- Мақала жайында ақпарат
- Көру саны: 3729
Кітапханада «Көңілден көкала үйрек хош деп ұшты...» жаңа кітаптың таныстырылымы өтті.
Кітап қазақ ауыз әдебиетінде айрықша орны бар дүлдүл ақын, ХІХ ғасырда ерекше дамыған айтыс өнерінің ақтаңгері Кемпірбай Бөгенбайұлының өмірі мен шығармашылығына арналған.
Жиынды Е.А. Бөкетов атындағы ҚарУ-нің тарих факультеті, археология, этнология және Отан тарихы кафедрасының профессор ассисенті, PhD докторы Нұртас Смағұлов жүргізді.
Кітапты құрастыруда Кемпірбай Бөгенбайұлының шығармашылығы жайында мәліметтердің жинақтау мақсатымен кітапты құрастырушы журналист, ҚР Мәдениет қайраткері Ермек Балташұлы оқырман қауымға әңгімелеп берді.
- Мақала жайында ақпарат
- Көру саны: 4178
Құрметті оқырман қауым қазақ ауыз әдебиетінде айрықша орны бар дүлдүл ақын, ХІХ ғасырда ерекше дамыған айтыс өнерінің ақтаңгері Кемпірбай Бөгенбайұлының өмірі мен шығармашылығы арналған «Көңілден көкала үйрек хош деп ұшты...» жаңа кітаптың таныстырылымы өтеді.
Іс-шараға осы кітаптың құрастырушысы журналист, ҚР Мәдениет қайраткері Ермек Балташұлы, Қазақстан Жазушылар одағының мүшесі, Қазақстанның құрметті журналисі, ардагер журналист Рымбек Смағұлов, Қазақстан Журналистер одағының мүшесі, тау-кен саласының ардагері Жәпен Белгібаев жәнеК. Бөгенбайұлының ұрпақтары т. б. қатысады деп күтілуде.
Модератор Е.А. Бөкетов атындағы ҚарУ-нің тарих факультеті, археология, этнология және Отан тарихы кафедрасының профессор ассисенті, PhD докторы Смағұлов Нұртас Бірлікұлы.
Сіздерді 2024 жылдың 17 қазан күні сағат 11.00.-де кітапханада күтеміз.
- Мақала жайында ақпарат
- Көру саны: 4693
2024 жылғы 1-4 қазан аралығында Н.В. Гоголь атындағы Қарағанды облыстық әмбебап ғылыми кітапханасы жыл сайынғы «Қарағандының алғашқы кітапханасы» ашық есік күнін өткізді.
Іс-шараның мақсаты - кітапхананың әлеуетті оқырмандары аясын кеңейту, кітапхана мен бөлімдер ұсынатын қызметтермен, жаңа ақпараттық мүмкіндіктермен таныстыру, оқуға қоғамдық қызығушылықты арттыру.
Таңертеңнен бастап жас студенттері қызықты және танымдық алаңдар күтіп тұрды: «Таныс және бейтаныс кітапхана» ақпараттық минут, тақырыптық кітап көрмелері, шолулар, блиц-сауалнамалар, зияткерлік-танымдық ойындар, фотосессиялар. Фойеде, арнайы дайындалған стендте ұйымдастырушылық қамтамасыз ету бөлімі дайындаған «Бізге - 90!» тілек бұрышы ұсынылды. Келушілер кітапхана жұмысы бойынша өз құттықтауларын, тілектерін және ескертулерін қалдырды. Мәселен, «Өте керемет кітапхана!», «Оқырмандармен одан әрі дамуды тілеймін!», «Рахмет!, сіздерге табыс пен ілгерілеуді тілеймін!», «Атаулы 90 жылдықтарыңызбен құттықтаймыз!» т.б. керемет ізгі-тілектерін студенттер стенд тақтасына жазып қалдырды. Кітапханаға жазылғысы келетіндерге оқырмандар билетін тегін рәсімдеу мүмкіндігі берілді. «Менің кітапханам» атты қызықты блиц-сауалнаманы, «Таныс және бейтаныс кітапхана» инфомминутын және «Буккроссинг - еркін кітап аймағы» қызықты буккроссингін құжаттарды жинақтау, өңдеу және каталогтарды ұйымдастыру бөлімі дайындады. Олар экскурсанттарға ҚОӘҒҚ қызметі мен кітапхана қорлары, каталогтар, оның ішінде электронды, кітапхана сайты мен блогы, КОУНБ-ның интернет кеңістігіндегі әлеуметтік желілерге қатысуы туралы ақпарат берді.
- Мақала жайында ақпарат
- Көру саны: 4452
Мақсаты: қазақ ақын-жазушыларының және әлем әдебиеті шығармаларын талдауға, жастарды сөйлеу мәдениетіне, өз пікірін ашық айтып, өз көзқарасын дәлелдей білуге баулу, әдебиетке деген таным-біліктілігін шыңдау.
Аталмыш шараға Қарағанды жоғары гуманитарлық колледжінің студенттері қатысты. Шара барысында қатысушылар Ә.Нұршайықовтың «Махаббат қызық мол жылдар» шығармасын талқылап, ойларын ортаға салды. Соғыстан кейінгі Ербол мен Меңтайдың махаббаты, тағдыры, тұрмыс-тіршілігі, туралы түсіндіре отырып, романның танымдық және тәрбиелік маңызын, көркемдік құндылығын атап көрсетті. Махаббаттың құндылығы және оның әрбір адам баласының өмірінде қаншалықты маңызға ие екендігі туралы өз ой-толғаныстарымен бөлісті. Оқырмандарға «Махаббат қызық мол жылдар» атты сериалдан үзінді ұсынылды.
- Мақала жайында ақпарат
- Көру саны: 4938
Жалпы, табиғат пен қоршаған ортаны қорғау мәселесі жалпыхалықтық экологиялық сауат ашу, жастарға үздіксіз білім беру нәтижесінде ғана шешіледі. Осыған орай, «Ой-орда» пікірлесу клубының кезекті отырысы экология тақырыбына арналды.
Клуб мүшелері Ә. Сағынов атындағы ҚарТУ-нің «Кеніштік аэрология және еңбекті қорғау» кафедрасының аға оқытушысы Ауелбекова Арайлым Жоровнамен, Қарағанды облыстық мемлекеттік экологиялық департамент басқармасының аға инспекторы - Көлебаев Бахтияр Тілеуғазыұлымен кездесті.