Қарағанды ОӘҒК

Н. В. Гоголь атындағы Қарағанды әмбебап ғылыми кітапханасы 2023 жылдың 25-26 қыркүйегінде «Шекарасыз – кітапхана» атты дәстүрлі Ашық есік күнін өткізді.

Акцияның мақсаты – оқуға деген қоғамдық қызығушылықты арттыру, оқырмандарды кітапхана жұмысының шарттарымен, жаңа ақпараттық мүмкіндіктермен және кітапхана қызметімен таныстыру.

Кітапхана ақпарат уақытынан бастап, Қазақстанның көрнекті тұлғаларына арналған маңызды тақырыптық кітап көрмелеріне дейін түрлі бағдарламаны ұсынды.

Жастармен жұмыс тәжірибесі бар біздің қызметкерлеріміз студенттерді топтарға тез және үйлесімді түрде бөліп, оларды дайындалған қызықты ойындар, викториналар, көрмелер, библиофреш, кітап десс-коды бойынша бөлімдерге алып жүрді.

Кітапхананың фойесінде «Ізгі тілектер» бұрышы орнатылды. Келушілер кітапхана жұмысы бойынша құттықтауларын, тілектері мен ескертпелерін белсенді түрде қалдырып отырды. Мысалы: «Кітапханадан өте күшті әсер алдым және келесі күндері оқу бөлмесіне келіп, осында кітап оқимын деп мақсат қойдым», «Бұл кітапхананың атмосферасы ерекше. Жылдан-жылға көркейе беріңіздер! Кітап қоры көбейсін!», «Өте керемет. Рухани дамып, көңіліміз көтеріліп қалды. Барлығына рақмет!».

2023 жылдың 20 қыркүйек күні Қарағанды облысының мәдениет, архивтер және құжаттама басқармасының қолдауымен Н.В. Гоголь атындағы Қарағанды облыстық әмбебап ғылыми кітапханасында «Шеберлер клубының» 10 жылдығына арналған «Шығармашылықтың сиқырлы әлемі» облыстық Арт марафонының қорытындысы мен марапаттау рәсімі өтті.

Байқаудың мақсаты - кітапхана рөлін Қарағанды облысы тұрғындары буынының сұхбаттық әрі танымдық, шығармашылық қарым-қатынасы алаңы ретінде және ұлттық сәндік-қолданбалы өнерге деген қызығушылықтарын арттыру.

Арт-марафонға Қарағанды, Саран, Абай қаласынан және Нұра, Шет, Қарқаралы аудандарынан 40-қа жуық шеберлер жұмыстарын жіберді.

«Қазақ әдебиеті» газетінің тарихы. Құрметті оқырмандар, сіздердің назарларыңызға, қазақ руханиятының алтын діңгегіне айналып үлгерген - «Қазақ әдебиеті» газетінің тарихы жайлы баяндалған бейнешолуды ұсынамыз!

2022 жылдың 6 мамыр күні Н.В. Гоголь атындағы облыстық әмбебап ғылыми кітапханасында Кеңес Одағының Батыры М. Мәметова мен Халық Қаһарманы Х. Доспанованың 100 жылдығына арналған «Қазақтың батыр қыздары» эссе байқауының қорытындысы мен жеңімпаздарды марапаттау рәсімі өтті. Эссе байқауына Қарағанды қаласының жалпы білім беретін мектептерінің, гимназияларының, лицейлерінің 9-11 сынып оқушылары және Т.Бигелдинов атындағы «ЖасҰлан» әскери мектебінің курсанттары қатысты. Барлығы 69 оқушы қатысты.

Жұмыстар қазақ және орыс тілдерінде орындалды. Қазылар алқасының жұмысына Е.Бөкетов атындағы ҚарУ оқытушылары мен БАҚ өкілдері қатысты.

6 ақпан күні кітапханамызда «Жыр-Жауһар» шығармашылық орталығының мүшесі, ақын, туған жерге деген кіршіксіз махаббат өлеңдерімен өрнектей жеткізе білген талант иесі Еркебұлан Елеусізұлымен «Қайыңды көл» атты шығармашылық кеші өтті.

Ақын поэзия жанрына ең алғаш 16 жасында  қалам тербеген  өзіндік өмірлік жолын, өз өлеңдерінің шығу тарихын, жырға деген шабытын, адамгершілік туралы ақындық ойларын ортаға салып, «Қайыңды көл», «Ақжол деген ауыл бар..», «Анама», «Қарқаралы қазағым», «Тілек» атты тағы да басқа жауһар жырларын оқыды.