Кітаптың тұсаукесеріне шақырамыз
| Қаралды: 1245
ҚҰРМЕТТІ ОҚЫРМАН!
2018 жылдың 27 ақпан күні сағат 15.00-де Қарағанды облыстық Н.В.Гоголь атындағы әмбебап ғылыми кітапханасында "Аталар жолын жалғаған..." деген атпен "Аманат" кітабының тұсаукесері өткізіледі.
Қолжазбалар қадымша (ескі араб әліпбиі) таңбаланған. Кириллицаға аударған Қарағанды облысы, Ақтоғай ауданы, Шабанбай би ауылының имамы Айдаржан Қасенов, кітаптың редакторы ақын Серік Сағынтай.
Кітапта қазақ әдебиетінің тарихына тың хрестоматиялық үлес қосатын дүниелер тұңғыш рет жарияланып отыр. Сонымен қатар, қолжазбаларды оқи отырып, Кеңестік дәуірдегі қазақ қоғамындағы, Қарағанды аймағындағы діни-әлеуметтік жағдаяттарды да сараптауға болады.
Тұсаукесер рәсіміне кітапты құрастырушы Шабанбай би ауылының имамы Айдаржан Қасенов пен шығармалары енген авторлардың ұрпақтары: ҚР еңбек сіңірген спорт шебері, кәсіпкер Жұмабай Жандығұлов, медицина ғылымдарының кандидаты Малина Қажыбайқызы, "Тоқырауын тынысы" газетінің тілшісі Сәбиля Нұржанова, Әлия Молдағұлова атындағы спорттағы дарынды балаларға арналған облыстық мамандандырылған мектеп-интернатының қазақ тілі мен әдебиеті пәнінің мұғалімі Әсия Нығметова және Баракат Алшымбекұлы және өлкетанушы, журналист Аман Жанғожин қатысады деп күтілуде.
Жаңа кітаппен таныс! Кітапхана сіздерді күтеді!
