Қарағанды ОӘҒК

Құрметті оқырмандар!

Сіздердің назарларыңызға "Жұлдыз құрт" атты шеберлік сағатын ұсынамыз!

Қаламыздағы Н.В. Гоголь атындағы Қарағанды облыстық әмбебап ғылыми кітапханасының қабырғасында 15 жыл бұрын «Жыр-Жауһар» поэзия клубы құрылып, бүгінде республикаға танымал үлкен шығармашылық орталыққа айналды.

Орталықтың мүшелігіндегі ақындардың жетістіктері мен жеңістері мақтан тұтарлық. Алдыңғы буыны боп табылатын Алмаз Мырзахмет, Мирас Асан, Қуаныш Медеубаев, Жадыра Байбұланова, Рауан Қабидолдин, Жанат Жаңқаш, Эльмира Сайлауқызы, Айзада Рақымжанова, Ерғанат Кеңесбек және т.б. ақын-жазушылар бүгінде әдебиет әлемінде үлкен орындары бар ақындар. Қазақстан жазушылар одағы облыстық филиалының басшылығындағы Жанат Жаңқаштың жыр-жауһарлық екені де мақтаныш. Орталықтың мерейлі жылында жазушылар одағына жыр-жауһарлық бірқатар ақындар өтті. Бүгінде аймақтың шығармашылық шыңдалуына үлес қосып жүрген ақындар легін жас қаламгерлер жалғап келеді. 

Құрметті оқырмандар!

Назарларыңызға ақын, Қазақстан Жазушылар одағының мүшесі, композитор Тілеуғазы Рымбекұлы Бейсембектің «Балаларға базарлық» жобасы аясында жарық көрген «Зерек бала» кітабының таныстырылымын ұсынамыз.

https://drive.google.com/file/d/1tEpRrU2nBXxsQsjBBS2SHSzO6xwjGmoC/view?usp=sharing

31 мамыр - саяси қуғын – сүргін және ашаршылық құрбандарын еске алу күні. Қазақстан тарихының ең қайғылы беттерінің бірі - жаппай саяси қуғын-сүргін және миллиондаған адамның қаза болуына әкеп соққан ашаршылық.Өткенді ескермей болашақты құру мүмкін емес. Сондықтан ХХ ғасырдың 1927-1953 жылдарындағы сталиндік жүйенің саяси қуғын-сүргіні қазақ даласын қанға бөктіріп, қаншама жазықсыз халықты атты, темір торға тоғытты, итжеккенге айдады, басқа да зорлық-зомбылықтардың небір түрін жасады.

Бұл оқиғалардың барлығын архивтік құжаттардан, кітаптардан, баспасөз беттерінен оқуға болады. Осындай мәліметтерді жас ұрпақтың санасына тарихи шындықты жеткізу, сіңіру үшін тереңірек таныстыру мақсатында кітапханамызда «Зобалаң жылдар жаңғырығы» атты фотокітап көрмесі ұйымдастырылды.

31 мамыр саяси қуғын-сүргін құрбандарын еске алу күні. ХХ ғасырдағы саяси қуғын-сүргін – мыңдаған жазықсыз адамдардың қаны мен көз жасына суарылған тарихымыздың шерлі беттерінің бірі болып саналады. Осыған орай Н.В.Гоголь атындағы Қарағанды облыстық әмбебап ғылыми кітапханасында «Өзекті өртер шындық» атты ақпараттық сағаты мен «Зұлмат Жылдар Зобалаңы» атты иллюстрациялық кітап көрмесінің таныстырылымы өтті.

Шараның мақсаты - оқырмандарға саяси қуғын-сүргін кезеңінің тарихи маңызын түсіндіру және азаттық жылдарында құрбан болған бабаларға тағзым ету.

Аталмыш шараға Ә.Сағынов атындағы Қарағанды техникалық университеті «Қазақстан тарихы» кафедрасының қауымдастырылған кафедрасының профессоры, тарих ғылымдарының кандидаты Касимова Сәуле Сүйіндікқызы, Қарағанды тамақтандыру және сервис колледжінің тарих пәнінің ұстазы Халелова Майдагүл Ерліковна және Қарағанды тамақтандыру және сервис колледжінің студенттері мен қатысты.

Шара барысында тарих ғылымдарының кандидаты Сауле Сүйіндікқызы «Саяси қуғын – сүргін, тоталитарлық, әкімшілік, әміршіл - жүйенің қылмысы» атты бейне презентация арқылы қуғын-сүргін кесірінен жазықсыз жапа шеккен мемлекет және қоғам қайраткерлері, ұлт зиялылардың есімдерін еске алып, не үшін қудаланғанын жан-жақты талқылап берді.