Page 239 - karagandy_zhumyszhylarynyn_angime_zhyrlary

Бұйырып па бір алла
Үнемі бізге кемдікті?
Ер азамат көрсетер
Осындайда ерлікті», —
делінеді.
X. Манкиннің айтуынша, өлеңді 1916 жылы патшаның июнь жарлығына қар-
сы халыкты көтеріліске шақырып Ілияс Манкин шығарған. Өлең жұмысшылар-
дың арасында ғана емес, ауыл кедейлерінің арасында кең таралған.
94
Батыл бас, аяқты кедейлер! 1953 жылы 15 августа Аманкелдин Көлзақ-
тан жазылып алынды. Және бұл өлеңнің:
«Батыл бас ілгері, жолдастар!
Күресте тайлықпай берік бол!
Азаттық алуда күрес жолы —
Бірде бір шынайы дұрыс жол.
Шықтық біз бәріміз халықтан,
Езілген кедейдің ұлдары.
«Еркіндік, азаттық, бауырластық» —
Бұл біздің күрестің ұраны.

Езуде ұзақ жыл ұстады олар,
Бізді ұзақ аштықтан қатырды.
Қарулан, қарулан, кедей халық,
Азаттық нұрлы күн шақырды.
Еш алдау енді ешбір бөгей алмас
Халықтың жалынды кек күшін.
Аяма жауыңды, жаралайды ол,
Батыл ұр жауыңа найза ұшын», —
деп айтылатын бір нұсқасы 1953 жылы 10 мартта Успенскіде Т. Аманбековтан,
1953 жылы 19 октябрьде Хасен Манкиннен және 1956 жылы декабрьде Ленин
орденді халық ақыны, Қазақ ССР Жоғарғы Советінің депутаты Омар Шипиннен
жазылып алынды. К. Аманкелдин мен X. Манкиннің текстері өте ұқсас. Жалғыз-
ақ X. Манкинде «Батыл бас аяқты, жолдастар!» делінсе, М. Ахметовте «Батыл
бас аяқты, кедейлер!» делінеді. Және осы өлеңнің:
«Басыңдар, жолдастар, аяққа,
Туғанда бостандық таңы.
Жайыңдар құлашты жан-жаққа,
Жойылсын залымдар заңы.
Көтеріл, жұмысшылар, езілген.
Ұрандас басың қос бізге.
Алдында бостандық берілген,
Зарлаған кедейлер, сізге
Тайсалар, төрелер, залымдар,
Ұстаған құлдықта бізді.
Жиылған кедейлер, таныңдар,
Шығарды теңдікке бізді.
Бейнетқор кедейлер, жүріңдер.
Қадамдап ұмтылып алға!
Бостандық, еркіндік, біліңдер,
Топталған бейнетқор жанға.
Табымыз кедейлер, біліңдер
Жиналған бейнетқор табы.
Жүріңдер, кедейлер, жүріңдер,
Атқанда бостандық таңы», —

1 6 - 1 3 8