Page 138 - karagandy_zhumyszhylarynyn_angime_zhyrlary
P. 138
Салқын, самал маған тең
Жанған оттай, ыстық жаз.
Жасап мекен, жайлы орын,
Құздың бұзып қамалын.
Аштым күшпен жер қойнын,
Тең келеді маған кім?!
КӨРДІМ ҰЛЫ ЖЕҢІСТІ 154
Жеңіс жырын желдіре
Доскей тағы жырласын.
Пердесін күйге келтіре
Қолына алып құрдасын.
Жауды қуған серпілте
Жырымды ерлер тыңдасын,
Атасының жырымен
Ақ алмасын шыңдасын.
Ғасырға толған жасымда
Көрдім ұлы жеңісті.
Таттым тағы қайтадан
Жеңістен шыққан жемісті.
Ұраншы болып мен шықтым
Көркейтуге көп істі.
Еселей беріп, селдетіп
Алтын, көмір, жез-мысты.
Колқасына қол салып,
Құртайық фашист-немісті!
БОЛЬШЕВИК БАТЫР 155
Батыр туған большевик — ел адамы,
Құтты болсын басқан оның қадамы,
Қарап қылған әлеуметті фашистер
Қанын төкті, алды бізден жазаны.
Сынды ошағы, қирап соғыс қазаны,
Ұшыратқан өртке талай қаланы,
Бейбіт жатқан қалың елдің қанымен
Суарған ед үлан байтақ даланы.
