Отан қорғаушы күні мен Ұлы Жеңіс күні құтты болсын!

Мерекелік күндері кітапхана келесі тәртіпте жұмыс істейді:

6 мамыр (бейсенбі) - жұмыс күні

7 мамыр (жұма) - мереке күні

8 мамыр (сенбі) - демалыс күні

9 мамыр (жексенбі) - мереке күні

10 мамыр (дүйсенбі) - жұмыс күні

9 мамыр – әрдайым бәріміздің мерейімізді үстем ететін күн. Бұл күн - адамзат тарихындағы ең сұрапыл соғыста жеңіске жеткен, жеңіске жетеміз деп мерт болған боздақтарды еске алатын күн. Майдан даласындағы жанқиярлық ерлік пен тылдағы қажырлы еңбекке бас иіп тағзым ететін күн.

1418 күн. Осынша уақытқа созылған алапат соғыс өрті қаншама ғұмырды жалмады. Жазылған деректерге сүйенсек атылған оқ пен  жарылған  бомбадан 72 мемлекеттің 62 млн тұрғыны ажал құшқанын айтады. Соның арасында 60 мыңға жуық қазақстандықтар да бар. 

Толығырақ...

Қорғаны жоқ мемлекеттің болашағы да жоқ. Қатпарлы тарихты ақтарған сайын көзіміз осыған жетеді. Отанын қорғау – құрметті міндет.

Отанын қорғаушылар мерекесі - еліміз үшін қастерлі мереке. Бұл мереке - Қазақстан қарулы күштеріне халықтың зор құрметін көрсетеді. Ел тұрғындарының әскери қызметке сенімін нығайтып, азаматтық борыш пен әскери міндеттің мәртебесін арттырады. Бұл – әр азаматтың патриоттық сезімін оятатын, Отанды қорғау жауапкершілігін арттыратын мереке. Көрнекті ақынымыз М. Мақатаев:

Оңай сөз ғой  «Отанды сүйем» деген,

Не тындырдың басымды иемменен! – деп ой тастауы тегін емес.

Толығырақ...

Өнер дейтін ұлы құдіретке бас иіп, өлең дейтін қасиетті ұғымды қастерлейтін жыр сүйер қауымды Қасым жырлары тағы да асқақтатты.

Өздеріңізге белгілі Қарағанды облыстық мәслихатының шешімімен Кривогуз көшесі қазақ поэзиясының көрнекті қайраткері, ақын Қасым Аманжоловтың құрметіне берілген болатын. Бұл көшенің атауы ақын есіміне берілгені біз үшін үлкен мәртебе. Осыған орай, 2021 жылдың 5 мамыр күні  Қарағанды облысының мәдениет, архивтер және құжаттама басқармасының қолдауымен біздің кітапхана дауылпаз ақын, жерлесіміз Қасым Аманжоловтың туғанына 110 жылдығына орай «Қасым көшесінде...» насихат акциясын ұйымдастырды.

Толығырақ...