Мемлекет басшысы Қ.-Ж.Тоқаев Қазақстан халқына арнаған жолдауларында - жастарды жан-жақты қолдау мемлекеттік саясаттың басты бағыттарының бірі болып табылатынын және халықтың үміті мен ұмтылысы әрдайым өскелең ұрпақпен байланысты болатынын, сондықтан жастардың тиісті тәрбие алуына, білімі мен дағдысына ерекше баса назар аударатындығын тілге тиек етті. Мемлекет басшысы Қазақстандағы жастар, Қазақстан халқының болашақ игілігі мен үміті екені түсіне отырып, жастарды қаржыландырумен қамтамасыз ететін дамыту бағдарламаларын әзірледі.
1998 жылғы 8-12 тамызда Лиссабонда өткен Жастар ісі жөніндегі министрлердің, дүниежүзілік конференциясының ұсынысы бойынша - 1999 жылғы 17 желтоқсанда БҰҰ Бас Ассамблеясы бекіткен күн, яғни 12 тамыз - Халықаралық Жастар күні біздің республикамыздағы жыл сайын атап өтілетін елеулі оқиға болып табылады. Алғаш рет Халықаралық Жастар күні 2000 жылдың 12 тамызында атап өтілді.
Әлемдегі жастар қазір гүлденуді бастан кешуде – жастардың рекордтық саны қазір әлем халқының жартысы - бұл 30 жастағы және оданда жасы кіші адамдар. 2020 жылы жарияланған Дүниежүзілік жастар баяндамасында 15 пен 24 жас аралығындағы жастардың саны 1,21 миллиард адамды құрайды, бұл әлем халқының 15,5% құрайды. Болжам бойынша, 2030 жылға қарай бұл жастар тобы 1,29 миллиард адамға (жер бетіндегі жалпы халықтың 15,1%), ал 2050 жылға қарай 1,34 миллиардқа жуық адамға (планетаның жалпы халқының 13,8%) жетеді.
Өткен 2019 жыл барлық қазақстандықтардың есінде, жастар саясаты жылымен есте қалды. Жыл барысында жастарды қоғамдық пайдалы істерге тарту үшін, жастарды ынталандыруға бағытталған көптеген қоғамдық-мәдени іс-шаралар өткізілді.
Тек 12 тамыз күні Халықаралық Жастар күнінде, бүкіл ел бойынша жастарды қолдауға және оларды мемлекеттің қоғамдық өміріне тартуға бағытталған 800 мыңнан астам жастарды қамтитын 200-ден астам онлайн-іс-шара іске асырылды. Халықаралық Жастар күні іс-шараларының маңызды бөлігі жоғары оқу орындары мен колледждердің түлектерін, NEET санатындағы жастарды және т. б. жұмысқа орналастыруға жәрдемдесу мақсатында бос жұмыс орындары жәрмеңкелерін ұйымдастыру да орын алды.
Үш бағыттан, жеті тапсырмадан, 21 көрсеткіштен және 66 ауқымды іс-шарадан тұратын «Ұлттық рухани жаңғыру» ұлттық жобасын іске асыру басталды.
Сонымен қатар, 2021 жылы «Тәуелсіздік ұрпақтары» атты республикалық жастар форумы өтіп, оның барысында прогрессивті жастар 2041 жылға, Қазақстанның болашақ ұрпағына уақыт криптокапсуласы жолдауын жіберді. Ағымдағы жылда «ақылды ұрпақ» атты жас ғалымдардың республикалық форумы өтіп, оған ғылымның түрлі салаларынан 200-ден астам жас ғалымдар қатысты.
Мемлекет Басшысы Қасым-Жомарт Тоқаев алғаш рет «ғылым», «мәдениет», «Ақпараттық технологиялар», «Бизнес» және «Медиа» номинациялары бойынша талантты жастарды қолдау мақсатында «Тәуелсіздік ұрпақтары» атты республикалық жастар форумы жеңімпаздарына гранттарды табыс етті.
Жыл сайын жастар күніне арналған іс-шаралар (соның ішінде түрлі концерттер, көрмелер, конференциялар, семинарлар, флешмобтар және т.б.) белгілі бір ұранмен өтеді. Осылайша, әр жылдардағы күннің тақырыптары: «Қазір және болашақтың мүддесі үшін: жастардың тұрақты даму жөніндегі қызметі», «Жастардың ұрпақтардың өзара іс-қимылына негізделген қоғамдағы жастары», «Кедейлікпен бірлескен күрес: жастар және кедейлікті жою», «Жастар және климаттың өзгеруі: әрекет ету уақыты», «Жастардың көші-қоны - даму жолындағы прогресс», «Жастар және психикалық денсаулық», «Жастар және азаматтық тарту», «Жастар әлемді құруда», «жастар үшін қауіпсіз алаңдар», «Жан-жақты білім беру», «Жастарды жаһандық іс-қимылдарға тарту», «Азық-түлік жүйелерін қайта құру: адам денсаулығы мен планета үшін жастар инновациясы», «Ұрпақтар бірлігі: барлық жастағы адамдар үшін әлем құру» және т.б.
Біздің кітапхана да әлемдік маңызы бар оқиғадан тыс қалған жоқ. Халықаралық Жастар күніне орай 12 тамыздан бастап оқу залында осы мерекені тойлауға арналған «Жастар оқиды және кеңес береді» кітап көрмесі ұйымдастырылды. Көрме сөрелерінде мерекенің мәнін көрсететін кітаптар ұсынылды.
Көрмеде Абай Құнанбаев, Мұхтар Әуезов, Сәбит Мұқанов, Сұлтанмахмұт Торайғыров, Сырбай Мәуленов, Мұқағали Мақатаев, Әзілхан Нұршайықов, Фариза Оңғарсынова, Мұхтар Шаханов, Мағжан Жұмабаев, Ғабит Мүсірепов, Ілияс Есенберлин, Олжас Сүлейменов, Кэрол Дуэк, Джоан Роулинг және т.б. қазақ және шетел жазушыларының классикалық шығармалары ұсынылды.
«Жасырын кездесу» акциясы біздің оқырмандарымыз үшін, атап айтқанда жастар үшін визит карточкасына айналды. Аталған акцияға ең танымал авторлар мен әлем әдебиетінің әйгілі шығармалары таңдалып, шығармалар олар ой тереңдігімен және жоғары эстетикалық принциптерімен ерекшеленеді. Бұл акция - Интеллектуалды ойын ретінде оқырмандардың ойлау жылдамдығын, есте сақтау қабілетін дамытады.
Ұсынылған көрме жастарға шығарманы саналы түрде таңдауға, оқуға деген қызығушылықты оятуға, классикалық және заманауи әдебиеттерді талдауға және салыстыруға, оқуды жүйелеуге, сондай-ақ жастардың рухани мәселелерін шешу үшін пайдалы ақпарат алуға, атап айтқанда: кәсіби және жалпы адамзаттық тұрғыдан даму жолдарын іздеуге көмектеседі.
Көрмеде ұсынылған әдебиеттер жалпы оқырманға, оқушыларға, ЖОО студенттеріне, педагогтарға, кітапханашыларға және кітап оқуды жақсы көретіндердің барлығына пайдалы болуы мүмкін.
Кітап көрмесінің материалдарымен танысуға ниет білдірушілерді, біздің кітапханаға шақырамыз!
Оқу залдары бөлімінің кітапханашысы: Майданбекова А.
