«Жалын. Жүрек. Жыр..» поэзия кеші
| Қаралды: 10376
Күні кеше «Жыр-Жауһар» шығармашыл жастар орталығының ұйымдастыруымен, Облыстық жастар саясаты мәселелері жөніндегі басқарманың қолдауымен үзеңгі қағысып жыр додасында қатар шауып келе жатқан жас ақындар Нұрдәулет Бақытұлы мен Тілеужан Ерқанатұлының кітапханамызда «Жалын. Жүрек. Жыр...» атты шығармашылық кеші өтті.
Іс-шараның басты мақсаты - өнер өлкесіне қанат қағып келе жатқан жас таланттарды қолдау. Аға буын мен жастардың арасында үзеңгілестік орнату. Жастарға замандастарын үлгі етіп көрсету арқылы, тұлғалық болмысын қалыптастыруға талпындыру.
«Мен оқыдым, Сізге де оқуға кеңес беремін» буктрейлер байқауы мәресіне жетті
| Қаралды: 11012
Сөзі абызға, өмірі аңызға айналған, бір басына қазақтың бар өнерін сыйғызып, сегіз қырымен танылған Ақселеу Сейдімбектің 80 жылдық мерейтойына арналған «Арқа даласы - Ақселеу әлемінде» өлкетанулық әдеби-марафоны аясында «Мен оқыдым, Сізге де оқуға кеңес беремін» атты Қарағанды облысының кітапханашылары арасындағы буктрейлер байқауы өз мәресіне жетті. Бұл шара Қарағанды облысының мәдениет, архивтер және құжаттама басқармасының қолдауымен жүзеге асты.
Байқауға Қазақстан Республикасы Мәдениет және спорт министрлігінің Қарағанды облысының кітапханалар жүйесінің қызметкерлері қатысты. Жас ерекшеліктері шектелмеді.
Ақселеу Сейдімбектің өмірі мен шығармашылығын инновациялық нысандар арқылы насихаттауды, кітапхана қызметкерлерінің шығармашылық потенциалдарын ашып көрсетуді, кітап оқуды алға жылжытудағы жұмыстың дәстүрлі емес әдістерін жүзеге асыру болып табылатын байқаудың Ережесі 2022 жылдың 10 сәуір күні жарияланған болатын.
Теңге – тәуелсіздік тұмары
| Қаралды: 12188
Тәуелсіз мемлекеттің негізгі шарты – айналымда өзінің ұлттық валютасының болуы. Биыл біздің Отанымыз өз валютасы - теңгеніңресми түрде айналымға енген уақытын, яғни, 29 жыл толуын атап өтуде. Ең алғаш рет Республиканың ақша бірлігі 1993 жылы 15 қарашада енгізілді. Ол 1993 жылғы 12 қарашада қол қойылған «Қазақстан Республикасының ұлттық валютасын енгізу туралы» ҚР бұрынғы Президентінің №1399 Жарлығымен бекітілді. Сол күннен бастап 15 қараша «Ұлттық валюта – теңге» күні деген атқа ие.
Теңге – мемлекеттің экономикалық тәуелсіздігі нышандарының бірі. Теңге қолданыс барысында халықаралық нарықта танымалдыққа ие болып, жаңа қоғамдық қатынастардың дамуындағы басты факторлардың біріне айналды.
«Өкіл әке» кітабы
| Қаралды: 10809
Тіл – «менің» және әлемнің қосылатын тұсы.
Х.Г. Гадамер
Сүйінші оқырман! Әдебиетіміз тағы бір құнды дүниемен толықты. Қарағанды облысының тілдерді оқыту орталығы «Әлемдік әдебиетті қазақ тіліне аудару» арнайы жоба аясында әйгілі италияндық жазушы Марио Пьюзоның «Өкіл әке» кітабын (Қарағанды, 2022 ж.) жарыққа шығарды. Аударманы Қазақстан Жазушылар Одағының мүшесі, аудармашы, журналист және жазушы Сүйіндік Жанысбай жасады. Кітап 200 данамен басылып шықты.
Әлемдік деңгейде бестселлер аталған Марио Пьюзоның «Өкіл әке» атты кітабы 1969 жылы жарыққа шыққан. Итальяндық мафияның заңдары, жемқорлық, намыс жайлы жазылған бұл кітап 70-ші жылдары-ақ бестселлер болған және көп тілге аударылған. Енді ана тілімізде оқуға мүмкіндік туды.
Ел еркесі - Роза
| Қаралды: 11083
Биыл аңыз-әнші Роза Бағланованың 100 жылдық мерейтойы ЮНЕСКО көлемінде тойланып, әншінің есімі Алматы қаласында Республикалық «Қазақконцерт» мемлекеттік ұйымына берілді сонымен қоса, Жамбыл атындағы Қазақ мемлекеттік филармониясы ғимаратының алдында ескерткіш орнатылды. Көзі тірісінде аты аңызға айналған Роза Тәжібайқызы майдан даласында ән салып, әсем дауысымен бүкіл әлемді тамсандырды.
2020 жылдан бастап, Мемлекет басшысы Қасым-Жомарт Тоқаевтың тапсырмасы аясында ҚР Білім және ғылым министрлігі орта білім саласында «Оқуға құштар мектеп», «Оқитын колледж« жобалары іске асырылуда. Осы жоба аясында кітапханамыздың өнер туралы әдебиеттер бөлімінің кітапханашылары Қарағанды жоғары политехникалық колледжінде «Ел еркесі - Роза» атты ақпараттық сағат ұйымдастырды.
