Page 145 - karagandy_zhumyszhylarynyn_angime_zhyrlary

Бар құлақтың сырғасы.
Табысқа толсын тасқындап
Сай-саланың жылғасы.
Әлемге бүкіл нұр сепсін
Отанымның шұғыласы.
Шағылсын күнге көктегі
Еңбектің орақ-балғасы,
Бесжылдық игі жарыста,
Өрендер, үдей самғашы!

БІЗДІҢ ЖАС 166
Анау кім зор заводта
Ағызған болат бұлағын?
Анау кім кең алапта
Бұраған НАТИ құлағын?
Кім екен ол сонау бір
Зәулім үйді қалаған?
Нақыштарын санап жүр
Өрнек салып жаңадан.
Кімнің қолы забойда
Таудай көмір қопарған?
Кіммен жүрді соны ойла
Арқыраған отарбаң?
Ол советтік—біздің жас
Өрені өнер, ғылымның,
Алған жолдан бұлжымас
Талаптысы бүгіннің.

ОТАНЫМ МЕНІҢ — ОЛ ӨМІРДІҢ
ЖҮРЕГІ 167
Отаным менің — ол өмірдің жүрегі,
Отаным менің — бейбітшілік тірегі.
Отаным менің теңізде де, көкте де
Бақытты өмір, еркін өмір сүреді.

Отаным менің әділдікті қолдайды,
Бейбітшілді әр мезгілде қорғайды.
Қан құмарды жер бетінен құртуға,
Әділ өмір адамзатқа арнайды.