- Мақала жайында ақпарат
- Көру саны: 11
Академик Е. А. Бөкетовтың 100 жылдығына арналған «Жас өлкетанушылар» үйірмесінің мүшелері Е. А. Бөкетов атындағы мемориалдық музейге танымдық экскурсияға барды.
Экскурсия барысында экскурсовод Шалғымбаева Аяулы Адамбекқызы қатысушыларды ғалымның өмір жолы мен шығармашылық мұрасына тереңірек үңілдірді. Балаларға музейдің негізгі экспонаттары, Е. А. Бөкетовтың балалық шағы, отбасы, ғылыми және жазушылық қызметі жайлы мазмұнды ақпарат берілді. Сондай-ақ, олар ғалымның демалыс бөлмесі мен университет қалашығының бас жоспары орналасқан залдармен танысты.
- Мақала жайында ақпарат
- Көру саны: 38
Қарағанды облыстық әмбебап ғылыми кітапханасында ҚР Журналистер одағы сыйлығының лауреаты, ҚР Мәдениет қайраткері, Бұқар жырау ауданының Құрметті азаматы, «Парасат» орденінің иегері, белгілі өлкетанушы Аман Жағдаұлы Жанғожиннің 80 жас мерейтойына арналған «Мамандығым – мақтанышым» атты тағылымды шеберлік сағаты өтті.
Іс-шараны ардагер журналист Гүлнар Бұхарбаева жүргізді. Оқырман назарына «Қаламмен терген нәсібін...» атты инсталляция-кітап көрмесі ұсынылып, экран арқылы мерейтой иесінің өмірі мен шығармашылық жолынан сыр шертетін бейнебаян көрсетілді.
- Мақала жайында ақпарат
- Көру саны: 48
30 қазан күні Н.В. Гоголь атындағы облыстық әмбебап ғылыми кітапханада «ZERDE» әдеби клубының аясында Қазақстан Жазушылар Одағының мүшесі, ақын, сазгер, түрлі жыр мүшәйраларының жүлдегері Салтанат Қайырбектің шығармашылығына арналған «Поэзия жүрегіме бағалы...» атты кездесу кеші өтті.
Кештің мақсаты: рухани және интеллектуалдық дамытудың көзі ретінде кітапқа деген қызығушылықты ояту, кітап оқуды насихаттау. Отандық және әлем әдебиеттерін оқуға тарту, өсіп келе жатқан ұрпақтың әдеби талғамын арттырып, шығармашылығын дамыту.
- Мақала жайында ақпарат
- Көру саны: 96
2025 жылғы 16 қазанда Н.В.Гоголь атындағы Қарағанды облыстық әмбебап ғылыми кітапханасында Республика күні аясында көрнекті ақын, аудармашы, Қазақстан Жастар одағы сыйлығының иегері Жұмекен Нәжімеденовтың 90 жылдығына арналған «Жыр сұңқары Жұмекен» атты әдеби-лирикалық сағат өтті.
Іс-шараға «Болашақ» Академиясының Қазақ тілі мен әдебиеті кафедрасының доценті Райхан Налжігітқызы Исмаилова, Қарағанды ұлттық зерттеу университетінің, Қарағанды жоғары политехникалық колледжі мен Тәттімбет атындағы өнер колледжінің студенттері, ҚР Ұлттық ұланының 6505 әскери бөлімінің сарбаздары, сондай-ақ «Қарақат» мектеп-студиясының домбырашылары қатысты.
- Мақала жайында ақпарат
- Көру саны: 97
2025 жылғы 8-9 қазан аралығында Н. В. Гоголь атындағы Қарағанды облыстық әмбебап ғылыми кітапханасы дәстүрлі «Кітапхана – жетістіктер аумағы» атты ашық есік күндерін өткізді.
Іс-шараның мақсаты - кітапхана қызметін насихаттау, оқырмандарды кітапхана қорымен, сирек және құнды кітаптармен таныстыру, кітап оқуға деген қызығушылықты арттыру, жастарды рухани-мәдени ортаға тарту.
Келушілерді қызықты әрі танымдық алаңдар күтті: Библио-микс, тақырыптық кітап көрмелері, шолулар, блиц-сауалнамалар, интеллектуалдық ойындар мен фотосессиялар ұйымдастырылды.