Кітапхана төрінде публицист, Қазақстан Журналистер одағы сыйлығының лауреаты, ҚР Ақпарат саласының үздігі, облыс әкімінің «Алтын сұңқар», «Тіл майталманы», «Алтын жолақ» сыйлықтарының иегері, «Орталық Қазақстан» газетінің Бас редакторы Ерсін Мұсабектің «Сұңқардың көз жасы» атты жаңа кітабының салтанатты таныстырылымы өтті.

Оқырман мен қаламгерді жақындата түсетін, рухани әлемді байытып, ой көкжиегін кеңейтетін мұндай кездесулердің берері мол. Ұлттық әдебиетке деген қызығушылықты арттыруды мақсат еткен тағылымды шараға белгілі ақын-жазушылар, мәдениет және қоғам қайраткерлері, журналистер, ғалымдар, өлкетанушылар, ұстаздар, кітапханашылар мен студенттер жиналды. Бұл – сөз қадірін бағалаған, рухани дүниеге сусындаған қауымның басын қосқан мәнді басқосу болды.

Көрнекті ғалым, техника ғылымдарының докторы, профессор, Социалистік Еңбек Ері, Қазақстан Республикасының еңбек сіңірген ғылым және техника қайраткері, ҚР Ұлттық Ғылым академиясының және Жаратылыстану Ғылым академиясының академигі, Қазақ КСР Мемлекеттік сыйлығының екі мәрте лауреаты Әбілқас Сағынұлының 110 жылдығына, сондай-ақ техника ғылымдарының докторы, профессор, ҚР Инженерия академиясының академигі Пивень Георгиевичтің 80 жылдық мерейтойына орай, 15 желтоқсан күні "Жас өлкетанушылар" үйірмесінің қатысушыларымен "Грани таланта" атты танымдық сағат өтті.

        2025 жылдың 11 желтоқсаны күні Қарағанды облысының мәдениет, архивтер және құжаттама басқармасының қолдауымен «Отбасымен бірге оқимыз» атты облыстық байқаудың қорытынды кезеңі өтті.

       Байқаудың алғашқы кезеңінен сүрінбей өткен 12 отбасы қорытынды додаға жолдама алып, бірнеше бағыт бойынша өз өнерлері мен білімдерін ортаға салды. Қазылар алқасы қатысушыларды «Визит карточкасы», «Менің сүйікті кейіпкерім» және Блиц-турнир бөлімдері бойынша бағалады.

     2 желтоқсан күні кітапханамызда «ZERDE» әдеби клубының кезекті отырысы ұйымдастырылып, мазмұны терең, рухани ойға жетелейтін көпқырлы жиынға айналды. Бұл жолғы басқосуда клуб мүшелері көрнекті жазушы, ақын, сыншы және аудармашы Тәкен Әлімқұловтың «Сейтек сарыны» атты туындысын талқылап, шығарманың көркемдік болмысы мен тарихи маңызын жан-жақты саралады.

2025 жылғы 25–26 қараша күндері Қарағанды облысы әкімдігінің қолдауымен Қарағанды облысының мәдениет, архивтер және құжаттама басқармасының ұйымдастыруымен ұлы ақын, ойшыл, ағартушы Абай Құнанбайұлының 180 жылдығына арналған «Ақыл, қайрат, жүректі бірдей ұста» атты облыстық байқауының қорытынды кезеңі өтті.

Мақсаты — Ұлы ақын, ойшыл, ағартушы Абай Құнанбайұлының әдеби мұрасын кеңінен насихаттау, жас ұрпақтың ұлттық рухани құндылықтарға деген қызығушылығын арттыру, шығармашылық қабілеттерін, эстетикалық талғамдарын, табиғи дарындарын анықтау.

Облыстық байқауға Қарағанды облысының барлық өңірлерінен 2000-ға жуық қатысушы өтінім беріп, 1880 мұғалім белсенді атсалысты. Солардың ішінен облыстық іріктеу кезеңіне 57 үздік үміткер жолдама алып, облыстық қорытынды кезеңде 15 қатысушы жүлделі орындарға ие болды.

Абай мұрасына деген құрмет пен сүйіспеншілікті танытатын бұл байқауға Қарағанды, Теміртау, Балқаш, Саран, Абай қалаларынан, сондай-ақ Ақтоғай, Бұқар жырау, Нұра, Осакаров, Қарқаралы және Шет аудандарынан келген жас таланттар қатысты.