Page 148 - karagandy_zhumyszhylarynyn_angime_zhyrlary

ҚАРТ КЕНШІ 172
Қарт кенші қуанады табысына,
Көрген соң комбайнның шабысына,
Жанымды жай таптырған бұл машина
Отанның бізге берген табысы да.

Рештак қимылдайды дамыл таппай,
Қарт кенші тұра алмайды көмір шаппай.
Теңіздей толқын ұрған қара бұйра
Ағылар кеңістікпен іле жатпай.

Сондықтан қарайды оған, ол мұқият,
Үздіксіз күні-түні дамыл таппай.
Ықласпен мың-миллион алғыс айтып,
Еңбекке жұмылдырар досын жаппай.

ҚОЛ ШАНАМЕН ТАСЫМАЙМЫЗ
КӨМІРДІ 179
Қол шанамен тасымаймыз көмірді,
Шахта ішінде істеген жұрт көңілді.
Мәңгілікке Ұлы Октябрь жоқ етті
Қара түнек, сонау қапас өмірді.

Көмір шапса комбайн, поез тасып,
Макаровтың жасаған өнері асып,
Данышпан партияның бастауымен
Келеміз коммунизм қадам басып.

БӘШІР БАТЫР 174
Бәшір батыр кеудесіне жұлдыз таққан,
Мініп ап комбайнға, көмір шапқан,
Сом дене, күш тасыған ер білектен
Қара алтын — асыл көмір сел боп аққан.

Дәріптейд ел сүйеді Бәшір ісін,
Хұрметтеп ардақтайды тасқын күшін.
Өндірген көмірінің әр түйірі
Жұмсалар бейбітшілік өмір үшін.