Қарағанды ОӘҒК

[sigplus] Critical error: Image gallery folder material/news/2019_nurken is expected to be a path relative to the image base folder specified in the back-end.

Бір елдің қасиетін өз бойына дарыта білген, қазақтың қыраны, Кеңес Одағының батыры, халқымыздың қадір тұтқан қаһарман ұлы, атақты ұшқыш - Нұркен Әбдіровтің туғанына биыл 100 жыл толып отыр. Батырдың есімін жаңғырту, баба ерлігімен таныстыру, жастарды патриоттыққа және адамгершілікке тәрбиелеу мақсатында кітапхана қызметкерлері Қарағанды қаласының Көпсалалы гуманитарлық-техникалық колледжінде студенттермен «Нұркеннің ерлігі» атты патриоттық сағатын өткізді.

Батырдың ерлігін сезіндіру үшін студенттер назарына «Ұлы ерлік - ұрпаққа үлгі» тақырыбындағы видео роликті ұсына отырып, қаһарман жерлесіміз туралы көптеген естеліктері, тарихқа толы әңгімелері сондай-ақ, қылқалам шеберлерінің туындылары жайлы баяндалды.

{gallery}material/news/2019_nurken{/gallery}

Нұркен ағамыздың  тарих жолындағы өмірбаянымен таныс болған болашақ ұстаздар өздерінің рухани серпілістерін жасырмады. Кітапхана қызметкері «Батыр рухы мәңгілік» атты кітап көрмесіндегі батырға арналған кітаптармен таныстырып, көрмеге шолу жасады. Көрмедегі «Боздақтар» атты кітабы Ұлы Отан соғысының ызғарлы жылдары жайында сыр шертсе, «Қарағандылық Совет Одағының батырлары» кітабы өңірімізден соғыс отына аттанған батыр қандастарымыздың, ержүрек батырларымыздың ерліктерін қалың көпшілік оқырманға ұсынады. «Қарағанды облысы Ұлы Отан соғысы жылдарында» деп аталатын еңбекте облысымыздан Нұркен батырдың майданда жазып қалдырған хаттары мен қаһармандығы жайында баяндалады. Бозбала шағында соғыстың сұрапыл кездерін көрген қаһарман қазақ ұлының батылдығы мен Отанға деген сүйіспеншілігі бүгінгі ұрпаққа үлгі.

Құрметті оқырман, батыр ерлігін мақтан етейік!