Қарағанды ОӘҒК

[sigplus] Critical error: Image gallery folder material/news/2017_latinitsa is expected to be a path relative to the image base folder specified in the back-end.

11 қазан күні Н.В. Гоголь атындағы Қарағанды облыстық әмбебап ғылыми кітапханасында қазақ тілін латын әліпбиіне көшіруді насихаттау бойынша іс-шаралар жоспары аясында Елбасы Н.Ә. Назарбаевтың "Болашаққа бағдар: рухани жаңғыру" атты мақаласын алға тартатын "Латын әрпіне көшу – Қазақстан стратегиясы" атты дөңгелек үстел өтті.

Шараға Қарағанды облысының тілдерді дамыту орталығының аға әдіскері Ж. Жақанова қатысып, "Латын әліпбиіне көшу – тарихи қажеттілік" атты тақырыпта пікір білдіріп, қазақ тілінің латын графикасына, одан кейін кирилл графикасына көшу тарихын айтып берді.

"Болашақ" Академиясының қазақ тілі мен әдебиеті кафедрасының меңгерушісі Қ. Сембиев латын графикасына көшуде мемлекеттік тілдің орны, айтылу ерекшеліктері мен тигізер әсері туралы ой бөлісті.

Латын әліпбиіне көшудегі қазақ тілінің рөлі туралы, парламенттік тыңдауда ұсынылған әліпбидің нұсқалары туралы мәселеге Қарағанды облысы бойынша педагогикалық қызметкерлердің біліктілігін арттыру институтының аға оқытушысы К. Ғабдуллаевна тоқталып кетті.

"Жаһандану және мемлекеттік тіл" тақырыбында баяндама ұсынған Қарағанды қалалық білім бөлімінің әдіскері Г. Жаркеева, жаһандануға бет бұру рухани жаңғырудың бір бейнесі екендігін айтып, латын графикасында көшуге Қарағанды облысындағы мектептердің дайындығына, алдағы уақытта әр түрлі бағдарламалар дайындалып жатқандығы туралы сөз қозғады.

Қарағанды облыстық сотының судьясы, жергілікті автор М. Азбанбаев латын тілінің шығуын тарихпен байланыстырып, дыбысты сақтап қалу туралы ойын ортаға салды.

{gallery}material/news/2017_latinitsa{/gallery}

Жиналған қауымға "Латын әліпбиі – уақыт талабы" атты кітап көрмесі ұсынылып, "Кітапханаға латын әліпбиіндегі кітап сыйла" акциясы аясында кітапхана қорына сыйға тартылған, латын тілінде жарық көрген кітап туралы негізгі қорларды сақтау бөлімінің басшысы Б. Оспанқұлова баяндады. Сондай-ақ, кеш барысында кітапханамыздың тұрақты оқырманы О. Суханберлин латын қарпіне көшу туралы өз пікірін білдіріп, кітапханамыздың қорына латын әліпбиіндегі үш кітапты сыйға тартты. Ол Абай Құнанбаевтың "Таңдамалы өлеңдер" (1939 ж.), Н. Островский "Құрыш қалай шынықты?" (1938 ж.) және Дж. Лондон "Ақ азу (1939 ж.) кітаптары.

{gallery}material/news/2017_knigi_v_dar{/gallery}

Сонымен бірге, іс-шараға қаламыздың оқу орындарының студенттері мен қазақ тілі мен әдебиеті пәні мұғалімдері қатысты.

Құрметті оқырмандар және қала тұрғындары, қазақ тілін латын графикасына көшіру мәселесі туралы кітапханамызда әлі де көптеген іс-шаралар өткізіледі. Келіңіздер! Қатысыңыздар!

Толығырақ бейнематериалда