Page 147 - karagandy_zhumyszhylarynyn_angime_zhyrlary
P. 147
БІР ҚЫЗ БАР ШАХТАМЫЗДА
АЛТЫН АТТЫ 170
Бір қыз бар шахтамызда Алтын атты.
Қарасаң дидарына-ау нұр сипатты.
Сөйлессең сол сәулеммен шөліркейсін,
Сөздері көкейіме балдан тәтті.
Еңбекте ерінбейтін ердің өзі,
Жарыста озық болу оның сөзі.
Жастықпен әзілдесе қалсаң егер,
Сыр берер нәзіктіктен оның көзі.
КЕЛГЕН КЕЗДЕ БІЗДІҢ СҰЛУ
ҚАЛАҒА 171
Келген кезде біздің сұлу қалаға,
Кіріңіздер шахтамызға, лаваға,
Күндізгідей жайнап тұрған жарығы.
Клетпен түс. Көріп еркін арала.
Қайырмасы:
Күнде думан шахтада,
Күнде жарыс.
Ағыны зор тасқынға
Ұқсап табыс,
Алға өрлеп барамыз.
Қарышта, қарышта,
Қалма артта, жарыста!
Болат тұяқ комбайн, асыл тісті,
Өр кеуделі, жойқын күш, аса күшті,
Өзі шауып көмірді, өзі тиейд,
Кім білген бұған дейін мұндай істі.
Қайырмасы:
Күнде думан шахтада,
Күнде жарыс.
Ағыны зор тасқынға
Ұқсап табыс,
Алға өрлеп барамыз.
Қарышта, қарышта,
Қалма артта, жарыста!
