Қарағанды ОӘҒК

[sigplus] Critical error: Image gallery folder material/news/2019_tazhibaev1 is expected to be a path relative to the image base folder specified in the back-end.

2019 жылдың ақпан айының 5 жұлдызында ақын, драматург Ә.Тәжібаевтың 110 жылдығына арналған "Ә. Тәжібаевтың ақындық әлемі" атты онлайн-конференция өтті.

Іс-шараның ұйымдастырушылары болған облыстық тарихи-өлкетану музейімен бірлесе отырып Н.В. Гоголь атындағы Қарағанды облыстық әмбебап ғылыми кітапханасы мен Ә.Тәжібаев атындағы Қызылорда облыстық әмбебап ғылыми кітапханасы онлайн байланысқа шықты. 

Аталмыш шараның мақсаты – халқымыздың аса көрнекті ақыны, драматургі, әдебиет сыншысы, мемлекет және қоғам қайраткері, Қазақстанның халық жазушысы, Мемлекеттік сыйлық иегері Әбділда Тәжібаевтың өмірі мен шығармашылығын көпшілік қауымға насихаттау, таныстыру. Айта кету керек, биылғы жылы "Бір ел – бір кітап" республикалық акциясы аясында Әбділда Тәжібаевтың өлеңдері жалпы оқуға таңдалған.

Шара барысында Қызылордалық әріптестер Ә. Тәжібаев атындағы Қызылорда облыстық әмбебап ғылыми кітапханасының басшысы

{gallery}material/news/2019_tazhibaev1{/gallery}

Н.А. Мырзамұратова мен Қорқыт ата атындағы Қызылорда мемлекеттік университетінің оқытушысы, филология ғылымдарының кандидаты

А.Е. Айтбаева ақын еңбектері жайлы кеңінен тоқталып, мұражайдағы ақын тұтынған бұйымдар мен қолтаңбасы бар кітаптарын көрсетті.

Ал, Қарағанды тарапынан қатысқан құрметті қонақтар Кеңес Одағының және Қазақстан Республикасының еңбек сіңірген әртісі

Қ.Н. Жұмабеков С.Сейфуллин атындағы Қарағанды облыстық қазақ драма театры сахнасында қаламгердің пьесаларының қойылуын әңгімелесе,

Е.А. Бөкетов атындағы ҚарМУ-дың филология ғылымдарының кандидаты, доцент К.А. Төлеубаева жазушы шығармашылығынан баяндама жасады. Жиналған қауымға кітапханамыздағы ақын шығармалары мен ол туралы жазылған газет-журнал, кітаптардан тұратын көрме таныстырылды.

Онлайн-конференция  соңында қатысушылар Әбділда ақын жайлы білім көкжиегін кеңітіп, естелік суретке түсіп тарқасты.