Қарағанды ОӘҒК

Дана халқымыз: «Әркімнің туған жері – Мысыр шаһары» - деп бекер айтпаған ғой. Сондай өлкенің бірі - қаншама жұмбақ әлемді қойнына жасырған, дарабоз дарындардын түлетіп, ұлтының ұраны болған батыл ұлдарын, өрелі өнер тұнған, небір дүлдүл өнерпаздарын дүниеге әкелген – Ақтоғай өңірі. Ел – ерсіз, жер тарихсыз болмайды. Сол тарихты меңгере алған ұрпақ бойына туған топырағын қастерлей біледі, сенімін ұялатып, сүйіспеншілігін арттырады. Осы сөзді дәлелдей түскен бүгінгі кітапханада өткен «Сарқылмас сырлы Сарыарқа» атты поэтикалық-композициялық кеш.

Бұл кеш Ақтоғай өңірінің тумасы, ҚР Мәдениет қайраткері, ҚР Театр қайраткері, сценарист, режиссер, Ақтоғай ауданының құрметті азаматы Аманолла Ақторғайұлы Шайбековтың шығармашылығына арналды.

Биыл аты аңызға айналған ұшқыш, екі мәрте Кеңес Одағының Батыры Талғат Бигелдиновтыңтуғанына 100 жыл толып отыр. Осы атаулы датаға орай, кітапхананың оқу залында «Ерлік елге мұра – ұрпаққа ұран»атты көрме-викторина өткізілді.

Шараның мақсаты – өскелең ұрпақты отансүйгіштікке тәрбиелеу, елжандылыққа, батылдыққа, шыншылдыққа баулу, адамгершілік-рухани құндылықтарды қалыптастыру.

Аталмыш шараға батырдың есімін иеленіп отырған белді мекеме «Жас ұлан»республикалық әскери мектеп-интернатының тәрбиеленушілері арнайы шақырылды.

Шара барысында жастарға біртуар тұлға Талғат Жақыпбекұлының қиын тағдыры жайлы көңіл толқытарлық мәліметтер айтылып, бейнероликтер ұсынылды.

Кітапханамызда 18-23 сәуір аралығында Дүниежүзілік кітап және авторлық құқықты қорғау күні мен Қазақстандағы балалар жылы аясында «Бүгінгі сән – КІТАП ОҚУ!» атты балалар мен жастар кітабының апталығы өтті.

Мақсаты – кітап шығарушыларға, жазушылар мен ақындарға құрмет көрсету, кітапты насихаттау, кітап пен оқуға деген қызығушылықты қолдау, өскелең ұрпақтың рухани-адамгершілік білімін арттыру, жастарды кітап оқуға баулы, көркем әдебиетке деген құштарлығын ояту.

Балалар мен жастар кітабының апталығының қатысушыларына қызыққа толы шаралар әзірленіп, ашылу салтанатында кітапхананың үздік оқырмандары мен жанашырлары марапатталды.

Бүгін бір апта бойы «Бүгінгі сән – КІТАП ОҚУ!» атты балалар мен жастар кітабы апталығын өткізіп, оқырмандарға түрлі шаралар ұйымдастырып, Дүниежүзілік кітап және авторлық құқықты қорғау күні мен Қазақстандағы балалар жылын достарымызбен бірге атап өткен Апталығымыз да өз мәресіне жетті.

Кітап оқуды сәнге айналдыруды мақсат тұтқан кітапхана апта бойы пікір алмасу алаңдарын, кездесу кештерін, кітап тұсаукесерлерін, квест ойындарын, әдеби турлар мен сағаттар өткізіп, рухани орданы мерекелік көңіл-күймен әрледі.

Қатарымызға жаңа оқырмандар мен белсенді еріктілер қосылып қана қоймай, қорымыз жаңа сыйлық кітаптармен толықты.

Ал бүгін Апталықтың шымылдығы жергілікті автор Ғабдыманап Жазыбаевтың «Тағдыр» атты кітабының тұсаукесерімен жабылды.

Кітапханада «Бүгінгі сән - КІТАП ОҚУ!» атты балалар мен жастар кітабының Апталығы аясында 18 сәуір мен 23 сәуір аралығында оқырмандар үшін оқуды қолдауға арналған квест ойыны, әдеби тур, викториналар мен әртүрлі шаралар өткізілді. Соның ішінде ерекше форматта «Жасырын кездесу» Кітаптар акциясы ұйымдастырылды.