Тіліңізді таңдаңыз
Тіліңізді таңдаңыз
Құрметті оқырман!
Мемлекет басшысы Қасым-Жомарт Тоқаевтың 2024 жылы 25 желтоқсандағы № 744 Жарлығымен «2025 жыл Жұмысшы мамандықтарының жылы» деп жарияланды.
Осыған орай, Сіздің назарыңызға “Мен жұмысшы” атты виртуалды көрме ұсынамыз.
Көрмеде еңбекті қорғау жөніндегі заңнамалар, кітапхана қорындағы кітаптар тізімі, облысымыздағы жұмысшы маман даярлайтын колледждері және еңбек адамдары туралы толық мәтінді мақалалар, интернет ресурстар ұсынылған.
2025 жылғы 25 маусым күні Н. В. Гоголь атындағы Қарағанды облыстық әмбебап кітапхана жанынан ашылған «Әділ қоғам» кеңсесінде алғашқы мәдени-ағартушылық шара өтті.
«Адалдықтың темірқазығы – Қаздауысты Қазыбек би» атты зияткерлік-танымдық кездесуге Е.А. Бөкетов атындағы ҚарУ-нің тарих факультеті, археология, этнология және Отан тарихы кафедрасының профессор ассистенті, PhD докторы Нұртас Бірлікұлы Смағұлов спикер ретінде қатысты.
Достар, қазақ поэзиясының дауылпаз ақыны Қасым Аманжоловтың рухани әлеміне бізбен бірге қадам басыңыз!
«Қасым жыры – халық мұрасы» атты виртуалды көрмемізден сіз ақынның өмір жолының жарқын сәттерімен, туған жерімен және Қасым ауылындағы музейдегі құнды жәдігерлермен таныса аласыз.
Виртуалды көрме арқылы Қасым жырларының қуатын сезініп, ақын әлеміне бірге саяхаттайық!
2025 жылдың 25 мамырында Н.В. Гоголь атындағы Қарағанды облыстық әмбебап ғылыми кітапханасында халқымыздың рухани-мәдени мұрасын насихаттауға арналған мазмұнды әрі мәнді шара өтті.
Бұл күн – Алаш қайраткері, жерлесіміз Әлімхан Әбеуұлы Ермековтың туған күні. Рухқа тағзым ету мақсатында арнайы ұйымдастырылған бұл тағылымды кеште Ақтоғай өңірінің төл перзенті, өлкетанушы, ҚР Мәдениет саласының үздігі, Ақтоғай ауданының Құрметті азаматы Тұңғышбай Өміртайұлы Мұқанның «Үш арыстың ауылынанбыз» атты еңбегінің тұсаукесері көпшілік назарына ұсынылды.
Кітап атауының өзі-ақ оқырманды терең ойға жетелейді. Елдің біртуар тұлғалары – Әлихан Бөкейхан, Әлімхан Ермеков, Жақып Ақбаев сынды Алаш қайраткерлерінің ізі қалған қасиетті өңір – Ақтоғай топырағының тарихы мен тағдыры туралы бұл еңбек ұлттық рухты жаңғыртатын ерекше дүние.
2025 жылдың 13 мамыр күні кітапханамызда «Әділ қоғам» жобасы аясында «ZERDE» әдеби клубының кезекті отырысы Қарағанды жоғары гуманитарлық колледж студенттерінің қатысуымен өтіп, жазушы Дулат Исабековтың «Сүйекші» кітабы талқыланды.
Бұл кітаптың терең философиялық мәні мен қоғамдағы әлеуметтік мәселелерді көтеруі оқырмандардың қызығушылығын арттырады. Талқылау барысында клуб мүшелері тіршіліктен сый көрмеген, тек әділетсіздік пен қорлықтан жапа шегіп өмір сүрген кітаптың басты кейіпкері Тұңғыштың өмір жолына тереңірек үңіліп, қызу талқылады. Кейіпкерлердің мінез-құлқы мен оның өмірге деген көзқарасы туралы пікірлер алмасып, әрқайсысы өзіндік түсініктерімен бөлісті.