Қазақ ғылымының атасы – Қаныш Сәтбаев туралы тың деректер мен қызықты мәліметтер жинақталған тамаша кітаптар жарық көрді.
Бұл еңбектерде ғалымның балалық шағынан бастап, ғылым жолындағы күресі мен ұлт алдындағы еңбегі жан-жақты баяндалады.
Қаныш Имантайұлының өнегелі өмірі мен азаматтық ерлігіне жаңа қырынан көз жүгіртіңіз.
Осы кітаптармен танысып, рухани әлеміңізді байытыңыз!

2025 жылғы 8 тамыз күні Қарағанды қаласының орталық мәдениет және демалыс саябағында Абай Құнанбайұлының мұрасын кеңінен насихаттау арқылы жастардың қазақ мәдениеті мен әдебиетіне деген қызығушылығын арттыру мақсатында  ақын, ойшыл, кемеңгер А. Құнанбайұлының 180 жылдығына арналған «Ұлылардың ұлысы - Абай» атты иммерсивті поэзия кеші өтті.

Іс-шараға ақындар, жастар, студенттер, Қарағанды қаласының әскери бөлімінің сарбаздары, мектеп оқушылары, «Адамзаттың бәрін сүй, бауырым деп…» атты облыстық ақындар мүшәйрасының жеңімпазы  Таңсәуле Әгенқызы, Теміртау қаласындағы «Ақ қауырсын» әдеби клубының мүшелері, БАҚ өкілдері мен қала қонақтары қатысты. Қонақтар ашық аспан астында, әуелеген әсем ән мен сырлы поэзияға қанықты.

Құрметті оқырман! 

Мемлекет басшысы Қасым-Жомарт Тоқаевтың 2024 жылы 25 желтоқсандағы № 744 Жарлығымен  «2025 жыл Жұмысшы мамандықтарының жылы» деп жарияланды.
Осыған орай, Сіздің назарыңызға “Мен жұмысшы” атты виртуалды көрме ұсынамыз.
Көрмеде еңбекті қорғау жөніндегі заңнамалар, кітапхана қорындағы кітаптар тізімі, облысымыздағы жұмысшы маман даярлайтын колледждері және еңбек адамдары туралы толық мәтінді мақалалар, интернет ресурстар  ұсынылған.

2025 жылғы 25 маусым күні Н. В. Гоголь атындағы Қарағанды облыстық әмбебап кітапхана жанынан ашылған «Әділ қоғам» кеңсесінде алғашқы мәдени-ағартушылық шара өтті. 
«Адалдықтың темірқазығы – Қаздауысты Қазыбек би» атты зияткерлік-танымдық кездесуге Е.А. Бөкетов атындағы ҚарУ-нің тарих факультеті, археология, этнология және Отан тарихы кафедрасының профессор ассистенті, PhD докторы Нұртас Бірлікұлы Смағұлов спикер ретінде қатысты.

Достар, қазақ поэзиясының дауылпаз ақыны Қасым Аманжоловтың рухани әлеміне бізбен бірге қадам басыңыз!

«Қасым жыры – халық мұрасы» атты виртуалды көрмемізден сіз ақынның өмір жолының жарқын сәттерімен, туған жерімен және Қасым ауылындағы музейдегі құнды жәдігерлермен таныса аласыз.

Виртуалды көрме арқылы Қасым жырларының қуатын сезініп, ақын әлеміне бірге саяхаттайық!

 https://kounbgogolya.wixsite.com/qasymzhyry