тойым», – деп туған жеріне, өскен ортасына, қабырғалы қазақ еліне адал қызмет етті. Қазақтың қайғысы үшін қабырғасы қайысып, қуанышынан қуаттанған Гер аға көзі тірісінде алпысқа жуық кітап, «Гете мен Абай», «Асылға абай болайық!» сияқты екі мыңға тарта мақала және көркем әңгіме жазды. Қазақтың тілі, мәдениеті, өнері, бірлік, ұлтаралық ымыраластық туралы қалдырған қадау-қадау қағидалары қаны неміс болса да, жүрегі «қазақ» деп соққан жазушының бітім-болмысын өзгелерден даралап, ақиқаттың жаршысына айналдырғаны бек шындық. Қазақтың шын жанашырының ел алдындағы адал еңбегі мен азаматтық ұстанымы кезінде сый-құрметке бөленді, қазақ топырағын мекендеген түрлі ұлттар әдебиетінің көкжиегін кеңейткен шығармалары қазіргі таңда да әділ бағаланып жүр.

Библиографиялық жадынамаға қаламгердің өмірбаяны және ол туралы жазылған әдебиеттер мен мақалалар тізімі енгізілді.

Библиографиялық жадынама студенттерге, зерттеушілерге, өлкетанушыларға, әдебиетті сүйетін көпшілік оқырманға арналған.

Оқырмандар назарына!

Кітапханада геолог-ғалым, профессор, академик Қаныш Сәтбаевтың 125 жылдығына арналған Қарағанды өңірінің колледж студенттерінің арасында «ҚАЗАҚТЫҢ ҚАНЫШЫ» атты облыстық зияткерлік ойын өтеді.

Ойынның ЕРЕЖЕСІМЕН таныс болыңыздар!