Сыбайлас жемқорлық – ел экономикасының өсуіне үлкен кедергі келтіретін ең басты қауіптердің бірі екенін түсіндіру мақсатында кітапханамыздың оқу залында «Сыбайлас жемқорлық – әлеуметтік қастық» атты кітап көрмесі ұйымдастырылды. Кітап көрмесінде «сыбайлас жемқорлыққа қарсы күрес» тақырыбына арналған кітаптар, мерзімді басылымдар, буклеттер мен жадынамалар ұсынылды, атап айтқанда:
Қазақстан Республикасының Сыбайлас жемқорлыққа қарсы саясатының 2022 - 2026 жылдарға арналған тұжырымдамасын бекіту және Қазақстан Республикасы Президентінің кейбір жарлықтарына өзгерістер енгізу туралы: Қазақстан Республикасы Президентінің 2022 жылғы 2 ақпандағы № 802 Жарлығы.
2020 жылы, Қазақ университеті баспасынан шыққан «Сыбайлас жемқорлыққа қарсы әрекет етудің құқықтық негіздері» кітап – практикумы ағымындағы сыбайлас жемқорлыққа қарсы заңнама шеңберінде осы курста оқыған тақырыптарды қамтиды.
«Сыбайлас жемқорлыққа қарсы заңдылық сипаттама» (Алматы, 2019 ж.) – оқу құралында сыбайлас жемқорлықтың қоғамға қауіптілігі, олармен қарсы күрестің қылмыстық құқықтық мәселелері, қылмыстық кодекс, сыбайлас жемқорлық жекеленген түрлері туралы зерттелген.
«ҚР сыбайлас жемқорлыққа қарсы күрестің қазіргі таңдағы өзекті проблемалары» (Астана, 2012) – бұл жинаққа Қаржы полициясы академиясы 2012 жылғы 27 сәуірде өткізілген «ҚР сыбайлас жемқорлыққа қарсы күрестің өзекті проблемалары» атты республикалық ғылыми-практикалық конференцияның материалдары енгізілді.
Көрмеге мерзімді басылымдар беттерінде жарияланған мақалалар да ұсынылды. Атап айтсақ, республикалық «Егемен Қазақстан», «Айқын», «Заң», «Казахстанская правда» сынды басылымдардағы мақалалардан сыбайлас жемқорлық, парақорлық тақырыбындағы көкейкесті мәселелермен танысуға болады.
Мәселен, «Заң» газетіндегі 2022 жылдың №2 санында жарияланған «Пара мен алаяқтықты ажырату ерекшеліктері» атты мақаланы айтып өткен жөн. Мақалада, Қылмыстық заңнамадағы пара алу және алаяқтықтың айырмақшылықтары айқындалып, соған сәйкес ҚР заңдары арқылы нақты мысалдар келтірілген.
Қазақстан Республикасының Президенті Қасым-Жомарт Тоқаев сыбайлас жемқорлыққа қарсы іс-қимыл мәселелері жөніндегі кеңесте сөйлеген сөзінде: «Сыбайлас жемқорлықпен ымырасыз күрес мемлекеттік саясаттың негізгі басымдықтарының бірі болып табылады және заң үстемдігін орнату мақсатында және шынайы құқықтық мемлекет құру үшін, ең алдымен сыбайлас жемқорлықты жою қажет» деп атап өткен болатын.
Құрметті оқырман, кітап көрмесімен таныса отыра, кітапханамызға келіп өзіңіздің көкейіңізде жүрген сауалдарға жауап ала аласыз. Көрмеде ұсынылған материалдар барлық оқырмандарға пайдалы. Танысқысы келетіндерді кітапханамызға шақырамыз.
Оқу залдары бөлімінің кітапханашысы: Майданбекова А.Д.
