Қарағанды ОӘҒК

Құрметті оқырмандар!

Н.В. Гоголь атындағы Қарағанды облыстық әмбебап ғылыми кітапханасында "Кітапхана түні" Акциясы аясында "Қобыланды батыр", "Алпамыс батыр" эпостарын жатқа оқу бойынша "Тұлпар мініп, ту алған" атты байқау өтеді. Байқаудың мақсаты – әманда ел тағдырын биік қойған ерлік дастандарымен өскелең ұрпақты сусындатып қана қоймай, ықылым заманнан бері келе жатқан жыршылық дәстүрді қайта жандандыру, қатысушылардың бойында салт - дәстүрге деген сүйіспеншілікті одан әрі дамыту, оны әрқашан құрметтеуге баулу, көрермендердің батырлар жыры туралы түсінігін кеңейту, эпостардың мазмұнымен таныстыру. Шара барысында батырлар жыры жатқа оқылып, эпостарға байланысты сұрақтар қойылып, қызықты ойындар өткізіледі. Белсенділік танытып, эпос үзінділерін ең үздік жатқа оқыған қатысушыларымыз жеңімпаз атанып, арнайы сыйлықтармен марапатталады. Қатысушылардың жас ерекшелігіне шектеу жоқ.

Толық ақпаратты кітапханамыздың абонемент бөлімінен немесе                    56-53-04 байланыс телефонынан біле аласыздар.

         Қатысыңыздар! Батырлар жырын бірге жаңғыртайық !!!