2025 жылғы 25–26 қараша күндері Қарағанды облысы әкімдігінің қолдауымен Қарағанды облысының мәдениет, архивтер және құжаттама басқармасының ұйымдастыруымен ұлы ақын, ойшыл, ағартушы Абай Құнанбайұлының 180 жылдығына арналған «Ақыл, қайрат, жүректі бірдей ұста» атты облыстық байқауының қорытынды кезеңі өтті.
Мақсаты — Ұлы ақын, ойшыл, ағартушы Абай Құнанбайұлының әдеби мұрасын кеңінен насихаттау, жас ұрпақтың ұлттық рухани құндылықтарға деген қызығушылығын арттыру, шығармашылық қабілеттерін, эстетикалық талғамдарын, табиғи дарындарын анықтау.
Облыстық байқауға Қарағанды облысының барлық өңірлерінен 2000-ға жуық қатысушы өтінім беріп, 1880 мұғалім белсенді атсалысты. Солардың ішінен облыстық іріктеу кезеңіне 57 үздік үміткер жолдама алып, облыстық қорытынды кезеңде 15 қатысушы жүлделі орындарға ие болды.
Абай мұрасына деген құрмет пен сүйіспеншілікті танытатын бұл байқауға Қарағанды, Теміртау, Балқаш, Саран, Абай қалаларынан, сондай-ақ Ақтоғай, Бұқар жырау, Нұра, Осакаров, Қарқаралы және Шет аудандарынан келген жас таланттар қатысты.
Үздік қатысушылар өз өнері мен білімін ортаға салып, келесі номинациялар бойынша бақтарын сынады:
- «Көркемсөз шебері» — 5–8 және 9–11 сынып оқушылары арасында Абай өлеңдерін жатқа оқу мен мәнерлеп жеткізу байқауы;
- «Даналық үні — қара сөз» — 9–11 сынып оқушылары және колледждер студенттері арасында Абайдың қара сөздерін жатқа айту және талдау байқауы;
- «Абай әлемі — сурет тілімен» — Абай шығармашылығы негізінде көркем өнер мектебінің оқушылары арасында сурет салу байқауы;
- «Ақыл, қайрат, жүрек — бүгінгі жасқа бағыт» — ЖОО студенттері арасында эссе жазу байқауы.
Абай оқуларының қазылар алқасы Е. А. Бөкетов атындағы Қарағанды ұлттық зерттеу университетінің профессоры, ф. ғ. д., ҚР мәдениет қайраткері Қойлыбай Асанов (қазылар алқасының төрағасы), филолог, абайтанушы, мәдениеттанушы, ф.ғ. к., Құрмет орденінің иегері Базарбек Атығаев (Алматы қ.) — Е.А. Бөкетов атындағы Қарағанды ұлттық зерттеу университеті қазақ әдебиеті кафедрасының профессоры, ф. ғ. д., әдебиеттанушы Жансая Жарылғапов, суретші, Қазақстан суретшілер одағының мүшесі, ҚР мәдениет қайраткері, ҚР Көркемөнер академиясының мүшесі-корреспонденті, ҚР Құрмет грамотасы және «Құрмет» орденінің иегері Айбек Бегалин, ф. ғ. к., журналистика кафедрасының қауымдастырылған профессоры Мейрам Жұмабеков әділ бағаларын берді.
Қара сөздері мен көркем жырларымен, Абайдың терең ойларын насихаттап, өз шеберліктерін көрсеткен қатысушылардың орындаушылық қабілеттері мен шығарманы терең түсінуі қазылар алқасының ерекше назарында болды. Облыстық байқау барысында қатысушылардың шығармашылық қабілеті мен көркемдік талғамы сараланып, ең үздіктері анықталады.
«Көркемсөз шебері» номинациясы бойынша 5–8 сынып оқушылары арасында:
- 1 орын — Қарағанды қаласының Ж. Ташенов атындағы мектебінің 8 сынып оқушысы Алуа Анарбаева;
- 2 орын — Қарағанды қаласының №66 мектеп-лицейінің 5 сынып оқушысы Сабина Мұқаш;
- 3 орын — Қарағанды қаласының №65 мектебінің 5 сынып оқушысы Адина Марат.
«Көркем сөз шебері» номинациясы бойынша 9–11 сынып оқушылары арасында:
- 1 орын — Шет ауданының Ы. Алтынсарин атындағы тірек мектебінің 10 сынып оқушысы Нұрәсем Серік;
- 2 орын — Балқаш қаласының Абай атындағы №2 мектеп-лицейінің 9 сынып оқушысы Сара Алгамжанова;
- 3 орын — Қарқаралы ауданының Бүркітті ауылының №20 мектебінің 9 сынып оқушысы Аяжан Тілеш.
«Даналық үні — қара сөз» номинациясы бойынша 9–11 сыныптар арасында:
- 1 орын — Қарағанды қаласының №4 мектебінің 10 сынып оқушысы Акгуль Абдыгаликова;
- 2 орын — Қарағанды қаласының №66 мектеп-лицейінің 10 сынып оқушысы Әдемі Юсуп;
- 3 орын — Қарағанды жоғары гуманитарлық колледжінің 4 курс студенті Абдулла Кошиков.
«Абай әлемі — сурет тілімен» номинациясы бойынша:
- 1 орын — Саран қаласының №1 мектеп-лицейінің 11 сынып оқушысы Лаура Талашова.
- 2 орын — Қарағанды қаласының №10 мектебінің 11 сынып оқушысы Наргиз Маубаева.
- 3 орын — Осакаров ауданының Молодежный кентінің Қаныш Сәтпаев атындағы тірек мектебінің 11 сынып оқушысы Анастасия Семёнова.
«Ақыл, қайрат, жүрек — бүгінгі жасқа бағыт» эссе жазу номинациясы:
- 1 орын — Е.А. Бөкетов атындағы Қарағанды университетінің филология факультетінің студенті Альфина Таубалды;
- 2 орын — Б.Бейсенов атындағы Қарағанды академиясының кәсіби даярлық факультетінің 3 курс студенті Рабига Асанова;
- 3 орын — Е.А. Бөкетов атындағы Қарағанды университетінің 4 курс студенті Арина Сосновская.
Байқау барысында қатысушылар Абайдың мұрасын насихаттау, оның шығармаларын терең түсіну мен дұрыс жеткізу бойынша ерекше өнер көрсетті. Ұйымдастырушылар мен қазылар алқасы жастардың өнеріне жоғары баға беріп, Абай Құнанбайұлының ой-танымын әрі қарай дамытуға қосқан үлестерін жоғары бағалады. Барлық жеңімпаздарға ақшалай сертификаттар, дипломдар және алғыс хаттар табысталды.
Бұл байқау жастардың шығармашылық әлеуетін шыңдап, Абайдың асыл мұрасын ұрпақтан ұрпаққа жеткізу жолындағы үлкен қадам болды.
Іс-шараның қорытындысы бойынша жеңімпаздар дипломдармен, алғыс хаттармен және сыйлық сертификаттарымен марапатталды.
