Дәстүрлі Қасым оқулары
| Қаралды: 1222
Құрметті оқырман құлағдар болыңыздар!
"Сен неткен бақытты едің, келер ұрпақ..." атты дәстүрлі VII Қасым оқуларының жеңімпаздарын марапаттау салтанаты 2017 жылдың 27 қыркүйек күні сағат 12.00-де Қасым ескерткіші орналасқан аллеяда (Сәкен даңғылының Кривогуз көшелері қиылысатын тұсында) өтеді.
Биылғы жылғы дәстүрлі Қасым оқулары 13 пен 21 жас аралығындағы жастар арасында байқау түрінде екі номинация бойынша өткізіліп, Үздік арнау мен Үздік эссені анықтайды.
Дәстүрлі VII рет өтетін Қасым оқуларына Алматы қаласынан арнайы шақырылған Қазақстан Жазушылар одағының мүшесі, Т.Айбергенов атындағы сыйлықтың және Мемлекеттік "Дарын" жастар сыйлығының, "Алтын қалам" қоғамдық сыйлығының иегері, "Қазақ әдебиетін қолдау" қоғамдық қорының жетекшісі. "Кентавр" ұлттық әдеби апталығының негізін қалаушы Ақберен Елгезек және Қазақстан Жазушылар одағының Қарағанды облыстық филиалының директоры, ақын Серік Ақсұңқарұлы бастаған Қарағандының танымал ақын-жазушылар, ғалымдар, журналистер қазылық етіп қатысады.
Қасым оқулары жаңа заман жас желектері жүрегіне нұр құйып, азаматтық ойшылдыққа от жағары, тамыр тереңдетері сөзсіз.
Поэзия мерекесіне асығыңыздар!
