Қарағанды ОӘҒК

[sigplus] Critical error: Image gallery folder material/news/2019_latin is expected to be a path relative to the image base folder specified in the back-end.

Ұлтымыздың латын әріп таңбалы жаңа әліпбиінің жасалуы – рухани жаңғырудың басты темірқазығы. Латынға оралу, әліпби жаңарту – ұлттық мәселе. Кедергісіз тура жолмен әлемдік ақпараттық кеңістікке енуге мүмкіндік беретін негізгі құрал, мемлекетті біріктіретін алып күш.

Сәуір айының 11 жұлдызында кітапханамыздың оқу залдары бөлімінің қызметкерлері Қарағанды гуманитарлық колледжінде «Латын әліпбиі – қазақ тілінің жаңа көкжиегі» атты ақпарат сағатын өткізді. Аталмыш шараға «Бастауыш сыныптар» бөлімінің 2-3 курс студенттері мен ұстаздары қатысты. Болашақтың тұтқасы – ұрпақтың мақтанышына айналар бұл қадам жаңа өмірге бастар баспалдақ екенін түсінген студенттер өз ойлары мен келелі пікірлерін ортаға салды. Қазақ тілі мен әдебиеті пәнінің мұғалімі А.Серікжанова ұсынылған әліпбидің қызу талқыға салынуы халықтың өз болашағына бейжай қарай алмайтындығын мысалға келтіре отырып,бүгінгі технология талаптарына жауап бере алатын әліпби дүниеге келгендігін тілге тиек етті. «Латын әліпбиі - тілтанымдық реформа» тақырыбындағы слайдтардан латын әліпбиіне байланысты тарихи деректер, бүгінгі күнгі атқарылып жатқан жаңалықтар мен жаңартпалар таныстырылды.Сонымен қатар ана тіліміздің даму аясын кеңейтер тарихи құжатқа байланысты кітапханада атқарылып жатқан шаралар жайлы айтып, слайдтар арқылы кеңінен түсініктер берілді. Шара барысында студенттер өз ойларымен бөлісіп, 2 курс студенттері С. Кенжебай, А. Аманжолов, И. Берікболсын қызу пікір таластырды. А. Дайырова сияқты студенттер өз оқу орындарында латын әліпбиіне байланысты атқарылып жатқан шараларға тоқталып, тіліміздің халықаралық деңгейде биік мәртебеге ие болуы қуантатынын айтып өтті.

{gallery}material/news/2019_latin{/gallery}

Студенттер мен ұстаздар кітап көрмесіндегі кітаптар мен мерзімді басылымдар беттеріндегі мақалалармен танысып, өздерін қызықтыратын сауалдарға жауаптар алды,

Шара соңында кітапхананың жұмыс тәртібі мен оқырмандарға көрсетілетін қызмет түрлері, кітапхананың ресми сайты туралы мәліметтер берілді.

Оқу залдары бөлімі  кітапханашы К. Т. Айтбаева