Қарағанды ОӘҒК

23 қыркүйек күні сағат 11.00-де Қарағанды облысының кітапханалары Қазақстанның барлық өңірлерімен бірге алғашқы жалпы республикалық «KitapTime-2022» кітап фестивалін өткізді.

Мәдениет және спорт министрлігінің қолдауымен Ұлттық академиялық кітапхананың бастамасымен ұйымдастырылған бұл шара көпшіліктің көңілінен шығып, нағыз Кітап мерекесіне айналды.

Қарағанды академиялық музыкалық комедия театры алаңына фестивальға қатысу үшін 150-ден астам адам жиналды. Мерекелік алаңды «Оқуға ұсынамыз!» атты Әдеби киіз үйлері, «Қасым Баспа Үйі» және «Cocobee» сауда дүкендері ұйымдастырған «Мені өзіңмен ала кет!» кітап шопингі алаңдары ажарландырды. Жиылған қауымға шеберлік сыныптар өткізіліп, суретке түсу алаңдары жұмыс жасады.

15 қыркүйек күні сағат 11.00 – 19.00 аралығында Н. В. Гоголь атындағы Қарағанды облысының әмбебап ғылыми кітапханасы алаңында Қазақстанның барлық өңірлерімен бірге Мәдениет және ақпарат министрлігінің қолдауымен, Ұлттық академиялық кітапхананың бастамасымен ұйымдастырылған екінші жалпы республикалық «KitapTime-2023» кітап фестивалінің салтанатты ашылуы өтеді.

Фестивальдің мақсаты: кітап пен кітап оқуға деген қызығушылыққа қолдау көрсету, қоғамның мәдени құндылықтары мен зияткерлік потенциалын арттыру болып табылады.

Құрметті оқырман қауым! Назарларыңызға Есенбай Дүйсенбайдың аудармасымен жарық көрген Қожа Ахмет Яссауйдің " Хикметтер" (даналықтар) кітабын ұсынамыз.

Cілтемеде аталмыш бағдарлама  туралы 32 бейне сабақ ұсынылған.

Жерлесіміз, дауылпаз ақын Қасым Аманжоловтың шығармашылығын дәріптеу, «Қасымтану» саласын насихаттау, дамыту, жастардың шығармашылық ізденісін қолдау үшін септігін тигізіп жүрген республикалық дәстүрлі Қасым Аманжолов оқулары аясында «QASYM» сериясымен кітап шығару үрдіске айналды. Құрметті оқырмандар, сіздердің назарларыңызға «Qasym» сериясы кітабына арналған ақпаратты ұсынамыз.