Қарағанды ОӘҒК

[sigplus] Critical error: Image gallery folder material/news/2017_auezov is expected to be a path relative to the image base folder specified in the back-end.

26 қыркүйек күні Н.В. Гоголь атындағы Қарағанды облыстық әмбебап ғылыми кітапханасында Абай атындағы Шығыс Қазақстан облыстық әмбебап кітапханасының қатысуымен ұлы жазушы М.О. Әуезовтің 120 жылдық мерейтойына арналған "Мұхтар Әуезовтің өмір-эпопеясы" атты онлайн-конференция өтті.

Шараға Қарағанды қаласынан ф.ғ.к., Өрлеу БАҰО филиалы директорының орынбасары М. Жетпісбаева "Абай жолы" роман-эпопеясы – қазақ халқы өмірінің энциклопедиясы" атты баяндамасын ұсынды. Баяндама барысында, жарық көргеніне 75 жыл толған "Абай жолы" роман-эпопеясының қазақ өмірінің энциклопедиясы деп аталып кетуіне себеп болатын бірнеше нақты сюжеттер келтіріп, романдағы кейіпкерлердің қазақтың салт-дәстүрлері мен әдет-ғұрыптарын ұстанудағы мақсатын әр қырынан ашып айтып кетті.

Сонымен қатар, асылдың сынығы, М. Әуезовтің туысқан қарындасы Р. Әуезова өзінің жазушы жайлы естеліктерін айтып, конференция қатысушыларына өз мұрағатынан фотосуреттер және кітаптарымен таныстырды.

Абай атындағы Шығыс Қазақстан облыстық әмбебап кітапханасы қатысушысы ф.ғ.к., Қазақстан жазушылар Одағының және Қазақстан журналистер Одағының мүшесі М. Сұлтанбеков "Қазақ әдебиетін қалыптастырудағы Мұхтар Әуезовтің алар орны" тақырыбында сөз қозғап, өзінің Абай, Шәкәрім, Мұхтар жайындағы зерттеу еңбектерін көпшілікке ұсынды.

Абай атындағы облыстық әмбебап кітапханасы сирек кітаптар қорындағы М. Әуезовтің 1940-1950 жылдары жарық көрген кітаптарына шолу жасады. Ол кітаптардың кескінінен өз уақытында қаншалықты құнды болғандығы көрініп тұр.

Сондай-ақ, Абай атындағы Республикалық әдеби-мемориалды қорық-мұражайы директорының орынбасары М. Қайрамбаева конференция қатыстушыларына арнайы М. Әуезов туралы тарихи орындарға виртуалды экскурсия ұйымдастырған.

{gallery}material/news/2017_auezov{/gallery}

Іс-шараны онлайн-конференция модераторы, Қарағанды "Болашақ" Академиясының оқытушысы, ф.ғ.д., профессор М. Хамзин қорытындылап, Елбасы Н.Ә. Назарбаевтың "Болашаққа бағдар: рухани жаңғыру" мақаласы аясында ұйымдастырылып отырған шараның жастарға берер тағлымы мол екендігін айтып кетті.

Қарағанды облыстық әмбебап ғылыми кітапханасы М.О. Әуезовтің өмірі мен шығармашылығынан хабар беретін "Мәңгілік мұраның жаршысы" атты кітап көрмесін ұсынды.

Онлайн-конференцияға қалалық мектеп кітапханашылары мен "Болашақ" Академиясының студенттері қатысты Конференция ұйымдастырушылары сөз соңында шараның өтуіне ат салысқан барлық қатысушыларға ілтипатын білдірді.

М. Әуезовтің ұлтымыздың бірегей қасиетін, байырғы мәдениеті мен қайталанбас болмысы туралы жазып қалдырған өшпес мұрасы өскелең ұрпаққа мәңгі аманат.