Қарағанды ОӘҒК

Қазақтың ғасырлар бойы қалыптасқан асыл қазынасын, халық мұрасын тірнектеп жинап, хаттап қағазға түсіріп, рухани әлеміміздің ұмытылмауына өлшеусіз үлес қосып кеткен қазақтану ілімінің қара нары Ақселеу Сейдімбектің 80 жылдық мерейтойына арналған «Арқа даласы – Ақселеу әлемінде» атты өлкетанулық әдеби-марафоны - «Ұлы даланың Ақселеуі» атты әдеби-сазды кешімен Ақаңның туған күні 12 желтоқсан күні өз мәресіне жетті. Аталмыш әдеби-марафонының қорытынды кеші.

XX ғасыр басында ұлт көшбасшысы Ахмет Байтұрсыновтың «Қазақ жоқ іздеуші» дегенін, осындай ізгі мұратқа адал болғандардың бірі Ақселеу Сейдімбек екенін Н.Гоголь атындағы Қарағанды облыстық әмбебап ғылыми кітапханасында осы жылдың наурыз айынан бастап «Арқа даласы – Ақселеу әлемінде» атты өлкетанулық әдеби-марафоныарқылы біраз оқырман білді. Жыл бойы кітапхана қабырғасында әдеби-марафон аясында Ақаңның өмір мен шығармашылығына арналған түрлі форматтағы іс-шаралар өтті. Атап айтсақ, ақпараттық сағат, мектеп мұғалімдері арасында ғылыми-тәжірибе алмасу алаңы, кездесулер, «Естеліктегі Ақселеу» атты тікелей эфирлер, ғылыми дәрістер, кітапханашылар арасындағы «Мен оқыдым, Сізге де оқуға кеңес беремін» буктрейлер байқауы, виртуалды экскурсиялар өтті.

Халықаралық сыбайлас жемқорлыққа қарсы күрес күні Қазақстанда 2004 жылдан бастап, жыл сайын 9 желтоқсанда атап өтіледі. Оны 2003 жылдың 21 қарашасында БҰҰ Бас Ассамблеясы жариялады. 2003 жылы осы күні Мексикада қол қою үшін БҰҰ-ның Сыбайлас жемқорлыққа қарсы конвенциясы ашылды.Қазақстанда сыбайлас жемқорлыққа қарсы іс-қимыл ұлттық саясаттың басым бағыттарының бірі болып табылады.

Тәуелсіздіктің алғашқы күндерінен бастап, Қазақстан сыбайлас жемқорлыққа қарсы ымырасыз күреске белсене араласқандығын және сыбайлас жемқорлыққа қарсы барлық мемлекеттермен, халықаралық ұйымдармен сындарлы өзара іс-қимыл жасауға дайын екендігін көрсетті. Қазақстан жемқорлығы жоқ мемлекет құруды көздегендіктен, жемқорлыққа қарсы іс-қимыл саясатын жүргізуде. Қазақстан посткеңестік кеңістікте бірінші болып 1998 жылы «Сыбайлас жемқорлыққа қарсы күрес туралы» Заң қабылдады, ол сыбайлас жемқорлыққа қарсы іс-қимылдың негіздерін, принциптері мен әдістерін айқындады.

Достар, өнер туралы әдебиеттер бөліміне керемет жаңа кітаптар түсті. Таныс болыңыздар!

Жыл сайын 1 желтоқсанда әлемдік қоғамдастық Дүниежүзілік ЖИТС-пен күрес күнін атап өтеді. 1988 жылы жарияланған бұл күн денсаулық сақтаудың алғашқы халықаралық танылған күні болды. Дүниежүзілік ЖИТС-пен күрес күні АИВ/ЖИТС эпидемияның жаһандық таралуын тоқтату қажеттілігін еске салады.

Бүкіл әлем бойынша көптеген мемлекеттік, қоғамдық және денсаулық сақтау ұйымдары бұл күні білім беру және диагностикалық шаралар өткізеді. 1 желтоқсан күні кітапханамыздың Американдық бұрышында Дүниежүзілік ЖИТС-пен күрес күніне арналған  «Басты қатер – ЖИТС=СПИД – главная опасность» атты тренинг өтті.

25 қарашада Н.В. Гоголь атындағы Қарағанды облыстық әмбебап ғылыми кітапханасында «Кітапханалық менеджмент және кадрлық ресурс» атты VІI облыстық кеңейтілген семинар өтті.

Отырысқа орталықтандырылған кітапхана жүйелерінің директорлары шақырылып, кітапхана саласын кадрлармен қамтамасыз ету мәселелері талқыланды.

Семинар модераторы Н.В. Гоголь атындағы Қарағанды ОӘҒК басшысы Д.Б.Аманжолова болды.

Семинар спикерлері Н.В. Гоголь Қарағанды ОӘҒК басшысы, Д.Б. Аманжолова, ҚР Ұлттық Академиялық кітапханасының директоры Ғ.К. Нұрғалиева, ҚР Ұлттық кітапханасының директоры Б.К. Оспанова, ҚР Ұлттық кітапхана директорының кітапхана жұмысы жөніндегі орынбасары А. Х. Юсупова, Қазақ мемлекеттік қыздар педагогикалық университетінің Кітапханатану және библиография кафедрасының меңгерушісі Г.И. Нұржанова, Қ.С. Мухамбетчина Тәттімбет атындағы Қарағанды өнер колледжінің «Кітапхана ісі» оқытушысы, К.С. Каренов Қарағанды облысының еңбек инспекциясы жөніндегі басқармасының қызмет көрсету саласындағы бақылау бөлімінің бас маманы.

Отырысты Қарағанды облысының архивтер және құжаттама басқармасының басшысы Е.Қ. Жұмакенов ашты.